Jesuspa Wañupusqanta Yuyarina killakunapi kusisqa llank’asun
1. ¿Imaynatan Jesuspa Wañupusqanta Yuyarina killakunapi aswan kusisqa kawaq?
1 ¿Aswan kusisqa kayta munawaqchu marzo, abril, mayo killakunapi? Chaypaqqa astawanmi predicanayki, precursor auxiliarpas kawaqmi. ¿Imanaqtinmi chayta ruway astawan kusichisunkiman?
2. ¿Imanaqtinmi kusikunchis astawan predicaspa?
2 Astawan kusikuy. Kusisqa kawsanapaqqa Jehová Diostan yupaychananchis, chhaynatan Diosqa kamawarqanchis (Mat. 5:3). Chaymantapas hukkunata yanapaspan kusikunchis (Hech. 20:35). Predicaspaqa Diostan yupaychashanchis runamasinchistataq yanapashanchis. Chayrayku astawan predicaqtinchisqa astawan kusikunchis. Hinaspapas astawan predicaspaqa, aswan allin yachachiqmi kapunchis, hinaspa manchakuyninchista pisiyachinchis. Chaymantapas askha runakunaman predicaspaqa askha estudiokunatan tarisun. Chaykunata ruwasqaykiwanmi aswan kusisqa sientekunki.
3. ¿Imanaqtinmi marzo abril killakuna allinpuni kanqa precursor auxiliar kanapaq?
3 Marzo abril killakunan allinpuni kanman precursor auxiliar kanapaq. Chay killakunapiqa kinsa chunka otaq phisqa chunka horasta akllakusunman precursor auxiliar kananchispaq. Hinaspapas chay killakunapin Jesuspa Wañupusqanta Yuyarina P’unchaypaq invitacionta rakisunchis. 22 marzo killamanta 14 abril killakaman invitamusunchis. Chay p’unchaykunapin iñiqmasikunaqa askhata llank’anqaku ‘huk-nisqallataq’ predicashanqaku territoriota tukunankukama (Sof. 3:9).
4. ¿Imatan ruwanayki precursor auxiliar kanaykipaq?
4 Preparakuy. Qhawariwaqmi horarioykita, hinaspa tapukuy: “¿Imaynatan horarioyta cambiayman huk otaq askha killakunapas astawan predicanaypaq?”, nispa. Diospa yanapayninta mañakuy (Sant. 1:5). Familiaykiman iñiqmasikunamanpas willariy (Prov. 15:22). Onqosqaña kaspapas otaq ch’isiyaqña llank’aspapas atiwaqmi precursor auxiliar kayta.
5. ¿Pitan kusichillasuntaq Jesuspa Wañupusqanta Yuyarina killakunapi astawan predicaspa?
5 Jehová Diosqa kusisqa kawsananchistan munan (Sal. 32:11). Sichus Jesuspa Wañupusqanta Yuyarina killakunapi astawan predicasun chayqa, manan ñoqallanchischu kusikusun, hanaq pacha Taytanchispas kusikunqan (Prov. 23:24; 27:11).