अप्रिल २ देखि स्मरणार्थको निम्तो पर्ची बाँड्नेछौं
१. यसपाली हामी स्मरणार्थको निम्तो पर्ची कहिलेदेखि बाँड्नेछौं? हरेक वर्ष हुने यो अभियान कत्तिको महत्त्वपूर्ण छ?
१ हामी अप्रिल २ देखि १७ सम्म वर्षकै सबैभन्दा महत्त्वपूर्ण अवसरको अर्थात् येशूको मृत्युको सम्झना गर्ने दिनको निम्तो पर्ची बाँड्नेछौं। यो वार्षिक अभियानको निम्तो विगतमा पनि थुप्रैले स्वीकारेका थिए। जस्तै:- स्मरणार्थकै दिन एउटी महिलाले शाखा कार्यालयमा फोन गरिन् र यसो भनिन्: “म भर्खरै घर फर्कें, भित्र पस्दा त ढोकामुनिबाट निम्तो पर्ची छिराइएको रहेछ। म त्यो कार्यक्रममा जान चाहन्छु। तर कतिबेला हुने हो, मलाई थाहै छैन।” निम्तो पर्चीमा कहाँ यस्तो जानकारी लेखिएको छ भनेर शाखा कार्यालयका भाइले बताइदिए। कुराकानीको अन्तमा ती महिलाले यस्तो प्रतिज्ञा गरिन्: “आज साँझ म तपाईंहरूको कार्यक्रममा जानेछु।”
२. निम्तो दिंदा हामी के भन्न सक्छौं?
२ निम्तो दिने तरिका: हाम्रो इलाकाको सबैतिर निम्तो पर्ची बाँड्नुपर्ने भएकोले प्रस्तुति छोटो बनाउनु उत्तम हो। हामी यसो भन्न सक्छौं: “नमस्ते, अप्रिल १७ मा संसारभरि मनाइने महत्त्वपूर्ण वार्षिक उत्सवको निम्तो तपाईंको परिवारलाई दिन चाहन्छौं। [निम्तो पर्ची दिनुहोस् ] त्यो दिन येशूको मृत्युको वार्षिकी हो। ख्रीष्टले दिएको फिरौतीबाट हामी कस्तो लाभ पाउन सक्छौं भनेर बाइबलआधारित प्रवचन सुन्न पाउनेछौं। यसको लागि पैसा तिर्नुपर्दैन। कुन ठाउँमा र कतिबेला यो कार्यक्रम हुनेछ भन्नेबारे यस निम्तो पर्चीमा जानकारी दिइएको छ।”
३. सकेसम्म धेरै मानिसलाई हामी कसरी निम्तो दिन सक्छौं?
३ तपाईंको मण्डलीको इलाका ठूलो छ भने पहिलो भेटमा घरमा नभेटिएकाहरूकहाँ पनि निम्तो छोड्न सकिन्छ भनेर एल्डरहरूले निर्देशन दिन सक्छन्। तर निम्तो पर्ची त्यस घरको बाटो भएर हिंड्ने मानिसहरूले नदेख्ने ठाउँमा राखिदिनुपर्छ। पुनःभेटहरूलाई, नातेदारहरूलाई, सहकर्मीहरूलाई, सहपाठीहरूलाई र चिनेजानेका अरूलाई निम्त्याउन नबिर्सनुहोस्। सप्ताहन्तको प्रचारमा भने उपयुक्त अवस्थामा पत्रिका पनि सँगै दिन सक्नुहुन्छ। अप्रिल महिनामा सहायक अग्रगामी सेवा गरेर यो रमाइलो अभियानमा अझै भाग लिन सक्नुहुन्छ कि?
४. चासो दिने व्यक्तिहरू स्मरणार्थमा आऊन् भन्ने हाम्रो चाहना छ, किन?
४ चासो दिने उपस्थित व्यक्तिहरूले कस्तो गजबको साक्षी पाउनेछन्! फिरौतीको प्रबन्ध गरेर यहोवाले देखाएको महान् प्रेमबारे तिनीहरूले सुन्नेछन्। (यूह. ३:१६) परमेश्वरको राज्यबाट मानिसहरूले कस्तो लाभ पाउनेछन् भनेर तिनीहरूले सिक्नेछन्। (यशै. ६५:२१-२३) परिचारकहरूलाई भेट्नुहोस् र अझै सिक्न बाइबल अध्ययनको प्रबन्ध मिलाइदिने अनुरोध गर्नुहोस् भनेर उपस्थित व्यक्तिहरूलाई आग्रह गरिनेछ। यहोवाबारे सिक्न इच्छुक व्यक्तिहरूले हाम्रो निम्तो स्वीकारून् र स्मरणार्थमा आऊन् भनेर हामी प्रार्थना गर्छौं।