Lenaneo Le Lefsa La Kopano Ya Tikologo

Sehlogo sa lenaneo la kopano ya tikologo ya matšatši a mabedi go thoma ka September ke seo se rego, “Boloka Ditaelo tša Modimo Gomme o Phele.” (Die. 4:4) Se tla gatelela lebaka leo ka lona go kwa ditaelo tša Modimo go sego boima. Go feta moo, le tla bontšha kamoo go dira thato ya Modimo go tla tlišago tapološo le lethabo la kgonthe gotee le kholofelo ka bokamoso.—Mat. 11:28-30; Joh. 13:17.

Bao ka go kwa taelo ya Kriste ba ratago go kolobetšwa kopanong ba swanetše go bolela le molebeledi yo a okamelago, gomme o tla dira dithulaganyo tše di nyakegago.—Mat. 28:19, 20.

Polelo ya tšhiedišano e tla hlalosa ditsela tše di šomago tšeo ka tšona re ka bontšhago lerato la go rata Modimo le banababo rena. (Joh. 13:34, 35; 1 Joh. 5:3) Keletšo e tutuetšago pelo e tšwago go Psalme 19 le 119 e tla akaretšwa lenaneong. Gaešita le ge temošo e buduletšwego yeo e lego ka go dipsalme tše e ngwadilwe nywageng e dikete e fetilego, re tla bona kamoo e re holago ka gona re le motho ka o tee lehono.

Polelo ya phatlalatša yeo e tlago go newa ke molebeledi wa selete e na le sehlogo se se rego, “Boifa Modimo Gomme o Boloke Ditaelo tša Gagwe.” (Mmo. 12:13) Polelo ya molebeledi wa tikologo ya go phetha e tla bontšha kamoo bafsa ba ka holegago kudu bophelong gona bjale le lebaka leo ka lona ba ka bago le kholofelo ka bokamoso bja ka mo go sa felego. Molebeledi wa selete o phetha lenaneo ka go lokeletša mehola e mentši yeo e tlišwago ke go phela ka “molaô e lexo wona mong ’a molaô” wa lerato. (Jak. 2:8) Ka kgonthe, le ke lenaneo la kopano leo go sego motho yo a tla nyakago go le foša!