कुराकानी थाल्ने उदाहरण
स्मरणार्थ निम्तोपर्ची वितरण अभियानमा
“हामी एउटा महत्त्वपूर्ण समारोहको लागि निम्तो दिंदै छौं। अप्रिल ३ मा संसारभरिका लाखौं मानिस येशू ख्रीष्टको मृत्युको सम्झना गर्न भेला हुँदै छन्। त्यस समारोहमा येशूको मृत्युले हामीलाई कसरी लाभ पुऱ्याउँछ भनेर प्रवचन दिइनेछ। यहाँ आउन कुनै शुल्क लाग्दैन। कार्यक्रम हुने समय र स्थान यस निम्तोपर्चीमा लेखिएको छ।”
प्रहरीधरहरा मार्च १
“यस वर्ष अप्रिल ३ मा येशू ख्रीष्टको मृत्युको वार्षिकी मनाइनेछ। यो दिन थुप्रै मानिसहरू येशूको मृत्युको सम्झना गर्न भेला हुनेछन्। तर कसै-कसैलाई भने येशूको मृत्युको खासै महत्त्व छैन जस्तो लाग्न सक्छ। तपाईंलाई चाहिं कस्तो लाग्छ? के येशूको मृत्यु र पुनर्जीवनले हामीलाई कुनै लाभ पुऱ्याउन सक्छ? [जवाफ दिने मौका दिनुहोस्।] ईश्वरको वचनमा यसबारे के लेखिएको छ, हेर्नुस् त। [१ कोरिन्थी १५:२२, २६ पढ्नुहोस्।] यस पत्रिकामा येशूको बलिदानले गर्दा भविष्यमा मानिसजातिले पाउने लाभहरूबारे लेखिएको छ। उदाहरणका लागि पृथ्वीमा मानिसहरू मर्नै नपर्ने दिन आउँदै छ।”