Lenaneo La Seboka Sa Tirelo

Beke e Thomago ka May 13

Kopelo 37

15 mets: Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo. O diriša ditšhišinyo go letlakala 4, e-ba le dipontšho tše di aroganego tša go bontšha kamoo go ka sepedišwago Morokami wa May 15 le Phafoga! ya June 8. Pontšhong e nngwe le e nngwe, bontšha tsela e fapanego ya go swaragana le bašitiši ba poledišano ba rego “Ke swaregile.”—Bona puku ya Go Boledišana, matlakala 19-20.

15 mets: “Tumelo ya Rena e re Tutueletša Medirong e Mebotse.”a Ge o ahla-ahla serapa 2, ka bokopana boledišana le Hlatse e fišegago. Dira gore mogoeledi a bolele kamoo go nea bohlatse go ba bangwe go bontšhago tumelo ya gagwe le go e matlafatša ka gona.

15 mets: O ka Dira Tšwelopele ya Moya. Polelo ye e theilwego go Morokami wa May 15, 1998, letlakala 24. Bontšha kamoo taba e šomago ka gona phuthegong ya geno.

Kopelo 115 le thapelo ya go phetha.

Beke e Thomago ka May 20

Kopelo 13

13 mets: Ditsebišo tša phuthego. Pego ya tša ditšhelete. Hlahloba Letlolo la Dipotšišo. Ditaba tša Pušo ya Modimo.

17 mets: Go Aga Lapa le le Tiilego Moyeng. Polelo ka mogolo yoo e lego hlogo ya lapa, e theilwego go Morokami wa May 15, 2001, letlakala 21. Laletša hlogo e tee goba tše pedi tša malapa go anega seo ba se dirago go aga malapa a tiilego moyeng.

15 mets: Tše di nyakegago tša Phuthego.

Kopelo 169 le thapelo ya go phetha.

Beke e Thomago ka May 27

Kopelo 208

12 mets: Ditsebišo tša Phuthego. Gopotša bagoeledi go tliša dipego tša tirelo ya tšhemo tša May. O diriša ditšhišinyo tšeo di lego go letlakala 4, dira gore mogoeledi yo a godilego a dire pontšho ya kamoo go ka sepedišwago Morokami wa June 1 gomme mogoeledi wa mofsa a bontšhe kamoo go ka sepedišwago Phafoga! ya June 8. Ka morago ga pontšho e nngwe le e nngwe, hlalosa kamoo lengwalo le ka akaretšwago gabonolo ka gona therong.

15 mets: “Na Phuthego ya Gabo Lena e na le Tšhemo e Kgolo?” Polelo le poledišano le batheetši e swarwe ke molebeledi wa tirelo. (Diphuthego tše di nago le tšhemo e lekanyeditšwego di ka hlahloba sehlogo se se rego “Diriša Nako ya Gago ka mo go Holago,” ka go Tirelo ya Rena ya Mmušo ya June 1999.) Bontšha gore phuthego e na le tšhemo e kaakang le gore ke e kaakang yeo e akareditšwego ngwagola. Hlalosa kamoo ditšhišinyo tše di neilwego di ka dirišwago ka gona phuthegong ya gabo lena. Boeletša dithulaganyo tše di dirwago bakeng sa go akaretša tšhemo yeo e šongwago ka sewelo.

18 mets: “Na o Diriša Poroutšha ya Seo Modimo a se Nyakago go Thoma Dithuto?” (Ka moka ba swanetše go ba le pampiri ya ka gare ya Tirelo ya Rena ya Mmušo ya January 2002 bakeng sa poledišano ye.) Thoma ka go dira gore mogoeledi yo a lokišeditšego gabotse a dire pontšho ya kamoo go ka thongwago thuto ka gona go dirišwa mohlala wo o lego go serapa 3. Ka morago ga moo, bolela dintlha tše dikgolo tša poroutšha, gomme o hlalose kamoo e rulagantšwego gabotse ka gona bakeng sa go thoma dithuto. Bontšha bohlokwa bja go hlahloba dithero tše di šišintšwego pampiring ya ka gare ya January 2002. Botšiša batheetši gore ke ditšhišinyo dife tšeo ba di hweditšego e le tše di atlegago go bona. Phetha ka go boeletša pontšho yeo e lego ka mo godimo.

Kopelo 93 le thapelo ya go phetha.

Beke e Thomago ka June 3

Kopelo 178

15 mets: Ditsebišo tša phuthego. “O Re’ng go Motšhene wa go Amogela Melaetša ya Mogala?” Rulaganyetša gore bagoeledi ba anege ditšhegofatšo tšeo ba di thabetšego ka baka la go tšea karolo modirong wa bobulamadibogo bja go thuša goba bja ka mehla ka March, April goba May.

15 mets: Kamoo puku ya Go Boledišana e dirišago ka gona Diphetolelo tše Dingwe tša Dibeibele. Polelo e kopana e latelwago ke poledišano le batheetši. Bala serapa 2 go letlakala 8 la puku ya Go Boledišana, gomme o hlalose gore ke ka baka la’ng le gore ke bjang Beibele e swanetšego go dirišwa bodireding bja rena. Bontšha lelokelelo la dikhutsufatšo tša Beibele go letlakala 6, gomme o hlalose lebaka leo ka lona re dirišago ditsopolo tše di tšwago diphetolelong tše dingwe. Ahla-hla ditemošo tše go boletšwego ka tšona go Morokami wa October 1, 1997, letlakala 16, serapa 2 le letlakala 20, serapa 15. O diriša dihlogo tše di rego “Go Hlatlangwa ga Baapostola,” “Diswantšho” le “Boraro Botee” pukung ya Go Boledišana, laletša batheetši go bontšha kamoo go bapetša diphetolelo e ka bago mo go thušago go ruteng therešo.

15 mets: Na o Kgona go Lebeletšana ka Katlego le go Nyama? Polelo e borutho le ye e kgothatšago yeo e nago le go tšea karolo mo go itšego ga batheetši ye e theilwego go Morokami wa February 1, 2001, letlakala 20. Bontšha kamoo taba e šomago ka gona phuthegong ya geno.

Kopelo 56 le thapelo ya go phetha.

[Mongwalo wa tlase]