Diboka Tša Tirelo Tša September
Beke e Thomago ka September 2
12 mets:Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo. Kgothaletša yo mongwe le yo mongwe le baswari ba Thuto ya Puku ya Phuthego ka mo go kgethegilego gore ba boeletše sehlogo sa Tirelo ya Rena ya Mmušo ya September 1992 se se rego, “Go Ithuta Puku ya Motho yo a Phagamego yo a Kilego a Phela.” Gatelela dintlha tše dikgolo tša sehlogo seo. Gopotša bagoeledi gore ba bege tirelo ya bona ya tšhemo ya August ka bjako. Ka ge August e be e le kgwedi ya mafelelo ya ngwaga wa tirelo, mongwaledi le baswari ba thuto ya puku ya phuthego ba swanetše go kgonthišetša gore dipego ka moka tše di šaletšego tša tirelo ya tšhemo tša dikgwedi tše di fetilego di a tlišwa. Re ikemišeditše go fihlelela tlhora e mpsha ya bagoeledi ka August.
15 mets:“Sepela ka Tumelo.” Dipotšišo le dikarabo.
18 mets:“Go Neela Ditaba tše di Lokilego ka Boemo bjo bo Nepagetšego bja Kgopolo.” Bolela dintlha tša matseno tše di theilwego go serapa 1. Hlalosa gore go ka dirišwa puku ya Phela ka mo go sa Felego goba ya Bophelo bja Lapa go ithekgilwe ka tšeo phuthego e nago le tšona. Ke moka akaretša feela dirapa 2-5 tša sehlogo. Bontšha dithero tše di lokišeditšwego gabotse tšeo di bontšhago kamoo go ka sepedišwago puku ya Phela ka mo go sa Felego, gwa dirwa leeto la go boela le go thoma thuto ka puku ya Tsebo.
Kopelo 48 le thapelo ya go phetha.
Beke e Thomago ka September 9
12 mets:Ditsebišo tša phuthego. Pego ya tša ditšhelete. Ahla-ahla sehlogo se se rego, “Bolela ka Mmušo.”
18 mets:“E-ba Mohlala go Boleleng le Boitshwarong.” Dipotšišo le dikarabo.
15 mets:“Go Neela Ditaba tše di Lokilego ka Boemo bjo bo Nepagetšego bja Kgopolo.” Hlahloba dirapa 6-8 feela, gomme o bontšhe dithero tša lebenkele le lebenkele bakeng sa ketelo ya pele gotee le leeto la go boela. (Bona ditšhišinyo tše oketšegilego ka go Tirelo ya Rena ya Mmušo ya September 1989, letlakala 8.) Kgothaletša bohle gore ba dire maeto a bona a go boela ka bjako.
Kopelo 123 le thapelo ya go phetha.
Beke e Thomago ka September 16
12 mets:Ditsebišo tša phuthego. Bolela mafelelo a mabotse ao a tlišitšwego ke go diriša bidio ya Jehovah’s Witnesses—The Organization Behind the Name go lebiša batho ba thabelago mokgatlong. Ka bokopana laodiša phihlelo e tee goba tše pedi go tšwa go Morokami wa October 1, 1992, matlakala 30-1.
18 mets:Hlahloba Pego ya Tirelo ya Phuthego ya Ngwaga wa 1996. Polelo e agago e newago ka phišego ke molebeledi wa tirelo. (Bona puku ya Bodiredi bja Rena, matlakala 100-2.) Šupa moo phuthego e dirilego gabotse gona, gomme o nee theto. Bontšha kamoo modiro wa babulamadibogo ba ka mehla le ba go thuša o dirilego mo gogolo go thuša go tšwetša pele modiro phuthegong. Nea dipalo tša bao ba bilego gona dibokeng, o gatelele bohlokwa bja go ba gona ka mehla. Lokeletša dipakane tše šomago tšeo phuthego e ka lekago go di fihlelela ngwageng o tlago. Palo ya bao ba dirago bobulamadibogo bja go thuša e theogile nywageng e sego kae e fetilego. Na ba oketšegilego ba ka tšea karolo sebopegong se sa tirelo, kudu-kudu ka March le April? Na mogoeledi yo mongwe le yo mongwe a ka ba le karolo ka mehla bodireding beke le beke, gomme a bega modiro wa gagwe bofelong bja kgwedi e nngwe le e nngwe? Sa mafelelo, na mogoeledi yo mongwe le yo mongwe a ka ipeela pakane ya go swara thuto ya Beibele?
15 mets:Boitshwaro bja Bokriste Sekolong. Tate o bolela le morwa goba morwedi wa gagwe bakeng sa go bontšha mereo e šoro tikologong ya sekolo; o gatelela go nyakega ga go phakgamela bogwera le go phema mediro e belaetšago. O hlahloba lepokisi le le lego go letlakala 24 ka poroutšheng ya Thuto gomme o hlalosa go nyakega ga go bea mohlala o mobotse e le Hlatse. Tate o bolela meleko yeo e tšwelelago yeo e akaretšago go diriša dihlare-tagi, go beana mabaka, go ba gona dipokanong tša bogwera goba go tšea karolo dipapading; ba ahla-ahla kamoo ba ka phemago mathata ka gona. Gape o ahla-ahla dikotsi tša meletlo ya taelano le metantsho ya ba mphato wa Marema-tlou. (Šupa go Phafoga! ya March 8, 1993, matlakala 17-19.) Tate o kgothaletša mofsa gore a se diege go mmotša sa mafahleng a gagwe ge a e-na le mathata—o rata go a tseba le go thuša.
Kopelo 32 le thapelo ya go phetha.
Beke e Thomago ka September 23
10 mets:Ditsebišo tša phuthego.
15 mets: Tše di nyakegago tša phuthego. Goba polelo e theilwego sehlogong se se rego, “Lebelela ka Kua ga Dilo Tšeo o di Bonago!” ka go Morokami wa February 15, 1996, matlakala 27-9.
20 mets:“Bolela Ditaba tše di Lokilego Kae le Kae.” Dipotšišo le dikarabo. Akaretša dirapa 1-15 feela. Bala dirapa 3 le 5. Akaretša diphihlelo tša lefelong leo tša bao ba bilego le katlego ge ba nea bohlatse setarateng goba dinamelweng tša batho bohle.
Kopelo 215 le thapelo ya go phetha.
Beke e Thomago ka September 30
12 mets:Ditsebišo tša phuthego. Ahla-ahla Letlolo la Dipotšišo. Gopotša bohle gore ba tsenye pego ya bona ya tirelo ya tšhemo ya September le ya thuto ya Beibele.
20 mets:“Bolela Ditaba tše di Lokilego Kae le Kae.” Dipotšišo le dikarabo. Akaretša dirapa 16-35. Bontšha kamoo ditšhišinyo di ka dirišwago lefelong leo. Dira dipontšho ka dirapa 23-5. Bala dirapa 34-5.
13 mets:Hlahloba Mpho ya Puku Bakeng sa October. Re tla sepediša dimakasine tša Morokami gotee le tša Phafoga!, ra sepediša dipeeletšo tša dimakasine ka bobedi. Ahla-ahla dintlha tše fapa-fapanego tša go etša: (1) Morero woo ka wona dimakasine di gatišwago, go etša ge go hlalositšwe matlakaleng a mathomo. (2) Di gatišwa ka maleme a mantši, e lego seo se dirago gore tsebo ya Beibele e hwetšagale lefaseng ka bophara. (3) Morokami o rulaganyeditšwe bakeng sa thuto ya motho ka noši, ya lapa le ya sehlopha. (4) Batho bao ba kopanelago le madumedi a mantši a fapa-fapanego ba a di bala. (5) Di rulagantšwe ka mo go kgethegilego bakeng sa batho ba dulago ba swaregile. (6) Morokami o ile wa gatišwa ga e sa le go tloga ka 1879; Phafoga! ga e sa le go tloga ka 1919. (7) Rena ka noši re tla tliša ditokollo tša morago-rago go motho le ge e le ofe yo ka potego a tlogago a nyaka go di bala eupša a ka se kgone go lefelela peeletšo. Phetha ka go laodiša ditlhaloso tše di dirilwego ke mmadi yo a nago le tebogo.—Bona Morokami wa April 15, 1986, letlakala 32.
Kopelo 3 le thapelo ya go phetha.