Qawachiy punta watukusqaykipi Biblia imayna estudiana kasqanta

Bibliamanta estudiota munachiptinchikmi wakin runakunaqa ninku mana munasqankuta otaq iglesiankupi estudiasqankuta. Paykunamantaqa yachankuñam Biblia imayna estudiayta, ichaqa manam piensayllapas-piensankuchu Biblia estudiay sumaqllaña kasqanta. Chaynaqa estudio munachinamantaqa, ¿imanasqataq punta watukusqaykipi iskay otaq kimsa minutollapi mana qawachinkichu Biblia imayna estudiakusqanta? Piensariy kaypi: huk runatam ninki allin yanukuq kasqaykita, ninkitaqmi yanusqayki mikuyta aparikuspa kutinaykipaq, ¿manachu aswan allin kanman chay ratulla pisillatapas malliykachiyniki? 2006 watapi enero killapaq Reinopaq Servicionchik qellqapa 6 paginanpi rikuriq yanapakuyta servichikuspam, qawasun iskay otaq kimsa minutollapi imayna ruranamanta:

“¿Creewaqchu qam, haykapipas kay palabrakunapa nisqan rurakunanta?” [Leey Isaias 33:24, hinaspa kutichinanta suyay.] Chaymanta ima nisqanta kay libropi qawaykachisqayki”. Yachachiq librota qospayki 36 paginapi 22 kaq parrafota kichananpaq niy. Hinaspa uray patanpi tapukuyta leespa niy parrafota leenaykikama kutichiyninta tarinanpaq. Chaymanta kaqlla tapuy, hinaspa rimarisqanta uyariy. Huk textokunata kuska leeychik. Yapamanta watukuspayki kutichinaykipaq tapuyta saqey, hinaspa allinta parlay haykapi kutinaykipaq. ¡Qallaykunkiñam Biblia estudiachiyta!