“छुटकारा नजिकै छ” यहोवाका साक्षीहरूको जिल्ला अधिवेशन सन् २००६
१. पुरातन समयमा परमेश्वरका जनहरूले साँचो उपासनाप्रति कसरी कृतज्ञता देखाउँथे र आज हामीसित पनि यस्तै कस्तो मौका छ?
१ पुरातन यहूदाका राजा हिजकियाह प्रजाहरूलाई यरूशलेममा भेला हुने आह्वान पत्र बाँड्न समाचारवाहकहरू पठाउँथे। (२ इति. ३०:६, १३) त्यस आह्वान स्वीकार्नु वा नस्वीकार्नुले साँचो उपासनाप्रति मानिसहरूको मनोवृत्ति झल्काउँथ्यो। (२ इति. ३०:१०-१२) यहोवाको उपासना गर्न एक ठाउँमा भेला हुने अवसरप्रति मनैदेखि कृतज्ञता देखाउने यस्तै एउटा मौका यहोवाका साक्षीहरूको लागि चाँडै आउँदैछ। “छुटकारा नजिकै छ” जिल्ला अधिवेशनमा उपस्थित हुने निम्तो-पत्र तपाईंहरूका मण्डलीलाई पठाइसकिएको छ। के तपाईं आउनुहुन्छ? नयाँ व्यक्तिहरूलाई उपस्थित हुन केही गाह्रो नहोस् र स-साना धेरै सहरका जनसाधारणले पनि साक्षीहरूको प्रतिनिधित्व गर्ने सानो झुण्डलाई राम्ररी नियाल्न सकून् भनेर विगतमा थुप्रै स-साना अधिवेशनहरू आयोजना गरिन्थ्यो। तर ठूलो समूहमा आयोजना गरिने यसपालिको अधिवेशनले धेरै ठाउँबाट आएका साक्षीहरूसित संगत गर्ने अवसर दिनेछ।
२ अधिवेशनबाट भरपूर लाभ उठाउन अहिल्यै के गर्न सक्छौं?
२ अहिल्यै सुर कस्ने: हाम्रो हितको लागि तयार पारिएका आध्यात्मिक कार्यक्रमबाट भरपूर लाभ उठाउन हामीले कार्यक्रमको एउटै भाग छुटाउनु हुँदैन। तीनै दिन स-परिवार भेला हुन जे-जति गर्नुपर्छ, अहिल्यै तारतम्य मिलाउनुहोस्। (हितो. २१:५) जागिरमा छुट्टि लिने, बेग्लै विश्वास भएको पति वा पत्नीसित आफ्नो योजनाबारे कुरा गर्ने, होटल बुकिङ गर्ने, तीनै दिन उपस्थित हुन बाइबल अध्ययनलाई मदत गर्ने जस्ता कामहरू गर्नुपर्ने हुनसक्छ। यस्ता महत्त्वपूर्ण कामहरू गर्न अन्तिम घडीमा तात्तिनु ठीक होइन। बरु, यहोवाले “पुऱ्याइदिनुहुनेछ” भन्ने भरोसा राख्दै प्रार्थनामा यी कुराहरू राख्नुहोस्। (भज. ३७:५) राम्रो योजना बनाएको छ भने पछि पैसाको धौ-धौ पर्दैन। अहिलेदेखि नै हरेक हप्ता अलि-अलि पैसा जगेरा गरेका छौं भने अधिवेशनसम्ममा स-परिवारको यात्रा र बसोबास खर्च धान्न सकिन्छ।—१ कोरि. १६:२ तुलना गर्नुहोस्।
३. हामी किन हाम्रो बसोबासको लागि गरिएका प्रबन्धहरूअनुसार चल्नुपर्छ?
३ यहोवाको संगठनले अधिवेशन आयोजना हुने सहरमा पर्याप्त बसोबासको प्रबन्ध गर्न खुबै महेनत गर्ने गरेको छ। यदि हामी अधिवेशनको लागि यस्ता प्रबन्ध मिलाउने भाइहरूको आत्मत्यागको कदर गर्छौं, अधिवेशनमा आएका हाम्रा भाइबहिनीहरूको ख्याल राख्छौं र यहोवाको संगठनका स्तरहरूको आदर गर्छौं भने यस लेखका निर्देशनहरू पूर्णतः पालन गर्न तत्पर हुन्छौं।—१ कोरि. १३:५; १ थिस्स. ५:१२, १३; हिब्रू १३:१७.
४-६. होटल बुकिङ गर्दा बिर्सनु नहुने कुरा के-के हुन्? (पृष्ठ ४ को पेटी समावेश गर्नुहोस्।)
४ होटल वा लज बुकिङ: अधिवेशन समितिले सिफारिस गरेका होटलहरूको सूची अधिवेशन मितिभन्दा धेरै अघि मण्डलीको सूचना-पाटीमा टाँसिनेछ। यो सूचीकै होटल तथा लजहरू रोज्नु भएमा सुपथ मूल्यमा स्तरीय होटल तथा लजहरू उपलब्ध गराउने हाम्रा भाइहरूको प्रयास सफल हुनेछ।—१ कोरि. १४:४०.
५ चाहिने कोठाहरू मात्र बुक गर्नुपर्छ। थप कोठाहरू पनि बुक गर्न चाहनुहुन्छ भने, ती कसका लागि हुन्, नाम दिनुपर्छ। हचुवाको भरमा कोठा बुकिङ गरेर पछि कोठा नलिनुभएमा अरूले कोठा पाउँदैन। कोठामा बस्ने व्यक्तिकै नाममा कोठा बुकिङ गर्नुपर्छ।
६ बुकिङ पक्का गर्न प्रत्येक कोठाको लागि पेश्की दिनु अनिवार्य छ। नत्र होटेलवालाले तपाईंको कोठा अर्कैलाई दिन पनि सक्छ। सूचीमा भएका सबै होटलमा कोठा खाली छैन भने अथवा होटलसित सम्बन्धित कुनै समस्याको लागि मण्डलीको सचिवलाई खबर गर्नुहोस्। सचिवले सूचीमाथि दिइएको जानकारी पालन गर्दै शाखा कार्यालममा होइन तर अधिवेशनको आवास विभागमा सम्पर्क गर्नुपर्छ। कृपया सूचीमा नभएको होटल खोज्नुको सट्टा अर्को सूची नपठाइन्जेल धैर्य गर्नुहोस्।
७, ८. खाँचोमा परेकाहरूलाई कसरी मदत गर्न सकिन्छ?
७ खाँचोमा परेकाहरूलाई मदत: हितोपदेश ३:२७ भन्छ: “मानिसलाई दिने तेरो औकात छ भने त्यसलाई दया देखाउन अस्वीकार नगर।” अधिवेशनमा अरूलाई कसरी दया देखाउने? बूढा-बूढी, अशक्त, पूर्ण-समय सेवामा लागेकाहरू र अरूलाई अधिवेशनस्थलसम्म ल्याइदिने, बासको बन्दोबस्त मिलाइदिने जस्ता व्यावहारिक सहयोग चाहिएको हुनसक्छ। हुन त यिनीहरूको हेरचाह गर्ने मुख्य जिम्मेवारी आफन्तहरूकै हो। (१ तिमो. ५:४) तर आफन्तहरू सक्षम छैनन् भने सँगी विश्वासीहरूले सहयोग गर्न सक्छन्। (गला. ६:१०) पुस्तक अध्ययन निरीक्षकले आफ्नो समूहमा कसैलाई यस्तो मदत चाहिन्छ भने अधिवेशन अघि नै पक्का गर्नुपर्छ।
८ परिवार र मण्डलीले बसोबासको प्रबन्ध गर्न नसेका प्रकाशकहरूको लागि मात्र स्पेशल निड्स रूम रीक्वेस्ट फारम उपलब्ध छ। कस्ता प्रकाशकहरू यो सेवा पाउन योग्य छन्, डिसेम्बर १४, २००५ को प्राचीनहरूको निकायलाई पठाइएको पत्रको निर्देशन पालन गर्नुहोस्। यो प्रबन्ध आध्यात्मिक तवरमा बलिया प्रकाशक र तिनीहरूका अनुशासित बच्चाहरूका लागि मात्र हो।
९. (क) किन खटाइएकै अधिवेशन धाउनु बेस? (ख) कारणवश, अर्कै अधिवेशन धाउनु पर्दा के-के गर्नुपर्छ?
९ अर्कै अधिवेशन धाउने: आरामसित बसेर कार्यक्रम सुन्न, विमोचित प्रकाशनहरू पाउन र बसोबासको उचित व्यवस्था तथा अन्य सुविधाहरू लिन मण्डलीलाई खटाइएकै अधिवेशन धाउनु बेस। कारणवश अर्कै अधिवेशन धाउनु परेमा मण्डलीको सचिवसित जानकारी लिनुहोस्। आफू धाउने अधिवेशन हुने सहरका होटलहरूको सिफारिस सूची र अन्य जानकारी माग्दा आफ्नो निजी ठेगाना दिनुहोस्। पत्रमा टिकट टाँस्नुहोस्। एकै सहरमा एकभन्दा धेरै अधिवेशन आयोजना हुँदैछ भने पत्रमा आफू धाउने अधिवेशनको मिति उल्लेख गर्न नबिर्सनुहोस्।
१०. आगामी अधिवेशनमा आफ्नो खुसी अझ बढाउने एउटा तरिका के हो?
१० तत्पर स्वयम्सेवकहरू: अधिवेशन धाउने सबैले आध्यात्मिक खाना र उत्थानदायी संगतिको भरपूर आनन्द उठाउने कुरामा शंकै छैन। अधिवेशन सफल पार्न गर्नुपर्ने काममा हात बढाउन तम्सिंदा हाम्रो खुसी अझै बढ्नेछ। (प्रेरि. २०:३५) अब छिट्टै अधिवेशन समितिले स्वयम्सेवा गर्न तपाईंहरूलाई आग्रह गर्नेछन्। के तपाईं तयार हुनुहुन्छ?—भज. ११०:३.
११. वर्षमा एक चोटि आउने जिल्ला अधिवेशनको तपाईं कसरी कदर गर्नुहुन्छ र तपाईंको संकल्प कस्तो हुनुपर्छ?
११ अधिवेशन धाउँदै गरेको एक पाँच वर्षे केटोले भने: “अधिवेशन जान मलाई मज्जा लाग्छ।” यी बालकको अवोध मनबाट निस्केका यस टिप्पणीले जिल्ला अधिवेशनबाट हामीले उठाउने आनन्दको झझल्को दिन्छ। भजनहारको यो गीत कत्ति सही छ: “तपाईंको दरवारमा एक दिन हजार दिनभन्दा असल छ।” (भज. ८४:१०) गीतमा दाऊदले यस्तो इच्छा व्यक्त गरे, “परमप्रभुको शोभा हेर्न, र उहाँको मन्दिरमा ध्यान दिन जीवनभर म परमप्रभुको भवनमा रहनपाऊँ।” (भज. २७:४) यहोवाका उपासकहरूमध्ये एक हुन पाउनु नै दाऊदको जीवनको सबैभन्दा ठूलो खुसी थियो। “छुटकारा नजिकै छ” जिल्ला अधिवेशनको एउटै पनि कार्यक्रम नछुटाई साँचो उपासनाप्रति दाऊदले देखाएको कृतज्ञता हामी पनि अनुकरण गरौं।
[पृष्ठ ३-मा भएको पेटी]
कार्यक्रमको समय
पहिलो र दोस्रो दिन
बिहान ९:३० बजे देखि ५:०५ सम्म
तेस्रो दिन
बिहान ९:३० बजे देखि ४:१० सम्म
[पृष्ठ ४-मा भएको पेटी]
होटल बुकिङ कसरी गर्ने
१. मण्डलीको सूचनापाटीमा टाँसिएको सिफारिस होटलहरूलाई मात्र कार्यालय समयमा फोन गर्नुहोस्।
२. होटललाई यहोवाको साक्षीहरूको अधिवेशन धाउँदै हुनुहुन्छ भनी बताउनुहोस्।
३. होटलमा कहिलेदेखि बस्ने र कहिले होटल छोड्ने मिति र समय स्पष्ट बताउनुहोस्।
४. फोन गरेको होटलमा कोठा खाली छैन भने सूचीकै अर्को होटललाई फोन गर्नुहोस्।
५. सूचीमा दिएको भन्दा बढ्ता पैसा नतिर्नुहोस्।
६. बुकिङ गरेपछि बुकिङ नम्बर लिन नबिर्सनुहोस्।
७. दस दिन भित्रमा क्रेडिट कार्ड, चेक अथवा मनी अर्डरबाट रकम भुक्तानी गर्नुहोस्। नगद नपठाउनुहोस्। पेश्की रकम चेक वा मनी अर्डरबाट पठाउने हो भने, अगाडिपट्टि बुकिङ नम्बर लेख्न नबिर्सनुहोस्।
कृपया ध्यान दिनुहोस्
◼ चाहिनेभन्दा बढी कोठा बुकिङ नगर्नुहोस्।
◼ बुकिङ गरेकै होटलमा बस्नुहोस्।—मत्ती ५:३७.
◼ होटलले अनुमति दिएको भन्दा बढी मानिस कोठामा नराख्नुहोस्