Wanem for Talem Abaotem Olketa Magasin

The Watchtower Jan. 15

“Long olketa year wea just go pas, wei wea pipol interest long olketa angel hem kamap moa big. Waswe, enitaem iu ting, hu nao olketa angel and hao nao olketa affectim laef bilong iumi? [Letem hem ansa. Then readim Psalm 34:7.] Disfala magasin storyim samting wea Bible talem abaotem waka bilong olketa angel—long bifor kam, distaem, and long future.”

Awake! Jan.

“Distaem, man savve kasem advaes long staka difren subject. Long tingting bilong iu, haomas long evri advaes hia nao iumi savve trustim? [Letem hem ansa. Then readim 2 Timothy 3:16.] Disfala Awake! magasin hem showim iumi why iumi savve trustim Bible for givim iumi wisdom wea bae helpem iumi long laef.” Showim article wea start long page 18.

The Watchtower Feb. 1

“Iumi evriwan needim selen for kasem need bilong iumi. Bat waswe, iu agree hao iumi need for stap klia long danger wea scripture hia story abaotem? [Readim 1 Timothy 6:10, and weitim ansa bilong hem.] Disfala Watchtower magasin helpem iumi for luksavve long samfala trap wea stap saed long wei for garem staka material samting and hem storyim tu hao for stap klia long olketa trap hia.”

Awake! Feb.

“Plande long iumi wea garem olketa relative and fren wea olo, wari abaotem hao for helpem olketa deal witim olketa hard samting wea olketa olo savve feisim, iaman? [Letem hem ansa.] Disfala magasin hem talem samfala samting wea iumi savve duim for mekem hem isi for olketa olo deal witim samting wea olketa feisim. Hem explainim tu wei wea disfala profesi bae fulfill.” Readim Job 33:25.