“Kaytan ruwankichis”
5 abril p’unchaypin Jesuspa Wañusqanta Yuyarisun
1. ¿Imanaqtinmi ancha importante Jesuspa wañusqanta yuyariy?
1 Jesusmi nirqan: “Kaytan ruwankichis yuyariwanaykichispaq”, nispa (Lucas 22:19). Chay simikunawanmi qatikuqninkunata kamachirqan runakunarayku sacrificio ruwasqanta yuyarinankupaq. Chay kacharichiymi askha bendicionkunata apamun chaymi cristianokunapaq ancha importante, chayraykun kay wata 5 abril p’unchaypi yuyarikunqa. Asuykamushanñataq chay p’unchay chayqa, ¿imaynatan Jehová Diosman munakuyninchista rikuchisunman? (Col. 3:15.)
2. ¿Imaynatan rikuchisunman Jesuspa wañusqanta ancha allinpaq qhawarisqanchista?
2 Preparakusunchis. Ima hatun p’unchaypas asuykamuqtinqa preparakunchismi. Chay hinatan Jesuspa wañusqanta yuyarinapaqpas sonqonchista astawan preparananchis, chaytan ruwasunman familianchiswan Jesús wañupunanpaqña kashaqtin imakuna sucedesqanmanta estudiaspa, yuyaymanaspapas (Esd. 7:10). Calendarionchispi, Diospa siminmanta sapa p’unchay t’aqwisun nisqa folletopipas askha textokunan chaykunamanta willashan. Chaymantapas 2011 wata abril-junio Qhawaq revistapi 15, 16 paginakunapin huk lista kashan chaykunan El hombre más grande nisqa libroman apasunki.
3. ¿Imaynatan predicayninchiswan rikuchisunman Jesuspa Wañusqan Yuyarina p’unchay importante kasqanta?
3 Predicasunchis. Jesuspa Wañusqan Yuyarina p’unchay importante kasqanta rikuchinapaqqa predicaypin astawan yanapakunanchis (Luc. 6:45). Chaymi 17 marzo p’unchaymanta invitacionkunata rakikunqa. ¿Atiwaqchu astawan predicacionman lloqsiyta otaq precursor auxiliar kayta? ¿Rimawaqchischu chayta ruwanaykichispaq Dios Yupaychana Ch’isipi?
4. ¿Imaynapin Jesuspa Wañusqanta Yuyarinapaq huñunakuyman riy allinninchispaq?
4 ¡Jesuspa Wañusqanta Yuyarinapaq huñunakuyman riyqa ancha allinmi! Munakuwasqanchisrayku Jehová Dios sapallan Churinta qowasqanchispi yuyaymanayqa, anchatan kallpachawanchis astawantaqmi munakuyninchis wiñarin (Juan 3:16; 1 Juan 4:9, 10). Chaymi yanapawanchis mana ñoqallanchispaq kawsananchista (2 Cor. 5:14, 15). Chaymantapas tukuy sonqowan Diosmanta rimanapaqmi yanapawanchis (Sal. 102:19-21). Chayraykun Jehová Diospa testigonkunaqa mayta suyakushanchis 5 abril p’unchay chayamunanta ‘Señorpa wañusqanta willananchispaq’ (1 Cor. 11:26).