Masalimo

19 Zakumwamba zikulengeza ulemerero wa Mulungu.+

Ndipo m’mlengalenga mukufotokoza ntchito ya manja ake.+

 2 Tsiku lililonse limanena mawu,+

Ndipo usiku uliwonse umasonyeza nzeru.+

 3 Sizilankhula, kapena kutulutsa mawu.

Mawu awo samveka.+

 4 Zingwe zawo zoyezera zafika padziko lonse lapansi,+

Mawu awo amveka kumalekezero a dziko lapansi kumene kuli anthu.+

Kumwambako Mulungu wamangira dzuwa hema.+

 5 Dzuwalo limaoneka ngati mkwati amene akutuluka m’chipinda chake,+

Limakondwa ngati mmene mwamuna wamphamvu amachitira akamathamanga m’njira.+

 6 Limatuluka kuchokera kumalekezero ena a kumwamba,

Ndi kuzungulira mpaka kumalekezero enanso.+

Palibe chinthu chilichonse chimene sichimva kutentha kwake.+

 7 Chilamulo+ cha Yehova ndi changwiro,+ chimabwezeretsa moyo.+

Zikumbutso+ za Yehova ndi zodalirika,+ zimapatsa nzeru munthu wosadziwa zinthu.+

 8 Malamulo+ ochokera kwa Yehova ndi olungama,+ amasangalatsa mtima.+

Chilamulo+ cha Yehova ndi choyera,+ chimatsegula maso.+

 9 Kuopa+ Yehova n’koyera, ndipo kudzakhalapo kwamuyaya.

Zigamulo+ za Yehova n’zolondola,+ ndipo pa mbali iliyonse zasonyezadi kuti ndi zolungama.+

10 N’zolakalakika kuposa golide, kuposa golide wambiri woyengeka bwino.+

N’zotsekemera* kuposa uchi,+ inde kuposa uchi umene ukukha m’zisa.+

11 Ndiponso mtumiki wanu amachenjezedwa nazo.+

Munthu wosunga zigamulozo amapeza mphoto yaikulu.+

12 Ndani angazindikire yekha zinthu zimene walakwitsa?+

Mundikhululukire machimo amene ndachita mosadziwa.+

13 Komanso mundiletse kuchita modzikuza, ine mtumiki wanu.+

Musalole kuti kudzikuza kundilamulire.+

Pamenepo ndidzakhala wopanda chifukwa,+

Ndipo ndidzakhalabe wopanda milandu yambiri yophwanya malamulo.

14 Mawu a pakamwa panga ndi kusinkhasinkha kwa mtima wanga,+

Zikukondweretseni, inu Yehova, Thanthwe langa+ ndi Wondiwombola.+