जनवरीमा सहायक अग्रगामी हुनुहोस्
१ हामी सबैले नै आफूलाई यो सोध्नु उचित छ: ‘जनवरी महिनामा म कुन हद्सम्म एक जना ज्योति वाहक हुनेछु? के म सहायक अग्रगामी हुन सक्छु कि?’—मत्ती ५:१४, १६.
२ बप्तिस्मा लिएका स्कूल जाने जवान मानिसहरू सित सम्भवतः सदाभन्दा बढी फुर्सत हुन सक्छ। अतः यो महिना, क्षेत्र-सेवकाईमा अझ बढी भाग लिने उद्देश्यले, ती जवान मानिसहरूलाई कुनै कुनै आमा-बाबुहरू र अन्य वयस्कहरूले साथ दिन सक्छन्। आफ्नो व्यवसायमा साधारणतया पूर्ण समय बिताउने धेरै जनाले पनि जीवन बचाउने यस कामका लागि सदाभन्दा बढी समय दिन सक्लान्।
३ एक जना सहायक अग्रगामीको हैसियतमा काम गर्न सक्षम हुनुको एउटा महत्त्वपूर्ण कुञ्जी अलिकता बढी मेहनत गर्न राजी हुनु हो। (लूका १३:२४) हामीले राम्ररी विचार पुऱ्याएर, आफ्ना पारिवारिक तथा मण्डलीका लगायत जम्मै गतिविधिको व्यवस्था मिलायौं भने, एक जना सहायक अग्रगामीको हैसियतमा सेवा गर्ने आनन्दको अनुभव हामीले उठाउन सक्नेछौं।
४ जनवरी महिनामा के तपाईंले सेवकाईका लागि अझ बढी समय बिताउन सक्नु हुन्छ? यसो गर्न सक्नु भयो भने, ढोका-ढोकाहरूमा जाँदा तपाईंको आत्मविश्वास बढने छ र उत्साहवर्धक अनुभवहरू पनि प्राप्त गर्न सक्नु हुनेछ। यस प्रकार तपाईंले बढी मात्रामा आनन्द उठाउन सक्नु हुनेछ।—प्रेरित २०:३५.