Masalimo

137 Tinakhala pansi+ m’mphepete mwa mitsinje ya ku Babulo,+

Ndipo tinalira titakumbukira Ziyoni.+

 2 Tinapachika azeze athu+

Pamitengo ya msondodzi.+

 3 Kumeneko, amene anatigwira ukapolo anatiuza kuti tiwaimbire nyimbo,+

Ndipo otinyozawo anatipempha kuti tiwasangalatse.+ Iwo anati:

“Tiimbireni imodzi mwa nyimbo za ku Ziyoni.”+

 4 Tingaimbe bwanji nyimbo ya Yehova+

M’dziko lachilendo?+

 5 Ndikakuiwala iwe Yerusalemu,+

Dzanja langa lamanja liiwale luso lake.

 6 Lilime langa limamatire m’kamwa mwanga+

Ngati sindingakukumbukire,+

Ngati sindingakweze iwe Yerusalemu

Pamwamba pa chilichonse chimene chimandikondweretsa.+

 7 Inu Yehova, kumbukirani+ zimene ana a Edomu+ ananena pa tsiku limene Yerusalemu anawonongedwa,+

Iwo anati: “Fafanizani mzindawo! Ufafanizeni mpaka pamaziko ake!”+

 8 Iwe mwana wamkazi wa Babulo, amene udzafunkhidwa,+

Wodala ndi amene adzakubwezera+

Zimene iwe watichitira.+

 9 Wodala ndi iye amene adzagwira ana ako ndi kuwaphwanya zidutswazidutswa+

Mwa kuwawombetsa pathanthwe.