Diboka Tša Tirelo Tša December
TLHOKOMEDIŠO: Tirelo ya Rena ya Mmušo e tla rulaganyetša Seboka sa Tirelo bakeng sa beke e nngwe le e nngwe ka December. Diphuthego di ka dira dipeakanyo kamoo go nyakega ka gona bakeng sa go dumelela go ba gona Kopanong ya Selete ya “Batseta ba Khutšo ya Modimo” le go ba le poeletšo ya metsotso e 30 ya dintlha tše dikgolo tša lenaneo Sebokeng sa Tirelo bekeng e latelago. Poeletšo ya letšatši le letšatši ya lenaneo la kopano ya selete e swanetše go abelwa banababo rena ba babedi goba ba bararo ba ba swanelegago e sa le pele, ba ba tlago go kgona go lebiša tlhokomelo dintlheng tše di kgethegilego. Poeletšo ye ye e lokišeditšwego gabotse e tla thuša phuthego go gopola dintlha tše dikgolo bakeng sa go di diriša ka noši le go di diriša tšhemong. Ditlhaloso tša batheetši le diphihlelo tše di anegwago e swanetše go ba tše kopana le tše di lebanyago taba.
Beke e Thomago ka December 2
10 mets: Ditsebišo tša phuthego tšeo di swanetšego go dirwa ke mongwaledi. Ditsebišo tše di kgethilwego go tšwa go Tirelo ya Rena ya Mmušo. Gopotša bagoeledi ka moka gore ba tšee karolo bodireding bja tšhemo e sa le ka pela kgweding. Bao ba tlago go ba ba se gona goba ba le kopanong ya selete mafelelong a kgwedi ba swanetše go tliša dipego tša bona pele ba sepela. Gatelela go nyakega ga gore bohle ba tliše dipego tša bona kgweding ye.
15 mets: “Ke Mang yo a Tlago go Theetša Molaetša wa Rena?” Dipotšišo le dikarabo. Akaretša dintlha tše di tšwago ka go Awake! ya March 22, 1987, letlakala 5, mabapi le lebaka leo ka lona molaetša wa rena e lego o ipiletšago.
20 mets: “Lentšu la Modimo le Nea Tlhahlo.” (Dirapa 1-6) Rola karolo ye ka dirapa 1-2. (Akaretša puku ya Go Boledišana, matlakala 52-5, o bontšha ka bokopana ‘Mabaka a mane a go ela Beibele hloko.’) Dira gore bagoeledi ba nago le bokgoni ba bontšhe dithero tše di šišintšwego tše di lego go dirapa 3-6. Laletša batheetši gore ba hlalose mabapi le (1) kamoo dipotšišo tšeo di rotošitšwego di thušitšego go tsoša kgahlego, (2) kamoo mangwalo ao a dirišitšwego a swanelago sehlogo seo se ahla-ahlwago, (3) kamoo leeto la go boela le kgokaganago le poledišano ya pele ka mo go kwagalago, le (4) kamoo go ithapela go swara thuto go ilego gwa dirwa ka gona.
Kopelo 75 le thapelo ya go phetha.
Beke e Thomago ka December 9
10 mets: Ditsebišo tša phuthego. Pego ya tša ditšhelete. Bolela dithulaganyo tše kgethegilego tša tirelo ya tšhemo ka December 16.
20 mets: “Na o Bega ka Mehla?” Poledišano ka mongwaledi wa phuthego. Gatelela go nyakega ga gore bohle ba bege ka mehla le ka bjako. Bakeng sa tsebišo e oketšegilego ka bohlokwa bja go bega, hle bona puku ya Go Rulaganyetšwa go Dira Bodiredi bja Rena, matlakala 106-109.
15 mets: “Lentšu la Modimo le Nea Tlhahlo.” (Dirapa 7-9) Bolela ka “Go Nyakega ga Tlhahlo” ka go Morokami wa May 1, 1993, letlakala 3. Hlalosa lebaka leo ka lona dithero tša rena di swanetšego go gatelela bohlokwa bja go tsoma thušo go tšwa mothopong o phagamego—Modimo. Dira gore mogoeledi a bontšhe dithero tše di lego go dirapa 7-8. Gatelela gore pakane ya rena mafelelong e swanetše go ba go thoma thuto ya Beibele ka puku ya Tsebo.
Kopelo 197 le thapelo ya go phetha.
Beke e Thomago ka December 16
10 mets: Ditsebišo tša phuthego. Nea ditšhišinyo mabapi le kamoo go ka arabelwago ka gona ka bohlale ditumedišong tša matšatši a maikhutšo. Bolela dithulaganyo tše di kgethegilego tša tirelo ya tšhemo ka December 25 le 26.
15 mets: “Go Ithapa ka go Rata.” Dipotšišo le dikarabo. Akaretša ditlhaloso tše di tšwago ka go Morokami wa November 15, 1984, letlakala 29.
20 mets: “Go Thabela Koketšego Yeo Modimo a e Neago.” Polelo yeo e newago ka phišego ke mogolo. Nea diphihlelo goba bohlatse bja koketšego dinageng tšeo di bontšhitšwego, bjalo ka ge di neilwe ka go di-Yearbook tša morago bjale.
Kopelo 41 le thapelo ya go phetha.
Beke e Thomago ka December 23
10 mets: Ditsebišo tša phuthego. Bontšha dintlha tšeo di ka bolelelwago ka dimakasineng tša morago bjale tšeo di ka dirišwago tirelong bekeng ye. Bolela dithulaganyo tše di kgethegilego tša tirelo ya tšhemo ka January 1.
15 mets: Tše di nyakegago tša phuthego. Goba mogolo o nea polelo ka sehlogo se se rego “Go Rola Modiro—Na ke Mojako o Bulegetšego Modiro wa Pušo ya Modimo?” go tšwa go Morokami wa July 15, 1996, matlakala 24-5.—Bona Insight, Bolumo 2, letlakala 794, dirapa 2-3.
20 mets: “Go Ingwadiša Sekolong sa Bodiredi sa Pušo ya Modimo.” Polelo ka molebeledi wa sekolo. Nea dipalo-palo tša ka phuthegong tša bao ba ingwadišitšego, gomme o kgothaletše bohle bao ba ka kgonago gore ba ingwadiše. Hlahloba ditaelo tša dikabelo tša barutwana tšeo di neilwego ka go “Lenaneo la Sekolo sa Bodiredi sa Pušo ya Modimo la 1997.”
Kopelo 166 le thapelo ya go phetha.
Beke e Thomago ka December 30
10 mets: Ditsebišo tša phuthego. Ge e ba phuthego ya lena e le kgaufsi le go fetola dinako tša diboka bakeng sa ngwaga o mofsa, nea kgothatšo e botho yeo e opeletšago bohle gore ba dire dipeakanyo tše di nyakegago gomme ba kgomarele go ba gona ka mehla le phuthego dinakong tša yona tše difsa.
15 mets: Go Thuša ba Tšofetšego go ba le Karolo Tirelong. Bagoeledi ba bantši ba tšofetšego ba botegago ba na le kganyogo e kgolo ya go ba le karolo go direng boboledi le phuthego, eupša ba na le mafokodi a mmele ao a bakwago ke botšofadi le boemo bja tša maphelo bjo bo fokolago. Go na le ditsela tšeo ka tšona re ka ba bontšhago go ba naganela e le gore re ka ba akaretša sehlopheng sa tirelo: Ithapele go nea senamelwa; rulaganyetša gore ba šome magaeng ao go nago le manamelo a sego kae ao a swanetšego go namelwa; emiša koloi kgaufsi e le gore ba ka kgona go khutša ge ba lapa; ithapele go ba iša maetong a bona a go boela; ba tsebiše gore o tla ba iša gae ge ba ikwa ba se sa kgona go tšwela pele. Ba tšofetšego ba leboga thušo yeo ba e newago. Bontšha ditsela tše dingwe tšeo ka tšona le bontšhago go naganela mo go bjalo phuthegong ya gabo lena. Hlahloba dintlha tše dikgolo sehlogong se se rego “Re Leboga ba Tšofetšego!” seo se hwetšwago ka go Morokami wa February 1, 1986, matlakala 28-9.
20 mets: Hlahloba mpho ya dipuku ka January. Sepediša puku ya O ka Hwetša Bjang Khutšo ya Kgonthe le Polokego? O diriša puku ya Go Boledišana, matlakala 9-14, hlahloba ka bokopana matseno a swanetšego bakeng sa go sepediša puku. Bontšha thero e tee goba tše pedi.
Kopelo 137 le thapelo ya go phetha.
Se tšwela pele go letlakala 7
Diboka (go tšwa go letlakala 2 )