प्रचारकार्यमा अझै उन्‍नति गर्ने —बेग्लै भाषा बोल्ने मानिसलाई साक्षी दिनुहोस्‌

यसो गर्नु किन महत्त्वपूर्ण छ: यहोवाले “जुनसुकै जाति”-का मानिसहरू भए तापनि तिनीहरूको आध्यात्मिक हितको चासो राख्नुहुन्छ। (प्रेषि. १०:३४, ३५) येशूले पनि ‘सारा पृथ्वीभरि सबै जातिलाई’ सुसमाचार प्रचार गरिनेछ भनेर बताउनुभयो। (मत्ती २४:१४) जकरियाले “सबै जातिका विभिन्‍न भाषा बोल्नेहरू”-ले सुन्‍नेछन्‌ भनी भविष्यवाणी गरे। (जक. ८:२३) प्रेषित यूहन्‍नाले देखेको दर्शनअनुसार महासङ्‌कष्टमा बाँच्नेहरू “हरेक राष्ट्र, कुल, जाति अनि भाषाका” मानिसहरू हुनेछन्‌। (प्रका. ७:९, १३, १४) त्यसैले हाम्रो इलाकामा बेग्लै भाषा बोल्ने मानिसहरू भेट्‌यौं भने हामीले साक्षी दिने प्रयास गर्नुपर्छ।