¿Yachankiñachu ima ruwanaykita qonqaylla mana qhali tarikuspa?
Manan yachanchischu qonqayllamanta mana qhali tarikunanchistaqa (Sant. 4:14). Ichaqa, ñawpaqmantan preparakusunman (Pro. 22:3). ¿Yachankiñachu mana yawarllawan imayna hampichikuyta? ¿Imayna hampichikuymi aswan allin kanman? ¿Qelqasqachu kashan chaykuna? Allinta decidinaykipaqmi kay DVD yanapasunki Alternativas a las transfusiones. Serie documental nisqa. Chaypin huknin t’aqanpi kashan Asistencia médica sin transfusiones. Necesidades y derechos del paciente nisqa. Chay videopiqa operasqankun pisillapi rikukun, chayrayku tayta-mamakuna huch’uy wawaykichis kan chayqa, qankunamantan kanqa qhawanankupaq otaq manapas.
1) ¿Imaraykun wakin doctorkuna mana yawarllawan operanankupaq yuyaykushanku? 2) Willay kinsa sasa operacionkunamanta, mana yawarllawan operasqankumanta. 3) ¿Imanaqtinmi askha doctorkuna listo kashanku mana yawarllawan operanankupaq? ¿Imaraykun chayta decidinku? 4) Chayllaraqmi estudiarqanku askha hospitalkunapi yawar churanamanta, ¿imatan chaypi entienderqanku? 5) ¿Ima peligron kan yawarwan operachikuqkunapaq? 6) ¿Ima nishankun askha doctorkuna hukniray tratamientokunamanta? 7) ¿Imanaqtinmi anemia onqoy rikhurin? ¿Ima tratamienton kan chaypaq? 8) ¿Imatan doctorkuna ruwankuman glóbulos rojos nisqa mana pisiyananpaq? 9) ¿Imatan doctorkuna ruwankuman operashaspanku yawarta mana usuchinankupaq? 10) Wawakunapas askha yawar pierdeqkunapas, ¿operachikunkumanchu mana yawarllawan? 11) ¿Imatan doctorkuna respetananku allinta atiendenankupaq?
Sapankanchismantan kanqa chay videopi rikusqanchisman hinachus hampichikusun icha manachus chayqa. Ichaqa manan qonqaylla mana qhali tarikuytaraqchu suyananchis decidinanchispaqqa. Chaypaqmi yanapasunki “Diospa munakuynin” nisqa libro, 7 capitulo hinaspapas chaypin willashan ima qelqakunatachus maskhananchis kanqa chaykunapiwan. Qhawarillaytaq 2006 wata noviembre killamanta Reinopaq Servicionchispi suplemento nisqata. Bautizasqa kanki chayqa CIAM nisqa hojata hunt’ay ima decidisqaykiwan amataq qonqaychu mayman apanaykita.
[3 paginapi willakuy]
¿Yachankiñachu mana yawarllawan imayna hampichikuyta? ¿Imayna hampichikuymi aswan allin kanman? ¿Qelqasqachu kashan chaykuna?