Diboka Tša Tirelo Tša July
Beke e Thomago ka July 1
12 mets: Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo. Gopotša bagoeledi gore ba bege tirelo ya bona ya tšhemo ya June ka bjako. Mongwaledi le baswari ba thuto ya puku ba swanetše go kgonthišetša gore dipego ka moka tše di šaletšego tša tirelo ya tšhemo tša dikgwedi tše di fetilego di a tlišwa.
15 mets: “Go Phethagatša Keno ya Rena Letšatši le Letšatši.” Dipotšišo le dikarabo. Akaretša ditlhaloso go tšwa go Insight, Bolumo 2, letlakala 1162, dirapa 6-7, tšeo di bontšhago lebaka leo ka lona keno e lego tlamo e bohlokwa.
18 mets: “Ekiša Jehofa ka go Hlokomela ba Bangwe e le ka Kgonthe.” (Dirapa 1-3) Diriša serapa sa pele go godiša moko wa sehlogo. Bontšha gore ke diporoutšha dife tšeo di lego gona setokong ka phuthegong tšeo di ka amogelwago gabotse tšhemong ya gabo lena. Ke moka boeletša dirapa 2-3 feela, gomme o bontšhe kamoo ketelo ya pele gotee le leeto la go boela di ka swarwago ka gona ka poroutšha ya Na Modimo Ruri o na le Taba le Rena? Bontšha kamoo bagoeledi ba ka itirelago thero ya bona ka noši bakeng sa poroutšha e nngwe yeo e ka bago e swanetšego bakeng sa tšhemo ya lefelong leo.
Kopelo 112 le thapelo ya go phetha.
Beke e Thomago ka July 8
10 mets: Ditsebišo tša phuthego. Pego ya tša ditšhelete.
15 mets: “Ekiša Jehofa ka go Hlokomela ba Bangwe e le ka Kgonthe.” (Dirapa 4-5) Ahla-ahla feela dirapa 4-5 le dintlha tše dikgolo tša poroutšha ya Ge Motho yo o mo Ratago a E-hwa. Ke moka o dire dipontšho tša dithero tše di šišintšwego bakeng sa ketelo ya pele le leeto la go boela.
20 mets: “Banababo Rena ba Oketšegilego ba a Nyakega Tirelong ya Bobulamadibogo.” Dipotšišo le dikarabo. Ge nako e dumela boeletša ditšhišinyo tša mabapi le kamoo go ka hlokomelwago ka gona dinyakwa tša tša ditšhelete, bjalo ka ge go ahla-ahlilwe ka go Morokami wa September 15, 1993, matlakala 28-31.
Kopelo 16 le thapelo ya go phetha.
Beke e Thomago ka July 15
10 mets: Ditsebišo tša phuthego. Molebeledi wa tirelo o swanetše go tsebiša phuthego ka dithulaganyo tša mafelelo tša tšhemo e sa abjago—matšatši, lefelo leo le tlago go šongwa, marobalo, dithulaganyo tša go sepela le mpho ya puku.
20 mets: “Na le Kile la Leka go Nea Bohlatse Mantšiboa?” Polelo le batheetši ba tšea karolo gotee le dipoledišano. Laodiša seo se ilego sa hlokomelwa phuthegong ya gabo lena ge go be go šongwa tšhemo nakong ya mantšiboa ya letšatši. Akaretša diphihlelo tšeo di bontšhago mafelelo a mabotse go tšwa go neeng bohlatse mantšiboa. Bontšha thulaganyo ya phuthego ya beke le beke ya diboka tša tirelo.
15 mets: “Ekiša Jehofa ka go Hlokomela ba Bangwe e le ka Kgonthe.” (Dirapa 6-8) Diriša serapa sa mafelelo sa sehlogo go kgothaletša bohle gore ba dire maeto a go boela ka bjako go bao ba sepedišeditšwego diporoutšha. O diriša dirapa 6-7, bontšha kamoo go ka sepedišwago poroutšha ya Morero wa Bophelo ketelong ya pele le kamoo go ka thongwago thuto kgaolong ya pele ya puku ya Tsebo leetong la go boela. Gopotša bagoeledi gore ba ka itirela dithero tša bona ka noši bakeng sa diporoutšha tše dingwe, ba latela mohlala wa dithero tšeo di šišintšwego ka go Tirelo ya Rena ya Mmušo.
Kopelo 64 le thapelo ya go phetha.
Beke e Thomago ka July 22
10 mets: Ditsebišo tša phuthego. Boeletša dihlogo tša morago bjale tša dimakasine ka bokopana, o šupa dintlha tše dikgolo tše di kgahlišago tše di ka dirišwago ge di neelwa ka ntlo le ntlo.
15 mets: Phegelela Pakane ya Tirelo ya Nako e Tletšego. Poledišano magareng ga mogolo le mofsa o tee goba ba babedi bao ba lego mahlalagading, yeo e theilwego go Morokami wa December 15, 1988, matlakala 25-7. Bafsa ba leka go dira phetho mabapi le dipakane tšeo ba tlago go di phegelela ka morago ga ge ba feditše sekolong se se phagamego. Ba bontšha kgahlego meholeng ya dilo tše di bonagalago yeo e newago ke mediro ya lefase. Mogolo o bontšha mabaka a mabotse ao ka ona go tlago go ba kaone kudu gore ba katanele tirelo ya bobulamadibogo. Bafsa bao ba lego mahlalagading ba a dumela eupša ba belaela gore ba ka kgona go bula madibogo le go itlhokomela ka dilo tše di bonagalago. Mogolo o abelana le bona diphihlelo tšeo di tšwago sehlogong sa Morokami, a bontšha gore tirelo ya bobulamadibogo ke pakane e leka-lekanego yeo e fihlelelegago yeo e tlišetšago ba bantši lethabo. Poledišano e felela ka bafsa ba ba lego mahlalagading ba bontšha tebogo bakeng sa ditlhaloso tša mogolo le boikemišetšo bja bona bja go naganišiša ka mo go tseneletšego ka go phegelela pakane ya go ba le karolo e tletšego tirelong ya Mmušo.
20 mets: “Kamoo go ka Dirwago Barutiwa ka Puku ya Tsebo.” Polelo yeo e akaretšago dirapa 12-16 tša pampiri ya ka gare ya June 1996. Akaretša dipontšho tše pedi tša thuto ya Beibele e tšwela pele. Ya pele e bontšha kamoo go ka tlwaetšwago morutwana go lokišeletša thuto ka go swaya dintlha tše dikgolo goba go thalela mantšu a bohlokwa le dipolelwana tšeo di arabago ka go lebanya dipotšišo tše di gatišitšwego. Ya bobedi e bontšha seo o ka se bolelago go kgothaletša morutwana wa Beibele go ba gona Sebokeng sa Phatlalatša le Thutong ya Morokami.
Kopelo 116 le thapelo ya go phetha.
Beke e Thomago ka July 29
10 mets: Ditsebišo tša phuthego. Boeletša “Lenaneo le Lefsa la Kopano ya Tikologo.” Kgopotšo ya dithulaganyo tša modiro tšhemong e sa abjago. Gopotša bohle gore ba tliše dipego tša bona tša tirelo ya tšhemo tša July. Ka borutho kgothaletša bohle gore ba be le karolo e tletšego tirelong ya tšhemo kgweding ya mafelelo ya ngwaga wa tirelo.
20 mets: Ke’ng Seo se Nyakegago Gore go Thongwe Thuto ya Beibele? Mogolo o hlahla poledišano magareng ga ba babedi goba ba bararo bao ba hweditšego katlego modirong wa thuto ya Beibele, ba boeletša ditsela tša go atlega kudu tabeng ya go thoma dithuto: (1) Rapelela thušo ya Jehofa. (2) E-ba le karolo ka mehla dibopegong tše di fapa-fapanego tša bodiredi bakeng sa go hwetša batho ba thabelago. (3) Ngwala bohle ba bontšhago kgahlego, gomme o dire maeto a go boela ka bjako. (4) Ka mehla ithapele go swara thuto moo kgahlego e bontšhwago. (Bona sehlogwana se se rego, “Go Thoma Dithuto tša Beibele,” go letlakala 20 la Morokami wa February 15, 1996.) (5) Aga kgodišego bokgoning bja gago bja go ruta ka go diriša ditšhišinyo tše nne tšeo di lokeleditšwego go matlakala 27-31 a Morokami wa March 15, 1985 [w84 8/1 matl. 13-17].
15 mets: Tše di Nyakegago tša Phuthego. Goba mogolo o nea polelo e theilwego go “Khomotšo le Kgothatšo—Mahumo a Dibopego tše Dintši,” go tšwa go Morokami wa January 15, 1996, matlakala 21-3.
Kopelo 165 le thapelo ya go phetha.