Diboka Tša Tirelo Tša October
Beke e Thomago ka October 4
10 mets:Ditsebišo tša phuthego le Ditsebišo tšeo di kgethilwego go tšwa go Tirelo ya Rena ya Mmušo. Šišinya ditsela tšeo dimakasine tša gona bjale di ka dirišwago ka gona tšhemong ya lena. Gatelela bohlokwa bja go neela dipeeletšo tša Phafoga! le Morokami lebakeng le lengwe le le lengwe. Boelang gohle moo le sepedišitšego dimakasine ka morero wa go thoma ditsejana tša dimakasine. October ke kgwedi ya mafelelo ya lesolo la tšhemo e sa abjago. Kgothaletša bohle go nea thekgo e tletšego dithulaganyong tša mafelelo tša tšhemo e sa abjago. Ge nako e dumela, anega phihlelo e tee goba tše pedi tše di kgahlišago tšeo di thabetšwego tšhemong e sa abjago.
15 mets:“Go Bontšha go se Bebe Sefahlego Bodireding bja Rena.” Dipotšišo le dikarabo. Gatelela dikarolo tša sehlogo se tšeo e lego bothata bjo bo kgethegilego tšhemong ya lena.
20 mets:Oketša Bodiredi bja Gago bja Ntlo le Ntlo ka October. Molebeledi wa tirelo goba ngwanabo rena o mongwe yo a swanelegago o boledišana le batheetši ka bohlokwa bja bodiredi bja ntlo le ntlo. Bontšha: (1) Mogoeledi o thoma poledišano yeo e tlago go lebiša sehlogong se se lego ka go Phafoga! ya gona bjale goba Morokami. Mogoeledi o neela peeletšo ya Phafoga! goba Morokami. (2) Boemong bjo bo swanago, eupja mpho ya peeletšo e a ganwa. Mogoeledi o sepediša dimakasine gomme o thea motheo bakeng sa tsejana ya dimakasine. (3) Mogoeledi o diriša pampišana go thoma poledišano yeo e sa rulaganyetšwago ke moka o sepedišetša motho yo a thabelago dimakasine tša gona bjale. (4) Mogoeledi yo a dirago leeto la tsejana ya dimakasine o dira phetho go neela peeletšo. Go feto-fetoga mo go bjalo go swanetše go kgothaletša bagoeledi ka moka go oketša bodiredi bja bona bja ntlo le ntlo ka October. Ga go na pelaelo gore ba bangwe ka phuthegong ba tla be ba dira e le babulamadibogo ba go thuša kgweding ye. Nako e ka ba e se ya feta kudu gore ba bangwe bao ba ka kgonago ba ngwadiše.
Kopelo 42 le thapelo ya go phetha.
Beke e Thomago ka October 11
10 mets:Ditsebišo tša phuthego. Pego ya tša ditšhelete. Bala ditebogo tša meneelo gomme o rete phuthego bakeng sa go thekga modiro wa lefase ka bophara ka go hloka boithati, gotee le go hlokomela dinyakwa tša dilo tše di bonagalago tša phuthego ya lena. Boeletša ka boripana dithulaganyo tša tirelo ya tšhemo bakeng sa beke gomme o hlalose tebogo bakeng sa thekgo e mafolofolo ya bagoeledi.
15 min:“Go Sepediša Dipeeletšo ka Ntlo le Ntlo.” Poledišano le batheetši. Re na le lebaka le le kwalago la go fišegela go sepediša dipeeletšo go batho bao re gahlanago le bona tirelong ya tšhemo le bao re ba neago bohlatse bjo bo sa rulaganyetšwago. Dimakasine di na le matšatši-kgwedi gomme go swanetše go bolelelwa ditokollo tša morago-rago, eupja ga se ra swanela go dika-dika go sepediša dimakasine tša kgale ge sebaka se rotoga. Kgodišega gore dimakasine tšeo o di sepedišago di hlwekile gomme ga se tša kgeiga. Dira gore mogoeledi yo a swanelegago a bontšhe thero yeo e hlalositšwego go serapa 3.
20 mets:“Thuto ya Modimo e na le Tutuetšo e Matla.” Kakaretšo ya sehlogo ka dipotšišo le dikarabo. Bala dirapa le ditemana tše di bontšhitšwego ge nako e dumela.
Kopelo 44 le thapelo ya go phetha.
Beke e Thomago ka October 18
10 mets:Ditsebišo tša phuthego. Ditaba tša Pušo ya Modimo.
15 mets:“Lebiša Tlhokomelo Kgahlegong Yeo e Hweditšwego.” Polelo ka dipotšišo tše itšego tšeo di lebišitšwego go batheetši. Bontšha kamoo bagoeledi ba bjetšego kgahlego ka gona tšhemong ya lena, goba dira gore mogoeledi a anege phihlelo yeo e sa tšwago go direga yeo e bontšhago bohlokwa bja go boela go bao ba dirilego peeletšo goba bao ba amogetšego kopi ya Phafoga! le ya Morokami.
20 mets:“Holwa ka mo go Tletšego ke Kopano ya Selete ya ‘Thuto ya Modimo’ ya 1993”—Karolo 1. Poledišano le batheetši ya dirapa 1-16. Bagoeledi ba swanetše go ahla-ahla dintlha tše di swanetšego le barutwana ba bona ba Beibele bao ba tlago go ba gona kopanong.
Kopelo 60 le thapelo ya go phetha.
Beke e Thomago ka October 25
10 mets:Ditsebišo tša phuthego. Akaretša dithulaganyo tša tirelo ya tšhemo bakeng sa beke gomme o lebiše tlhokomelo dintlheng tše di lego dimakasineng tša gona bjale tšeo bagoeledi ba ka di dirišago ge ba neela dipeeletšo. Ge nako e dumela, bontšha ka boripana thero e tee goba tše pedi tšeo di tlago go swanela tšhemo ya lena. Nea dikgopotšo mabapi le go nyakega ga go boela go bohle bao ba bontšhitšego kgahlego.
15 mets:“Holwa ka mo go Tletšego ke Kopano ya Selete ya ‘Thuto ya Modimo’ ya 1993”—Karolo 2. Ahla-ahla dirapa 17-19 le batheetši gomme le boeletše ka tlhokomelo “Dikgopotšo tša Kopano.” Akaretša dikgopotšo tše di swanetšego tše di theilwego tsebišong e lego go Morokami wa June 15, 1989, matlakala 10-20, goba o kgothaletše dihlopha tša malapa go boeletša dintlha tše di lego dihlogong tše pele di e-ya kopanong.
20 mets:“Go Swara Thuto ya Legae ya Beibele.” Kakaretšo ya sehlogo ka dipotšišo le dikarabo. E-ba le pontšho e boeleditšwego gabotse ya mogoeledi a thuša morutwana go kwešiša kamoo temana e bontšhitšwego e thekgago tsebišo e lego serapeng se se balwago ka gona. Pontšhong e swanago mogoeledi o diriša dipotšišo tša go thuša morutwana go dira therešo gore e be ya gagwe. Diriša karolo e kgethilwego ya puku ya Go ba Batee Borapeding goba ya Phela ka mo go sa Felego.
Kopelo 78 le thapelo ya go phetha.