पत्रिकाबारे के भन्ने?
प्रहरीधरहरा नोभे. १
“भोलि के हुन्छ, कसलाई के थाह! त्यसैले पलभरका लागि मात्र बाँच्नु बेस हो भनेर धेरै मानिसहरू भन्ने गर्छन्। तपाईंलाई चाहिं कस्तो लाग्छ? [जवाफ दिने मौका दिनुहोस्।] येशूले यस्तो रोचक कुरा बताउनुभयो। [मत्ती ६:३४ पढ्नुहोस्।] हामी भविष्यको लागि कसरी राम्रो योजना बनाउन सक्छौं र अनावश्यक चिन्ता नगर्न के गर्न सक्छौं भनेर यो पत्रिकाले बताएको छ।”
ब्यूँझनुहोस्! अक्टो. – डिसे.
युवायुवतीलाई भेट्दा यसो भन्न सक्नुहुन्छ: “धेरै युवायुवतीले एक्लो भएको महसुस गर्छन्। तपाईंलाई कहिल्यै त्यस्तो लागेको थियो? [जवाफ दिने मौका दिनुहोस् र हितोपदेश १५:३१ पढ्नुहोस्।] एक्लो महसुस हुनु साँच्चै नरमाइलो हुन्छ। एकाकीपनको सामना कसरी गर्ने भनेर यो लेखले राम्रा सुझावहरू दिएको छ।” पृष्ठ १२ मा भएको लेख देखाउनुहोस्।
प्रहरीधरहरा डिसे. १
“सुखी अनि अर्थपूर्ण जीवन सबैलाई मन पर्छ। तर सुखी हुनु हामीले के गर्नुपर्छ, म तपाईंलाई देखाउन चाहन्छु। [मत्ती ५:३ पढ्नुहोस्।] येशूको यो कुरा तपाईंलाई कस्तो लाग्यो? [जवाफ दिने मौका दिनुहोस्।] परमेश्वरको उपासना गर्ने चाहना, हाम्रो जन्मजात अनि आधारभूत आवश्यकता हो। यो आवश्यकता पूरा गर्दा हाम्रो जीवन कसरी आनन्दित हुन्छ भनेर यो पत्रिकाले बताउँछ।”
ब्यूँझनुहोस्! अक्टो. – डिसे.
“सबै जना दीर्घायु अनि स्वस्थ जीवन चाहन्छन्। सकारात्मक झुकाव राख्दा हाम्रो स्वास्थ्य राम्रो हुन्छ जस्तो लाग्छ? [जवाफ दिने मौका दिनुहोस्। हितोपदेश १७:२२ पढ्नुहोस्।]” पृष्ठ २१ को लेख देखाउनुहोस्। “आशावादी झुकाव राख्नु किन उपयुक्त छ भनेर यो लेखमा छलफल गरिएको छ।”