PSAUME

1 Ngia ayeke na zo so atambela pëpe alingbi na wango ti azo ti sioni,

lo luti pëpe na ndö ti lege ti awasiokpari+

nga lo duti pëpe na ndo so azo ti hengo ndo+ aduti dä.

 2 Me ngia ti lo ayeke na yâ ti ndia ti Jéhovah,+

na lo diko ndia ni na gbe ti go* bï na lâ.+

 3 Lo yeke ga tongana keke so a lu ni na terê ti angu so asua,

keke so alë na ngoi ti lo,

na kugbe ni ahule pëpe.

 4 Azo ti sioni ayeke tongaso pëpe;

ala yeke tongana poro ti alê ti kobe so pupu ahon na ni.

 5 Ndani la azo ti sioni ayeke ngbâ na nduzu pëpe na ngoi ti fango ngbanga,+

nga awasiokpari ayeke ngbâ na nduzu pëpe na ndo so azo ti mbilimbili abungbi dä.+

 6 Jéhovah ahinga lege ti azo ti mbilimbili,+

me lege ti azo ti sioni ayeke gue ayo pëpe.+

 2 Agbia ti sese aleke terê ti ala

nga akota zo ti akodro abungbi tongana zo oko*+

ti ke Jéhovah nga na zo ti lo so lo soro lo.*+

 3 Ala tene: “Zia e fâ chaîne ti ala na terê ti e

na e zi kamba ti ala na terê ti e, e bi ni yongoro!”

 4 Lo so ayeke na ndö ti trône na yayu ayeke he ngia;

Jéhovah ayeke he ala.

 5 Na ngoi ni so, lo yeke sara tënë na ala na yâ ti ngonzo ti lo

nga na yâ ti kota ngonzo ti lo, lo yeke zia mbeto na yâ ti ala,

 6 lo tene: “Mbi wani mbi zia gbia ti mbi+

na ndö ti Sion,+ hoto ti mbi so ayeke nzoni-kue.”

 7 Mbi ye ti fa mbela ti Jéhovah;

lo tene na mbi: “Mo yeke molenge ti mbi;+

laso mbi ga babâ ti mo.+

 8 Hunda mbi, na mbi yeke mû na mo amara ti ga ye ti mo

nga mbi mû na mo sese kue.+

 9 Mo yeke kungbi yâ ti ala na keke ti mo ti gbia so a sara ni na wen,+

na mo yeke fâ yâ ti ala kete kete tongana ta ti sese.”+

10 Tongaso, agbia, ala sara ye na ndara;

ajuge ti sese, ala yeda si a kiri na ala na nzoni lege.*

11 Ala sara na Jéhovah na mbeto na bê,

ala duti na ngia me ala kpe mbeto ti lo.

12 Ala ne* molenge ni,+ tongaso pëpe Nzapa ayeke* sara ngonzo,

na ala yeke kui na lege,+

ndali ti so ngonzo ti lo ayeke londo hio.

 3 Me mo, Jéhovah, mo yeke vala na terê ti mbi,+

mo yeke gloire ti mbi+ nga Zo so ayô li ti mbi+ na nduzu.

 4 Mbi yeke dekongo na Jéhovah;

kâ na hoto ti lo so ayeke nzoni-kue,+ lo yeke kiri tënë na mbi. (Sélah)

 5 Mbi yeke tï ti lango;

nga mbi yeke zingo na siriri,

ndali ti so Jéhovah angbâ ti mû maboko na mbi.+

 6 Mbi sara pëpe mbeto ti azo saki bale-oko, saki bale-oko

so alondo na terê ti mbi mbage na mbage.+

Mo yeke pika ande ngbangba ti awato ti mbi kue,

mo yeke kungbi ande pembe ti azo ti sioni.+

 3 Zia ala hinga so zo so angbâ gï na Jéhovah, Lo yeke sara ye na zo ni na mbeni lege so ayeke nde;*

Mbi yeke iri ndo na Jéhovah, na lo yeke mä mbi.

 5 Ala mû asandaga ti mbilimbili,

na ala zia bê ti ala na Jéhovah.+

 7 Mo sara si bê ti mbi asi na ngia

ahon ti azo so ako gbâ ti alê ti kobe na so ayeke na gbâ ti fini vin.

 8 Mbi yeke tï ti lango, na mbi yeke lango na siriri,+

ndali ti so a yeke gï mo, Jéhovah, la mo sara si mbi duti na siriri.+

5 Jéhovah, mä tënë ti mbi;+

dengi mê ti mo ti mä dema ti mbi.

 2 Mä mbi tongana mbi toto na mo ti mû maboko na mbi,

Gbia ti mbi na Nzapa ti mbi, ndali ti so mo la mbi sambela mo.

 3 Jéhovah, mo yeke mä ande go ti mbi na ndapre;+

mbi yeke fa ande gingo bê ti mbi na mo+ na ndapre na mbi yeke ku mo kungo.

 4 Mo yeke Nzapa so ye ti sioni anzere na mo pëpe;+

zo ti sioni alingbi ti ngbâ na terê ti mo pëpe.+

Mo ke azo kue so sarango ye ti ala ayeke sioni;+

 6 mo yeke futi azo ti mvene.+

 7 Me ndali ti tâ ndoye ti mo+ so ayeke kota mingi, mbi yeke lï na da ti mo;+

Mbi yeke bâ ndo na mbage ti temple* ti mo so ayeke nzoni-kue, si mbi kuku ti fa so mbi kpe mbeto ti mo.+

 8 Jéhovah, gue na mbi na ndö ti lege ti mo so ayeke mbilimbili ndali ti awato ti mbi;

sara si lege ti mo aduti polele na lê ti mbi.+

 9 Zo alingbi ti zia bê na tënë ti yanga ti ala pëpe;

gï bibe ti sarango sioni la ayeke na yâ ti ala;

lege ti go ti ala ayeke dû ti kuâ so yanga ni azi;

ala yeke woko zo na anzerengo tënë ti yanga ti ala.*+

10 Me Nzapa ayeke tene so ala yeke na tënë na li ti ala;

mayele ti ala wani la ayeke kinda ala.+

Mbi ye si a tomba ala ngbanga ti gbâ ti akengo ndia ti ala,

ndali ti so ala sara kpengba-li na mo.

11 Me azo kue so ague na mbage ti mo ti bata terê ti ala ayeke duti na ngia;+

ala yeke dekongo na ngia lakue.

Mo yeke kanga lege na azo so aye ti sara sioni na ala,

na azo so aye iri ti mo ayeke duti na ngia ndali ti mo.

12 Jéhovah, mo yeke iri tënë nzoni na ndö ti azo ti mbilimbili kue;

nzoni bê ti mo ayeke ngoro ala tongana kota vala.+

6 Jéhovah, suku na mbi na yâ ti ngonzo pëpe,

kiri na mbi na nzoni lege na yâ ti ngonzo pëpe.+

 3 Li ti mbi* aga kirikiri;+

Jéhovah, mbi ye ti hunda mo: Ye ni ayeke ngbâ tongaso juska lawa?+

 4 Jéhovah, kiri mo ga na mo sö mbi;+

so mo yeke na tâ ndoye+ na mbage ti mbi, sö mbi,

 5 ndali ti so akuâ alingbi ti sara tënë ti* mo pëpe;

zo wa la ayeke sepela mo+ ande na yâ ti Dû ti kuâ* zo wa?

 6 Mbi woko kue na demango ni awe;+

ngu ti lê ti mbi amouillé gbogbo ti mbi* na yâ ti bï ni kue,

ngu ti lê ti mbi amene tange ti mbi.+

 7 Vundu ti mbi asara si ngangu ti lê ti mbi akiri na peko,+

lê ti mbi abâ ndo nzoni pëpe* ngbanga ti azo kue so asara ye ti ngangu na mbi.

 8 Ala hon kâ, ala kue so sarango ye ti ala ayeke sioni,

ndali ti so Jéhovah ayeke mä ande toto ti mbi.+

 9 Jéhovah ayeke mä mbi tongana mbi hunda lo ti sara nzoni bê na mbi;+

Jéhovah ayeke yeda na sambela ti mbi.

10 Kamene na vundu ayeke sara ande awato ti mbi kue;

gï hio tongaso, ala yeke hon na kamene na lê ti ala.+

Sö mbi na maboko ti azo kue so ayeke sara ye ti ngangu na mbi nga zi mbi;+

 2 tongaso pëpe, ala yeke suru yâ ti mbi* kete kete tongana ti so bamara asuru yâ ti nyama,+

nga ala yeke hon na mbi, na zo ti zi mbi ayeke dä pëpe.

 3 Jéhovah, Nzapa ti mbi, tongana mbi la mbi yeke na faute na yâ ti tënë so,

tongana mbi sara ye mbilimbili pëpe,

 4 tongana mbi sara ye na lege ni pëpe na zo so asara nzoni na mbi,+

wala mbi nzi ye ti wato ti mbi senge senge,*

 5 zia wato ti mbi atomba peko ti mbi na lo gbu mbi,*

lo dö yâ ti mbi na sese juska mbi kui

na lo sara si gloire ti mbi abuba na yâ ti fuku ti sese. (Sélah)

 6 Jéhovah, mo londo na ngonzo ti mo;

londo na terê ti awato ti mbi so asara ngonzo ngangu;+

zingo mo mû maboko na mbi, na mo mû yanga si a fâ ngbanga mbilimbili.+

 7 Zia si amara angoro mo;

na mo yeke ngbâ na nduzu kâ, mo sara mbeni ye na ala.

Jéhovah, fâ ngbanga ti mbi alingbi na mbilimbili ti mbi

nga alingbi na ye ti mbilimbili+ so mbi ngbâ lakue ti sara.

Me sara si azo ti mbilimbili aduti nzoni,+

ndali ti so mo yeke Nzapa ti mbilimbili+ so abâ bê ti zo+ nga na atënë so ayeke kâ na gbe ti bê ti lo.*+

11 Nzapa ayeke Juge ti mbilimbili;+

lâ oko oko, lo fa na gigi angbanga so lo fâ.*

12 Tongana mbeni zo achangé bê ti lo pëpe,+ Nzapa ayeke leke yanga ti épée ti lo,+

lo gboto yâ ti kokora ti lo na lo leke ti pika ni.+

13 Lo leke aye ti bira ti lo so ayeke fâ zo;

lo leke alê ti kokora ti lo+ so wâ ayeke na yanga ni.

14 Bâ zo so amû ngo ti ye ti sioni;

lo mû ngo ti ye ti gango na kpale na lo dü mvene.+

15 Lo zi dû, na lo sara si a kiri a lï,

me lo tï na yâ ti dû so lo wani lo zi.+

16 Kpale so lo bi ayeke kiri gï na ndö ti li ti lo+ wani,

ye ti ngangu so lo sara na azo ayeke tï na ndö ti li ti lo wani.

17 Mbi yeke sepela Jéhovah ndali ti so lo fâ ngbanga mbilimbili,+

mbi yeke he bia* ti sepela iri ti Jéhovah,+ Lo so ayeke na nduzu na ndö ti aye kue.+

 2 Na lege ti tënë ti yanga ti amolenge nga na aforoto,+ mo fa ngangu ti mo polele,

ndali ti awato ti mo,

ti kanga yanga ti wato na ti zo so akiri peko ti sioni so a sara.

 3 Tongana mbi bâ yayu, akusala ti maboko ti mo,

nze na atongoro so mo leke,+

 4 zo ti sese ayeke nyen si mo bi bê ti mo na lo?

 5 Mo kiri na lo kete kamême na gbe ti a-ange,*

na mo zia couronne ti gloire nga na ti nengo zo na li ti lo.

 6 Mo mû na lo komandema na ndö ti akusala ti maboko ti mo;+

mo zia ye kue na gbe ti gere ti lo:

 7 ataba, angasa nga na abagara kue,

anyama ti ngonda,+

 8 andeke ti nduzu nga na asusu ti ngu-ingo,

ye kue so ayeke hon na yâ ti ngu-ingo.

9 Jéhovah, mbi yeke sepela mo na bê ti mbi kue;

mbi yeke fa tënë ti akusala ti mo kue so adö bê.+

 2 Mbi yeke duti na ngia nga mbi sara ngia ndali ti mo;

Mo so mo yeke na nduzu na ndö ti aye kue,+ mbi yeke he bia* ti sepela iri ti mo.

 3 Na ngoi so awato ti mbi ayeke zi terê ti ala ti hon,+

ala yeke pika gere ti ala nga ala yeke kui na gbele mo.

 4 Mo gbu koko ti mbi ndali ti so dema ti mbi ayeke na lege ni;

Mo duti na ndö ti trône ti mo na mo yeke fâ ngbanga mbilimbili.+

 5 Mo suku na amara+ na mo futi azo ti sioni,

mo zi iri ti ala biani biani.

 6 A futi awato biani biani awe,

mo futi agbata ti ala kue kue kue

nga ye kue so adabe ti zo na ala ayeke girisa.+

 7 Me Jéhovah ayeke ngbâ na ndö ti trône ti lo lakue lakue,+

lo lu gere ti trône ti lo nzoni ti fâ ngbanga mbilimbili.+

 8 Lo yeke fâ ande ngbanga ti azo ti sese kue* mbilimbili;+

lo yeke fâ ngbanga ti amara na lege ni.+

 9 Jéhovah ayeke ga nzoni ndo ti batango terê* ti azo so a sara pasi na ala,+

tâ ndo ti batango terê na angoi ti ye ti vundu.+

10 Azo so ahinga iri ti mo ayeke zia bê ti ala na mo;+

Jéhovah, azo so agi mo, mo yeke zia ala lâ oko pëpe.+

11 Ala he bia ti sepela na Jéhovah so aduti na Sion;

ala fa na popo ti azo+ tënë ti aye so lo sara.

12 Lo so akiri peko ti sioni na azo so atuku mênë, lo yeke dabe ti lo na ala so azo atuku mênë ti ala;+

lo yeke girisa pëpe toto ti azo so a sara pasi na ala.+

13 Jéhovah, sara nzoni bê na mbi; bâ pasi so azo so ake mbi ayeke sara na mbi,

mo so mo zi ayanga ti gbagba ti kuâ si mo sigi na mbi,+

14 si, na ayanga ti gbagba ti gbata ti Sion,+ mbi fa tënë ti aye so mo sara so alingbi na gonda,

na mbi sara ngia ndali ti aye so mo sara ti sö zo.+

15 Dû so amara azi amene ala;

gbanda so ala wani azia agbu gere ti ala.+

17 Azo ti sioni ayeke kiri na peko ti tï na yâ ti Dû ti kuâ,*

legeoko nga na amara kue so agirisa Nzapa.

18 Me a yeke girisa ande awayere lakue pëpe,+

nga azo so abâ terê ti ala kete ayeke ku gbä pëpe.+

20 Jéhovah, zia mbeto na yâ ti ala,+

sara si amara ahinga so ala yeke gï asenge zo. (Sélah)

 2 Na baba, zo ti sioni atomba peko ti zo so zo ti mungo maboko na lo ayeke dä pëpe,+

me aye ti mayele so lo leke ayeke gbu gï lo wani.+

 3 Zo ti sioni apika kate ti lo ndali ti asioni nzara ti bê ti lo*+

nga lo iri tënë nzoni na ndö ti zo so ayeke na bê ti ye;*

נ [Noun]

 4 Na yâ ti fandara ti zo ti sioni, lo gi ti hinga nda ti ye pëpe;

bibe ti lo ayeke gï so: “Nzapa ayeke dä pëpe.”+

 5 Aye so lo sara ayeke maï ti gue na ni,+

me angbanga so mo fâ ahon gbungo li ti lo;+

lo he awato ti lo kue hengo.*

 6 Lo tene na bê ti lo: “Ye ayeke yengi mbi lâ oko pëpe;*

na yâ ti angoi nde nde kue so ayeke ga,

mbeni ye ti vundu ayeke si na mbi lâ oko pëpe.”+

 7 Yanga ti lo asi singo na asioni deba, mvene nga na atënë ti ziango mbeto na bê ti zo;+

atënë ti yanga ti lo aga na kpale na zo nga asara sioni na zo.+

 8 Lo honde terê ti lo nduru na akete kodro ti ku ti sara sioni na zo;

lo sigi na ndo so lo honde terê ti lo dä, lo fâ zo so tënë ayeke na li ti lo pëpe.+

10 Zo so lo gbu lo, lo pete yâ ti lo ngangu, lo kinda lo;

azo so ahinga pëpe ayeke tï na yâ ti maboko ti lo.*

Zo so a sara ye ti sioni na lo abâ ndo na mbage ti mo,+

mo yeke zo ti mungo maboko na molenge so babâ ti lo ayeke dä pëpe.*+

15 Kungbi yâ ti maboko ti zo ti sioni,+

si na ngoi so mo yeke gi sioni so lo sara,

mo yeke wara ni encore ape.

18 Azo so babâ ti ala ayeke dä pëpe nga azo so a sara ye ti ngangu na ala, mo yeke fâ ngbanga ti ala na lege ni,+

si senge zo ti sese azia mbeto na bê ti ala encore ape.+

 2 Bâ tongana nyen azo ti sioni agboto yâ ti kokora ti ala;

ala zia lê ti kokora ti ala na terê ti kamba ni

si, na yâ ti bingo, ala pika azo so bê ti ala ayeke mbilimbili.

 3 Tongana a kungbi afondation,*

nyen la azo ti mbilimbili alingbi ti sara?”

 5 Zo ti mbilimbili nga na zo ti sioni, Jéhovah ayeke bâ ala mbilimbili;+

Lo ke* zo kue so aye sarango ye ti ngangu na zo.+

 6 Lo yeke sara si agbanda* atï na ndö ti azo ti sioni tongana ngu-nzapa:

wâ na soufre+ nga na pupu so asara si ye ahule ayeke ye so a yeke tuku na yâ ti kopo ti ala.

12 Jéhovah, sö mbi, ndali ti so zo so ayeke be-ta-zo ayeke dä encore ape;

azo so ayeke be-ta-zo ahunzi na popo ti azo awe.

 2 Ala tene mvene na mba;

anzoni tënë ayeke sigi na yanga ti ala gï ti handa lê ti amba ti ala, nga bê ti ala apusu ala ti tene tënë ti handa.*+

 3 Jéhovah ayeke zi azo kue so ayeke tene anzoni tënë gï ti handa lê ti amba ti ala,

nga na azo so apika kate ti ala ahon ndö ni,+

 4 azo so atene: “Yanga ti e ayeke hon ndö ti azo kue.

E yeke zi yanga ti tene atënë so bê ti e aye;

zo wa la ayeke komande e zo wa?”+

 5 Jéhovah atene: “Ndali ti pasi so a sara na azo ti mawa

nga na dema ti awayere,+

mbi yeke londo ti sara mbeni ye.

 6 Atënë ti yanga ti Jéhovah ayeke nzoni kue;+

a yeke tongana argent so a tö ni na yâ ti four ti sese,* na a zi saleté ni lege mbasambala.

 7 Jéhovah, mo yeke bata ala;+

mo yeke bata ala oko oko kue si azo ti ngoi so asara sioni na ala lâ oko pëpe.

 8 Azo ti sioni ayeke fono ti bê ti ala

ndali ti so amolenge ti azo apusu amba ti ala ti sara sioni.+

Zia lumière na lê ti mbi, si mbi kui pëpe,

 4 si wato ti mbi atene pëpe: “Mbi sö benda na ndö ti lo awe!”

 5 Ti mbi, mbi zia bê ti mbi na ndö ti tâ ndoye ti mo;+

bê ti mbi ayeke na ngia ndali ti aye so mo sara ti sö zo.+

 2 Me Jéhovah angbâ na yayu kâ lo bâ amolenge ti azo,

ti bâ wala mbeni zo ahinga ti bâ yâ ti aye nzoni, wala mbeni zo ayeke gi Jéhovah.+

 3 Ala kue amû mbeni lege nde,+

sarango ye ti ala kue aga sioni awe;

zo oko ti sara nzoni ye ayeke dä pëpe,

même zo oko tongaso ayeke dä pëpe.

 5 Me mbeto ayeke gbu ala ngangu,+

ndali ti so Jéhovah ayeke na popo ti groupe ti azo ti mbilimbili.

 6 Ala azo ti sioni, ala gi ti buba yâ ti aye so zo ti mawa aleke ti sara,

me Jéhovah ayeke ndo ti batango terê ti lo.+

Na ngoi so Jéhovah akiri abungbi azo ti lo so a gue na ala na ngbâa,

zia si Jacob aduti na ngia nga zia si Israël asara ngia.

 2 Zo so sarango ye ti lo alingbi kue,*+

lo yeke sara ye so ayeke na lege ni,+

nga lo yeke tene tâ tënë na yâ ti bê ti lo.+

 3 Lo pa zo na yanga ti lo pëpe,+

lo sara sioni na mba ti lo pëpe,+

nga lo buba iri* ti akamarade ti lo pëpe.+

 4 Lo ke zo kue so ayeke tâ sioni,+

me lo ne azo so akpe mbeto ti Jéhovah.

 3 Azo ti be-vulu so ayeke na ndö ti sese,

azo so ayeke na gloire mingi, azia ngia mingi na bê ti mbi.”+

Mbi yeke tuku lâ oko pëpe asandaga ti mênë na ala,

nga iri ti ala ayeke sigi na yanga ti mbi pëpe.+

Ngia ayeke mingi na gbele mo;

ngia*+ ayeke na mbage ti maboko ti mo ti koli lakue lakue.

Mä mbi tongana mbi toto na mo ti mû maboko na mbi;

mä sambela ti mbi so tënë ti handa ayeke na yâ ni pëpe.+

 2 Zia mo fâ ngbanga ti mbi na lege ni;+

zia lê ti mo abâ ye so ayeke na lege ni.

 3 Mo bâ yâ ti bê ti mbi nzoni, mo bâ mbi nzoni na bï,+

mo zi sioni ye kue na terê ti mbi;+

mo yeke bâ so mbi leke na bê ti mbi pëpe ti sara mbeni sioni ye,

nga yanga ti mbi ake ndia pëpe.

 4 Âdu ti akusala ti azo,

ti gue oko na tënë ti yanga ti mo, mbi kpe alege ti azo ti nzi.+

 5 Zia si gere ti mbi angbâ na ndö ti alege ti mo,

si mbi pika gere ti mbi pëpe.+

 7 Sauveur ti azo so akpe na mbage ti maboko ti mo ti koli ti bata terê ti ala

ndali ti azo so alondo ti sara kpengba-li na mo,

fa tâ ndoye ti mo na mbeni lege so apika bê ti zo mingi.+

 8 Bata mbi tongana vuko lê ti mo;+

honde mbi na gbe ti kpangbi ti mo.+

 9 Bata mbi ndali ti azo ti sioni so ayeke tiri na mbi,

ndali ti awato ti mbi* so angoro mbi.+

10 Ala bâ mawa ti zo pëpe;*

yanga ti ala asara tënë na baba;

11 fadeso, ala kanga lege na e si e fono pëpe;+

lê ti ala ayeke na ndö ti e, ala yeke gi ti sara si e tï.*

12 Ala oko oko kue ayeke tongana bamara so ayeke nduru ti suru yâ ti nyama kete kete,

tongana bamara so akono awe so ahonde terê ti lo ti gbu nyama.

13 Jéhovah, mo londo na terê ti lo+ mo kinda lo;

sö mbi* na maboko ti zo ti sioni na lege ti épée ti mo;

14 Jéhovah, sö mbi na maboko ti mo,

sö mbi na maboko ti azo ti dunia,* so ye so agbu bê ti ala ayeke gï aye ti gigi so,+

ala so mo mû na ala gbâ ti anzoni ye,+

na ala so azia héritage na gbâ ti amolenge ti ala.

15 Âdu ti mbi, mbi yeke bâ ande lê ti mo ndali ti so mbi yeke mbilimbili;

terê ti mbi anzere tongana mbi zingo si mbi bâ mo.*+

Nzapa ti mbi ayeke kota tênë+ so mbi kpe dä ti bata terê ti mbi,

lo yeke vala ti mbi, ngangu sauveur* ti mbi nga nzoni ndo ti batango terê ti mbi.*+

 3 Mbi iri ndo na Jéhovah, lo so lo lingbi na gonda,

na lo yeke sö mbi na tïtî awato ti mbi.+

 4 Akamba ti kuâ angoro mbi;+

azo so li ti ala ayeke dä pëpe, so ayeke tongana ngu so asuku, azia kota mbeto na yâ ti mbi.+

 5 Akamba ti Dû ti kuâ* angoro mbi;

agbanda ti kuâ ayeke na devant ti mbi.+

 6 Na yâ ti vundu ti mbi, mbi iri ndo na Jéhovah,

mbi ngbâ ti toto na Nzapa ti mbi ti mû maboko na mbi.

Lo mä go ti mbi na yâ ti temple ti lo;+

toto so mbi toto ti tene lo mû maboko na mbi so atï na mê ti lo.+

 7 Na pekoni, sese akomanse ti dö na ayeke yengi mbage na mbage;+

gere ti ahoto ayengi,

nga a yengi mbage na mbage ndali ti so a zia ngonzo na bê ti lo.+

 8 Guru asigi na hôn ti lo,

na wâ so agbi ye asigi na yanga ti lo;+

charbon so amû wâ ngangu alondo na lo.

 9 Lo sara si yayu aba na ngoi so lo yeke descend,+

na bingo so avuko ngangu ayeke na gbe ti gere ti lo.+

11 Na pekoni, lo sara si bingo angoro terê ti lo,+

a ngoro lo tongana mbeni ndo so zo aduti dä ti bata terê ti lo;

ambinda+ ti ngu so avuko nga ane ayeke nga na yâ ni.

12 Na yâ ti lumière so aza na gbele lo,

glason na charbon so amû wâ mingi asigi na yâ ti ambinda ni.

13 Go ti Jéhovah akomanse ti toto tongana bekpa na yayu,+

Lo so ayeke na nduzu na ndö ti aye kue asara si azo amä go ti lo,+

glason na charbon so amû wâ mingi ayeke dä nga.

14 Lo pika alê ti kokora ti lo, na yâ ti awato ti mbi akangbi kirikiri;+

lo tokua wâ ti bekpa ti lo, na li ti ala aga kirikiri.+

15 A bâ gbe ti angu* polele,+

a bâ gere ti sese polele ndali ti so mo Jéhovah mo suku ngangu

nga ndali ti so pupu asigi na hôn ti mo.+

16 Lo ngbâ kâ na nduzu, lo yôro maboko ti lo,

lo gbu mbi na gbe ti ngu so alï, lo gboto mbi na gigi.+

17 Lo sö mbi na tïtî wato ti mbi+ so ayeke ngangu,

lo sö mbi na tïtî azo so ake mbi, ala so ayeke ngangu ahon mbi.+

18 Ala londo na terê ti mbi na lâ ni so ye ti vundu asi na mbi,+

me Jéhovah amû maboko na mbi.

19 Lo gue na mbi na mbeni ndo so ayeke nzoni;*

lo sö mbi ndali ti so mbi sara ye so anzere na lo.+

20 Jéhovah afuta mbi alingbi na mbilimbili ti mbi;+

lo futa mbi alingbi na maboko ti mbi so avuru,+

21 ndali ti so mbi ngbâ na alege ti Jéhovah,

nga mbi sara ye ti sioni pëpe, so ayeke ti zia Nzapa ti mbi.

22 Ambela ti lo kue ayeke na gbele mbi,

nga mbi yeke sara sanka ti andia ti lo pëpe.

23 Tënë ayeke duti ande na li ti mbi na gbele lo pëpe,+

na mbi yeke sara ande faute pëpe.+

24 Zia si Jéhovah afuta mbi alingbi na mbilimbili ti mbi,+

alingbi na maboko ti mbi so avuru na gbele lo.+

25 Zo so ayeke be-ta-zo, mo yeke be-ta-zo na lo;+

zo so tënë ayeke na li ti lo pëpe, mo sara ye na lo na lege ni;+

26 zo so asara ye na saleté pëpe, mo sara ye na lo na saleté pëpe;+

me na zo ti kirikiri, mo sara ye na mayele.+

27 Mo sö azo ti mawa;*+

me mo sara si azo ti fandara* aga kete.+

28 Jéhovah, mo la mo sara si lampe ti mbi aza;

Nzapa ti mbi so asara si wâ aza na yâ ti bingo so angoro mbi.+

29 Na ngangu ti mo, mbi lingbi ti sara bira na azo so ayeke gbu ka aye ti azo na ngangu;+

na ngangu ti Nzapa, mbi lingbi ti huru gbagba.+

30 Lege ti tâ Nzapa ayeke mbilimbili-kue;+

ye ti sioni ayeke na yâ ti tënë ti Jéhovah pëpe.+

32 Tâ Nzapa la ayü na mbi ngangu tongana bongo,+

na lo yeke sara si lege ti mbi aga mbilimbili-kue.+

33 Lo sara si gere ti mbi aga tongana gere ti lekpa;

lo sara si mbi luti na ando so ayeke na nduzu.+

34 Lo fa na mbi kode ti tiringo bira na maboko ti mbi;

maboko ti mbi alingbi ti gboto yâ ti kokora so a sara ni na cuivre.

35 Mo sö mbi na vala ti mo,+

maboko ti mo ti koli agbu mbi na nduzu;*

nga so mo sara terê ti mo kete, a sara si mbi ga kota.+

36 Mo sara si lê ti lege so mbi tambela dä akono,

tongaso si mbi glissé pëpe.+

37 Mbi yeke tomba peko ti awato ti mbi, na mbi wara ala;

mbi yeke kiri pëpe juska mbi hunzi ala kue si.

38 Mbi yeke neka yâ ti ala, tongaso si ala lingbi ti londo pëpe;+

ala yeke tï na gbe ti gere ti mbi.

39 Mo yeke mû na mbi ngangu si mbi tiri bira na ni;

mo yeke sara si awato ti mbi atï na gbe ti mbi.+

40 Mo yeke sara si awato ti mbi so aga ti tiri na mbi azi terê ti ala, ala hon;

azo so ake mbi, mbi yeke hunzi* ala kue.+

41 Ala toto ti hunda mungo maboko, me mbeni zo ti sö ala ayeke dä pëpe;

ala toto même na Jéhovah, me lo kiri tënë na ala pëpe.

42 Mbi yeke neka yâ ti ala si ala ga tongana fuku ti sese na yâ ti pupu;

mbi yeke tuku ala na ngonda tongana popoto na ndö ti lege.

44 Tënë so ala mä na ndö ti mbi ayeke sara si ala mä yanga ti mbi;

terê ti awande ayeke dö na mbeto na ngoi so ala ga na gbele mbi.+

45 Bê ti awande ayeke woko kue;*

terê ti ala ayeke dö ande dongo na ngoi so ala sigi na yâ ti angangu gbagba ti ala.

47 Sioni so azo asara na mbi, tâ Nzapa akiri peko ni na ala;+

lo zia azo na gbe ti mbi.

48 Lo zi mbi na tïtî awato ti mbi so ayeke na ngonzo;

mo zia mbi na nduzu na ndö ti azo so atiri na mbi;+

mo sö mbi na tïtî zo so asara ye ti ngangu na zo.

49 Ndani la, Jéhovah, mbi yeke mû gloire na mo na popo ti amara,+

na mbi yeke he bia* ti sepela iri ti mo.+

50 Lo sara akota ye ti sö* zo so lo zia lo gbia;+

lo fa tâ ndoye na zo ti lo so lo soro lo,+

na mbage ti David na ahale* ti lo lakue lakue.+

19 Yayu ayeke fa na gigi gloire ti Nzapa;+

nduzu* afa na gigi akusala ti maboko ti lo.+

 2 Lango oko oko, tënë asigi na yanga ti ala tongana ngu;

bï oko oko, ala fa na gigi hingango ye.

 3 Ala sara tënë tâ tongaso pëpe,

a mä go ti ala pëpe.

 4 Me lego ti ala* asigi juska na ndö ti sese kue,

na tënë so ala yeke fa ague juska na nda ti sese kue so azo ayeke dä.*+

Na yayu, lo leke mbeni tente ndali ti lâ;

 5 lâ ayeke tongana fini koli so alondo na chambre ti lo si ayeke sigi;

lo yeke tongana mbeni wangangu so terê ti lo anzere ti kpe loro ti lo.

 6 Lo londo na mbeni mbage ti yayu,

lo ngoro juska na mbeni mbage ni;+

ye oko akpe ndowa ti lo pëpe.

 8 Yanga so Jéhovah amû na ndö ti aye nde nde ayeke mbilimbili, na a zia ngia na bê ti zo;+

commandement ti Jéhovah, sioni ye ayeke dä pëpe, na a sara si lê ti zo azi.+

10 Zo asara nzara ni ahon lor,

ahon lor ti nzoni ni,*+

na a nzere ahon mafuta ti otoro,+ mafuta ti otoro so alondo na da ni ayuru.

11 Aye ni so kue agboto mê ti wakua ti mo;+

zo so abata aye so ayeke wara futa mingi.+

13 Nga, kanga lege na mbi wakua ti mo ti sara ye na fandara;+

zia pëpe si asarango ye ni so akomande mbi.+

Tongaso, ye oko ayeke manke mbi pëpe,+

na tënë ayeke na li ti mbi pëpe ndali ti asiokpari ti mbana.*

14 Zia si atënë ti yanga ti mbi nga na atënë so mbi gbu li ti mbi dä

anzere na mo,+ Jéhovah, Kota tênë ti mbi+ nga Zo so azi mbi.+

 2 Zia si, kâ na ndo so ayeke nzoni-kue, lo sara mbeni ye ti mû maboko na mo,+

nga na Sion,+ lo mû ngangu na mo.

 3 Zia si lo dabe ti lo na asandaga kue so mo mû na lo na matabisi,

zia si lo yeda na nzoni bê na sandaga ti mo* so a zö ni agbi kue. (Sélah)

 4 Zia si lo mû na mo aye so bê ti mo aye,+

nga lo sara si aye kue so mo leke ti sara* aga nzoni.

 5 E yeke dekongo ande na ngia ndali ti aye so mo sara ti sö zo;+

e yeke yô ande abanderole ti e na nduzu na iri ti Nzapa ti e.+

Na yayu, so ayeke nzoni-kue, Nzapa akiri tënë na lo

na lege ti kota salut* so maboko ti lo ti koli aga na ni.+

 7 Ambeni zo azia bê ti ala na ndö ti apuse ti mbarata;+ ti ambeni, a yeke ambarata;

me ti e, e yeke di iri ti Jéhovah, Nzapa ti e.+

 8 Ala tï gï hio tongaso;

me ti e, e londo na e kiri e luti nzoni.+

21 Jéhovah, gbia ayeke na ngia+ ndali ti ngangu ti mo;

lo yeke na ngia mingi ndali ti aye so mo sara ti sö zo!+

 2 Mo mû na lo ye so bê ti lo aye,+

nga mo gbanzi lo pëpe na ye so lo hunda na mo. (Sélah)

 3 Mo sara si lo wara anzoni ye mingi,

mo zia couronne so a leke na lor ti nzoni ni* na li ti lo.+

 4 Lo hunda mo ti mû na lo fini, na mo mû ni na lo,+

mo mû na lo fini so aninga,* fini ti lakue lakue.

 6 Mo sara si lo wara tufa lakue lakue;+

mo sara si ngia so zo ayeke wara na gbele* mo azia ngia na bê ti lo.+

 7 Gbia azia bê ti lo na ndö ti Jéhovah;+

tâ ndoye ti Lo so ayeke na nduzu na ndö ti aye kue asara si ye ayeke yengi gbia lâ oko pëpe.*+

 8 Maboko ti mo ayeke gbu awato ti mo kue;

maboko ti mo ti koli ayeke gbu azo so ake mo.

10 Mo yeke futi ande ahale* ti ala na ndö ti sese,

mo yeke futi ahale ti ala na popo ti amolenge ti azo,

11 ndali ti so ala ye fade ti sara mbeni ye so ayeke sioni na terê ti mo;+

na mayele, ala leke ti sara ambeni ye, me a yeke ga ande nzoni pëpe.+

12 Mo yeke sara ande si ala zi terê ti ala, ala hon+

na lege so mo zia kokora* ti mo na mbage ti ala ti pika ala.*

 2 Nzapa ti mbi, na kota lâ mbi ngbâ ti toto na mo, me mo kiri tënë pëpe;+

na bï, mbi duti kpô pëpe.

 3 Me mo yeke nzoni-kue,+

atënë ti sepela ti azo ti Israël angoro mo kue.*

 4 Ababâ ti e azia lani bê ti ala na ndö ti mo;+

ala zia bê ti ala na ndö ti mo, na mo sö ala.+

 5 Ala toto na mo, na mo sö ala;

ala zia bê ti ala na ndö ti mo, na ala wara vundu dä pëpe.*+

 6 Me mbi yeke mbeni ngusu, mbi yeke zo pëpe;

azo abâ mbi tongana mbumbuse zo* nga ala zere mbi ngangu.+

 7 Azo kue so abâ mbi ayeke he mbi hengo;+

ala zere mbi nga ala yengi li ti ala,+ ala tene:

 9 Mo la mo sigi na mbi na yâ ti mama ti mbi,+

Mo la mo sara si mbi duti nzoni na terê ti me ti mama ti mbi.

10 Ngbene ye so a dü mbi, a zia mbi na tïtî mo* ti bâ lege ti mbi;

ngbene ye so mbi de na yâ ti mama ti mbi, mo yeke Nzapa ti mbi.

11 Ngbâ yongoro na mbi pëpe ndali ti so kpale aga nduru awe,+

na mbi yeke na mbeni zo nde ti mû maboko na mbi pëpe.+

12 Gbâ ti akoli-bagara so akono awe angoro mbi;+

angangu bagara ti Basan angoro mbi kue.+

13 Ala zi yanga ti ala kota na terê ti mbi,+

tongana bamara so atoto na asuru yâ ti nyama so lo gbu lo kete kete.+

14 Ngangu ti mbi ahon kue tongana ngu so a tuku ni kue na sese,

abio ti mbi kue azi na lê ti terê.

Bê ti mbi aga tongana cire;+

a ga tongana ngu na yâ ti mbi.+

15 Ngangu ti mbi ahon kue tongana mbeni fango ta;+

langue ti mbi agbu terê na nyama ti pembe ti mbi;+

mo mû mbi mo zia mbi na yâ ti dû ti tene mbi kui.+

16 Ambo angoro mbi kue;+

ala ga na ndö ti mbi tongana gbâ ti azo ti sioni,+

ala te maboko ti mbi na gere ti mbi+ tongana bamara.

18 Ala kangbi yâ ti bongo ti mbi na popo ti ala,

na ala bi mbeni ye ti mû lege na ala ti bâ wala bongo ti mbi ayeke ga ti zo wa.+

20 Bata mbi* si épée afâ mbi pëpe,

zi fini ti mbi, so ayeke kota ye mingi,* na maboko ti ambo.+

21 Sö mbi na yanga ti bamara+ nga na didi ti angbä;

kiri tënë na mbi nga sö mbi.

22 Mbi yeke fa ande iri ti mo na aita ti mbi;+

mbi yeke he bia ande ti sepela mo na yâ ti congrégation.+

24 Lo bâ tongana senge ye pëpe pasi ti zo so azo asara pasi na lo, nga lo ke lo pëpe;+

lo honde lê ti lo na lo pëpe.+

25 Mbi yeke sepela mo na popo ti gbâ ti azo so abungbi;+

na gbele azo so akpe mbeto ti Nzapa, mbi yeke sara ye alingbi na azendo so mbi mû.

26 Azo so abâ terê ti ala kete ayeke te ye yâ ti ala asi;+

azo so agi Jéhovah ayeke sepela lo.+

28 Mbata ti gbia ayeke ti Jéhovah,+

lo komande na ndö ti amara.

29 Azo kue ti sese so ye ti ala amaï* ayeke te ye na ala kuku na sese;

azo kue so ayeke kiri ande fuku ti sese ayeke sara agenou na gbe ti lo,

mbeni zo na popo ti ala alingbi ti bata fini* ti ala pëpe.

30 Ahale* ti ala ayeke sara na lo;

a yeke fa ande ye na ndö ti Jéhovah na azo so ayeke bâ gigi gï na peko ti ala.

31 Ala yeke ga, ala sara tënë ti mbilimbili ti lo,

ala yeke fa ande na azo so ade ti dü ala pëpe tënë ti ye so lo sara.

 2 Lo sara si mbi lango na ando so pere ayeke dä mingi;

Lo gue na mbi na ando so ngu ayeke dä nzoni* si mbi wu terê ti mbi.+

 4 Atâa so mbi tambela na yâ ti popo-hoto so avuko pitipiti,+

mbi sara mbeto ti ye ti sioni pëpe,+

ndali ti so mo yeke na terê ti mbi;+

keke ti mo nga na saworo ti mo asara si mbi gi bê ti mbi pëpe.*

Mo tuku mafuta na li ti mbi+ ti tene li ti mbi adë;*

kopo ti mbi asi nzoni.+

 6 Biani, nzoni bê ti mo na tâ ndoye ti mo ayeke mû peko ti mbi na yâ ti gigi ti mbi kue;+

na mbi yeke duti na yâ ti da ti Jéhovah na yâ ti gigi ti mbi kue.+

24 Sese na aye kue so ayeke na ndö ni ayeke ti Jéhovah;+

sese so kobe alingbi ti sigi dä nga azo so asara kodro na ndö ni ayeke ti lo.

 2 Lo sara si sese aluti nzoni na ndö ti angu-ingo,+

lo sara si a luti nzoni na ndö ti angu.

 4 Zo so maboko ti lo na bê ti lo avuru,+

zo so adeba ti mvene na ndö ti Mbi* pëpe,

wala lo deba ti handa lê ti zo pëpe.+

 5 Lo yeke wara ande tufa ti Jéhovah,+

nga Nzapa ti salut ti lo+ ayeke bâ lo tongana zo ti mbilimbili.

 6 So ayeke azo so ayeke gi lo,*

azo so agi ti bâ lê ti mo, Nzapa ti Jacob. (Sélah)

 7 “Ayanga ti gbagba, ala yô li ti ala na nduzu,+

ala ayanga ti da so ayeke dä depuis giriri, ala zi,*

si Gbia ti gloire alï!”+

“A yeke Jéhovah so lo kpengba nga lo yeke na ngangu mingi,+

a yeke Jéhovah so ayeke ngangu mingi na yâ ti bira.”+

 9 “Ayanga ti gbagba, ala yô li ti ala na nduzu,+

ala ayanga ti da so ayeke dä depuis giriri, ala zi,

si Gbia ti gloire alï!”

 2 Nzapa ti mbi, mbi zia bê ti mbi na ndö ti mo;+

zia si a bi kamene na lê ti mbi pëpe.+

 4 Jéhovah, sara si mbi hinga alege ti mo;+

fa na mbi alege ti mo.+

 5 Sara si mbi tambela na yâ ti tâ tënë ti mo, na fa ye na mbi,+

ndali ti so mo yeke Nzapa ti salut ti mbi.

 6 Jéhovah, girisa pëpe nzoni bê ti mo nga na tâ ndoye ti mo,+

so mo fa ni lakue.*+

Jéhovah, dabe ti mo na mbi alingbi na tâ ndoye ti mo,+

ndali ti nzoni so mo sara.+

 8 Jéhovah ayeke nzoni nga lo yeke mbilimbili,+

ndani la lo fa na awasiokpari lege ti duti na fini.+

 9 Lo yeke fa na azo so asara terê ti ala kete tongana nyen ti sara ye na lege ni,*+

nga lo yeke fa lege ti lo na ala.+

10 Alege ti Jéhovah kue afa so lo yeke fa tâ ndoye nga lo yeke be-ta-zo

na azo so abata tënë ti mbele ti lo+ nga na awango ti lo.+

11 Jéhovah, ndali ti iri ti mo,+

pardonné faute ti mbi, atâa so a yeke kota.

13 Lo yeke* wara ande aye ti nzoni+ na yâ ti gigi ti lo,

na sese+ ayeke ga ande ti ahale* ti lo.

14 Azo so akpe mbeto ti Jéhovah la ayeke akota kamarade ti lo;+

lo fa tënë ti mbele ti lo na ala.+

15 Lê ti mbi ayeke lakue na mbage ti Jéhovah,+

ndali ti so lo yeke zi ande gere ti mbi na yâ ti gbanda.+

16 Tourné lê ti mo na mbage ti mbi, na sara nzoni bê na mbi,

ndali ti so mbi yeke gï mbi oko, na zo ti mû maboko na mbi ayeke dä pëpe.

17 Aye ti mungo vundu na mbi awu mingi;+

zi mbi na yâ ti vundu ti mbi.

18 Bâ pasi ti mbi nga na akpale ti mbi,+

na pardonné asiokpari ti mbi kue.+

19 Bâ tongana nyen awato ti mbi ayeke mingi,

nga tongana nyen ala ke mbi bê oko.

21 So mbi yeke sara ye lakue mbilimbili nga na lege ni, a bata mbi,+

ndali ti so mbi zia bê ti mbi na ndö ti mo.+

26 Jéhovah, fâ ngbanga ti mbi, ndali ti so mbi sara ye lakue mbilimbili;+

mbi zia bê ti mbi na Jéhovah, sân ti gi bê ti mbi.+

 2 Jéhovah, bâ mbi nzoni, na tara bê ti mbi;

zi asioni pensé so ayeke na gbe ti bê ti mbi* nga na asioni ye so ayeke na yâ ti bê ti mbi,+

 3 ndali ti so tâ ndoye ti mo ayeke lakue na gbele mbi,

na mbi yeke tambela na yâ ti tâ tënë ti mo.+

 4 Mbi sara kamarade* pëpe na azo ti handa;+

mbi kpe azo so ahonde vrai sarango ye ti ala.*

 5 Mbi ye kete pëpe ti duti na popo ti azo ti sioni,+

na mbi ke ti sara kamarade*+ na ala.

 6 Mbi yeke sukula tïtî mbi ti fa so tënë ayeke na li ti mbi pëpe,

nga, Jéhovah, mbi yeke ngoro gbalaka ti mo,

 7 ti sara si azo amä tënë ti singila+ so mbi tene

nga ti fa tënë ti akusala ti mo kue so adö bê.

 8 Jéhovah, mbi ye mingi da so mo duti dä,+

ndo so gloire ti mo ayeke dä.+

 9 Zi mbi* legeoko na awasiokpari pëpe,+

nga zi fini ti mbi pëpe legeoko na azo so asara ye ti ngangu na zo,*

10 ala so maboko ti ala asara ye ti kamene

nga so yâ ti maboko ti ala ti koli asi singo na goro.

12 Gere ti mbi aluti na ndo so ayeke kpangbala;+

mbi yeke sepela Jéhovah na yâ ti kota congrégation.*+

 2 Na ngoi so azo ti sioni alondo na terê ti mbi ti futi mbi,+

azo so ake mbi nga awato ti mbi la apika gere ti ala na ala tï.

 3 Atâa tongana aturugu asara camp na terê ti mbi,

bê ti mbi ayeke dö na mbeto pëpe.+

Atâa tongana azo alondo ti sara bira na mbi,

même na ngoi ni so, mbi yeke gi bê ti mbi pëpe.

 4 Ye oko so mbi hunda na Jéhovah,

ye so mbi yeke gi, ayeke so:

mbi ye ti duti na da ti Jéhovah na yâ ti gigi ti mbi kue,+

ti ngbâ ti bâ nzoni ti Jéhovah

nga ti bâ temple ti lo na ngia na bê.+

 5 Na ngoi ti ye ti ngangu, lo yeke honde mbi na ndo so lo duti dä,+

lo yeke honde mbi na yâ ti tente ti lo+ na mbeni ndo so azo ahinga ni pëpe;

lo yeke zia mbi kâ na nduzu na ndö ti mbeni kota tênë.+

 6 Fadeso, li ti mbi ayeke na nduzu ahon awato ti mbi so angoro mbi;

na tente ti lo, mbi yeke mû asandaga nga mbi yeke dekongo na ngia;

mbi yeke he bia* ti sepela Jéhovah.

 7 Jéhovah, mä mbi tongana mbi toto na mo,+

sara nzoni bê na mbi na kiri tënë na mbi.+

Mo yeke zo ti mungo maboko na mbi;+

ke mbi pëpe wala zia mbi pëpe, Nzapa ti salut ti mbi.

10 Même tongana babâ na mama ti mbi adö mbi azia,+

Jéhovah ayeke mû mbi na ndo ti lo.+

11 Jéhovah, fa na mbi lege ti mo;+

ndali ti awato ti mbi, gue na mbi na lege so ayeke mbilimbili.

12 Zia mbi pëpe na maboko ti awato ti mbi,+

ndali ti so atémoin ti mvene alondo na terê ti mbi,+

ala tene ala yeke sara ye ti ngangu na mbi.

13 Tongana fade mbi mä na bê pëpe so mbi yeke bâ ande nzoni bê ti Jéhovah na popo ti azo so ayeke na fini,

ka mbi yeke duti na ndo wa?*+

14 Zia bê ti mo na ndö ti Jéhovah;+

sara mbeto pëpe nga kpengba terê ti mo.+

28 Jéhovah, Kota tênë ti mbi,+ mbi ngbâ ti toto na mo;

kanga mê ti mo pëpe na ngoi so mbi toto na mo.

Tongana mo kiri tënë na mbi pëpe,

mbi yeke ga tongana azo so ayeke descend na yâ ti dû.*+

 2 Tongana mbi toto na mo ti mû maboko na mbi, mä mbi,

na ngoi so mbi yôro maboko ti mbi na mbage ti kubu so ayeke kâ na yâ ti ndo ti mo so ayeke nzoni-kue.+

 3 Hon na mbi pëpe legeoko na azo ti sioni, azo so ayeke sara ye so ayeke sara sioni na zo,+

azo so atene tënë ti siriri na amba ti ala, me so sioni ye ayeke na yâ ti bê ti ala.+

 4 Kiri na ala peko ti ye so ala sara,+

a lingbi na asioni ye so ala sara.

Kiri na ala peko ti kusala ti maboko ti ala,

a lingbi na ye so ala sara,+

 5 ndali ti so ala bi bê ti ala pëpe na akusala ti Jéhovah+

nga na kusala ti maboko ti lo.+

 6 Zia a sepela Jéhovah,

ndali ti so lo mä mbi tongana mbi toto na lo ti tene lo mû maboko na mbi.

Lo mû maboko na mbi, na bê ti mbi ayeke na ngia,

tongaso mbi yeke sepela lo na bia ti mbi.

 8 Jéhovah ayeke ngangu ti azo ti lo,

lo yeke ngangu gbagba so asara kota ye ti sö zo ti lo so lo soro lo.+

29 Amolenge ti awangangu, ala mû na Jéhovah ye so lo yeke na droit ti wara ni,

ala mû ni na Jéhovah ndali ti gloire nga na ngangu ti lo!+

 3 A mä go ti Jéhovah na ndö ti angu;

go ti Nzapa ti gloire atoto tongana bekpa.+

 4 Go ti Jéhovah atoto ngangu;+

toto ti go ti Jéhovah ayeke ye ti gloire.

 5 Toto ti go ti Jéhovah akungbi akeke ti cèdre;

Jéhovah afâ yâ ti akeke ti cèdre ti Liban.+

 6 Lo sara si Liban* ahuru tongana molenge ti bagara,

nga Sirion+ ahuru tongana ngbä so akono awe.

 8 Toto ti go ti Jéhovah asara si benyama ayengi;+

Jéhovah asara si benyama ti Cadès+ ayengi.

 9 Toto ti go ti Jéhovah asara si terê ti alekpa adö na ala dü,

a zi aporo ti keke ti yâ ti gbako.+

10 Jéhovah aduti na ndö ti trône na ndö ti kota ngu so apika si asuku amû ndo;*+

Jéhovah aduti na ndö ti trône tongana Gbia lakue lakue.+

30 Jéhovah, mbi yeke gonda mo, ndali ti so mo yô mbi na nduzu,*

mo zia pëpe si awato ti mbi aduti na ngia ndali ti ye so asi na mbi.+

Ala kiri singila na lo, ndali ti iri ti lo so ayeke nzoni-kue,*+

 5 ndali ti so tongana lo sara ngonzo na terê ti zo, a yeke gï teti kete ngoi,+

me tongana lo sara nzoni bê na zo, a yeke na yâ ti fini ti zo ni kue.+

 8 Jéhovah, lani mbi yeke toto na mo lakue;+

mbi yeke voro yanga na Jéhovah lakue ti sara nzoni bê na mbi.

11 Mo sara si mbi dodo ahon ti sara mua;

mo zi bongo ti vundu ti mbi, na mo yü na mbi ngia tongana bongo,

12 si mbi he bia ti sepela mo, na mbi kanga yanga ti mbi pëpe.

Ga mbeni ngangu gbagba so ayeke na ndö ti hoto, si mbi bata terê ti mbi dä,

mbeni ngangu gbagba ti sö mbi.+

 3 Mo yeke kota tênë ti mbi na ngangu gbagba ti mbi;+

ndali ti iri ti mo,+ mo yeke gue na mbi na mbeni ndo, na mo yeke fa lege na mbi.+

 4 Mo yeke zi mbi na yâ ti gbanda so na hondengo ni ala zia ti tene agbu mbi,+

ndali ti so mo yeke ngangu gbagba ti mbi.+

 6 Mbi ke azo so avoro ayanda, so ayeke asenge senge ye;

me ti mbi, mbi zia bê ti mbi na ndö ti Jéhovah.

 7 Mbi yeke duti na ngia mingi ndali ti tâ ndoye ti mo,

ngbanga ti so mo bâ pasi ti mbi;+

mo hinga kota vundu ti mbi.*

 8 Mo zia mbi pëpe na maboko ti wato ti mbi,

me mo sara si mbi luti na mbeni ndo so a peut ti sara sioni na mbi dä pëpe.*

10 Gigi ti mbi asi singo na vundu,+

nga gigi ti mbi kue asi singo na dema.+

Ngangu ti mbi ague ti hunzi ndali ti faute ti mbi;

abio ti mbi kue awoko.+

11 Awato ti mbi kue ahe mbi hengo,+

mingi ni a yeke avoizin ti mbi.

12 Ala bi bê ti ala na ndö ti mbi pëpe na ala girisa mbi awe, mo bâ mo tene mbi kui awe;

mbi ga tongana mbeni fango ta.

13 Mbi mä gbâ ti asioni tënë so azo ayeke diko na terê ti mbi;

ye ti mungo mbeto na zo angoro mbi kue.+

Tongana ala bungbi tongana zo oko ti ke mbi,

ala mä terê ti zi fini* ti mbi.+

Zia kamene agbu azo ti sioni;+

zia si yanga ti ala akanga na yâ ti Dû ti kuâ.*+

18 Zia si yanga ti azo ti mvene akanga,+

yanga ti azo so baba apusu ala ti sara sioni tënë na terê ti azo ti mbilimbili na fandara nga na nengo zo pëpe.

Mo bata ni ndali ti azo so akpe mbeto ti mo;+

mo fa ni na gbele azo kue, ndali ti azo so akpe na mo ti bata terê ti ala.+

20 Mo yeke honde ala na ndo so mo yeke dä, na mbeni ndo so zo ahinga ni pëpe+

si ye so azo amä terê ti sara na ala awara ala pëpe;

mo yeke honde ala na yâ ti kpangba ti mo

si aye ti sioni so azo aleke ti sara na ala awara ala pëpe.+

21 Zia si a sepela Jéhovah,

ndali ti so lo fa tâ ndoye na mbi+ na mbeni lege so apika bê mingi, na ngoi so mbi yeke na yâ ti mbeni gbata so awato asara camp na terê ni.+

Jéhovah ayeke bata azo so ayeke be-ta-zo,+

me azo kue so asara ye na fandara, lo yeke punir ala ngangu mingi.+

24 Ala kue so ayeke ku Jéhovah,+

ala sara mbeto pëpe nga ala kpengba terê ti ala!+

 2 Ngia ayeke na zo so Jéhovah abâ so tënë ayeke na li ti lo pëpe,+

na so bibe ti handango zo ayeke na yâ ti lo pëpe.

 3 Na ngoi kue so mbi zi yanga pëpe, bio ti mbi awoko kue ndali ti so mbi dema na yâ ti alango ni kue,+

 4 ndali ti so bï na lâ, maboko ti mo* ane na ndö ti mbi.+

 5 Mbi bâ gbä mbi fa siokpari ti mbi na gigi na mo,

mbi honde faute ti mbi pëpe.+

Mbi tene: “Mbi yeke fa akengo ndia ti mbi na Jéhovah,”+

na mo pardonné asiokpari ti mbi.+ (Sélah)

 6 Ndani la zo kue so ayeke be-ta-zo ayeke sambela mo+

na ngoi so a lingbi ti wara mo.+

 7 Mo yeke ndo so mbi kpe dä ti honde terê ti mbi;

mo yeke bata mbi si ye ti vundu asi na mbi pëpe.+

 9 Sara ye pëpe tongana mbarata wala vuko kororo* so ahinga ndo pëpe,+

so a hunda ti tene a zia kamba na yanga ti lo si lo luti

nga kozoni si lo ga nduru na mo.”

10 Apasi ti zo ti sioni ayeke mingi;

me zo so azia bê ti lo na ndö ti Jéhovah, Lo yeke sara si tâ ndoye ti Lo angoro zo ni kue.+

11 Ala azo ti mbilimbili, ala duti na ngia ndali ti Jéhovah nga ala sara ngia!

Ala azo so bê ti ala avuru, ala dekongo na ngia!

 2 Ala mû merci na Jéhovah na lege ti harpe;

ala he bia* ti sepela lo na lege ti harpe so kamba ni ayeke bale-oko.

 3 Ala he na lo fini bia;+

na kode, ala pika na lo pendere mozoko na aye ti mozoko so ayeke na kamba, nga ala dekongo na ngia.

 6 Na lege ti tënë ti yanga ti Jéhovah, a leke yayu,+

nga na lege ti pupu* ti yanga ti lo, a leke aye kue so ayeke na yâ ni.

 7 Lo sara si ngu-ingo abungbi ndo oko mo bâ mo tene a zia barrage na terê ni;+

lo mû angu so ayeke sua na ngangu lo zia na yâ ti agogoro.

 9 Lo sara gï tënë, na ye abâ gigi;+

lo mû yanga, na ye ni aluti nzoni.+

10 Jéhovah abuba yâ ti aye so amara amä terê ti sara;*+

lo sara si aye so azo ti amara aleke ti sara* atï na ngu.+

11 Me adesizion* so Jéhovah amû ayeke ngbâ lakue;+

aye so lo bi bê ti lo ti sara ayeke ngbâ na yâ ti angoi nde nde kue.

12 Ngia ayeke na mara so Jéhovah ayeke Nzapa ti lo,+

azo so lo soro ala ti ga ye ti lo wani.+

13 Kâ na yayu, Jéhovah abâ ndo na sese;

lo bâ amolenge kue ti azo.+

14 Kâ na ndo so lo duti dä,

lo ngbâ ti bâ azo ti sese nzoni.

15 Lo la lo sara bê ti azo kue;

lo bâ akusala ti ala kue nzoni.+

16 Gbâ ti aturugu alingbi pëpe ti sö mbeni gbia;+

kota ngangu ti wangangu la ayeke sö lo pëpe.+

18 Bâ, lê ti Jéhovah ayeke na ndö ti azo so ayeke kpe mbeto ti lo,+

azo so ayeke ku ti tene lo fa tâ ndoye na ala,

19 ti zi ala* na lê ti kuâ,

nga ti bata ala na fini na ngoi ti kota nzara.+

21 Bê ti e asi na ngia ndali ti lo;

ndali ti so e zia bê ti e na ndö ti iri ti lo so ayeke nzoni-kue.+

22 Jéhovah, zia si tâ ndoye ti mo aduti na ndö ti e+

na ngoi so e ngbâ ti ku mo.+

34 Mbi yeke sepela Jéhovah na ngoi kue;

yanga ti mbi ayeke ngbâ lakue ti sepela lo.

 2 Mbi yeke* pika kate ti mbi na ndö ti Jéhovah;+

azo so asara terê ti ala kete ayeke mä ni, na ala yeke duti na ngia.

 3 Azo, ala fa kota ti Jéhovah legeoko na mbi;+

zia si e yâa iri ti lo na nduzu legeoko.

 5 Lê ti azo so abâ ndo na mbage ti lo aza zango;

a lingbi ti zia kamene na lê ti ala pëpe.

 7 Ange ti Jéhovah asara camp na terê ti azo so akpe mbeto ti Lo,+

na lo sö ala.+

 8 Ala tara na ala bâ tongana nyen Jéhovah ayeke nzoni;+

ngia ayeke na zo so akpe na mbage ti lo ti bata terê ti lo.

 9 Ala azo ti be-vulu kue, ala kpe mbeto ti Jéhovah,

ndali ti so azo so akpe mbeto ti lo, ye oko amanke ala pëpe.+

10 Même angangu bamara so akono awe* si ayeke ngangu ayeke wara ye ti tengo ni pëpe;

me azo so agi Jéhovah, ye ti nzoni ayeke manke ala pëpe.+

11 Amolenge ti mbi, ala ga ala mä mbi;

mbi yeke fa na ala kpengo mbeto ti Jéhovah.+

13 Tongaso, bata langue ti mo si mo tene sioni tënë pëpe,+

nga bata yanga ti mo si mo tene tënë ti handa pëpe.+

14 Tourné peko na ye so ayeke sioni na mo sara ye so ayeke nzoni;+

gi siriri, na mo tomba peko ni.+

15 Lê ti Jéhovah ayeke na ndö ti azo ti mbilimbili,+

na mê ti lo ayeke mä ala tongana ala toto ti wara mungo maboko.+

16 Me lê ti Jéhovah ake azo so ayeke sara ye ti sioni,

ti zi na ndö ti sese aye kue so ayeke dabe ti azo na ala.+

17 Azo ti mbilimbili atoto, na Jéhovah amä ala;+

lo zi ala na yâ ti aye ti vundu ti ala kue.+

18 Jéhovah ayeke nduru na azo so mbeni ye amû vundu na ala ngangu;+

lo sö azo so bê ti ala awoko kue.*+

19 Aye ti ngangu so asi na zo ti mbilimbili ayeke mingi,+

me Jéhovah azi lo na yâ ti aye so kue.+

20 Lo bata abio ti lo kue;

a kungbi mbeni oko pëpe.+

21 Ye ti ngangu ayeke fâ azo ti sioni;

azo so ake azo ti mbilimbili, a yeke tene ande so tënë ayeke na li ti ala.

22 Jéhovah ayeke sö fini* ti awakua ti lo;

azo so akpe na mbage ti lo ti bata fini ti ala, a yeke tene ande pëpe so tënë ayeke na li ti ala.+

35 Jéhovah, gbu koko ti mbi na gbele azo so ake mbi;+

tiri na azo so ayeke tiri na mbi.+

 5 Zia si ala ga tongana poro ti alê ti kobe so pupu ahon na ni;

zia si ange ti Jéhovah atomba ala.+

na ngoi so ange ti Jéhovah ayeke tomba peko ti ala,

 7 ndali ti so gï senge senge tongaso ala honde gbanda na lege ti mbi ti gbu mbi;

gï senge senge tongaso ala zi dû ti tene mbi tï* dä.

 8 Zia si ye ti ngangu atï na ndö ti ala gï gbagburu tongaso;

zia si gbanda so ala zia agbu gï ala wani;

zia si ala tï na yâ ni, ala kui.+

 9 Me ti mbi,* mbi yeke duti na ngia ndali ti Jéhovah;

terê ti mbi ayeke nzere ndali ti aye so lo sara ti sö zo.

Azo so ayeke na zo ti mû maboko na ala pëpe, mo sö ala na tïtî azo so ayeke ngangu ahon ala,+

azo so zo ti mungo maboko na ala ayeke dä pëpe nga na awayere, mo sö ala na maboko ti azo so anzi ye ti ala.”+

11 Asioni témoin aga;+

ala hunda mbi na ndö ti aye so mbi hinga ye oko dä pëpe.

12 Ala kiri sioni na mbi na place ti nzoni,+

ala sara si mbi yeke* na yâ ti mua.

13 Me na ngoi so ala yeke na kobela, mbi yü bongo ti vundu,

mbi sara pasi na terê ti mbi* na mungo jeûne,

nga tongana a kiri tënë na sambela ti mbi pëpe,

14 mbi yeke tambela na vundu tongana zo so atoto kuâ ti kamarade wala ita ti lo;

mbi kuku na vundu na bê tongana zo so atoto kuâ ti mama ti lo.

15 Me tongana mbi pika gere ti mbi, terê ti ala anzere nga ala bungbi ndo oko;

ala bungbi ndo oko, ala honde terê ti ala ti ku hongo ti mbi si ala pika mbi na sese;

ala suru yâ ti mbi kete kete, na ala ngbâ gï ti diko tënë na terê ti mbi.

16 Azo so akpe Nzapa pëpe ahe mbi hengo,*

ala te pembe ti ala na terê ti mbi.+

Zi mbi* na tïtî azo so ayeke tiri na mbi;+

zi fini ti mbi, so ayeke kota ye mingi,* na maboko ti abamara so akono awe.*+

18 Na pekoni, mbi yeke kiri singila na mo na yâ ti kota congrégation;+

mbi yeke sepela mo na popo ti gbâ ti azo.

19 Zia pëpe si terê ti azo so ake mbi senge senge anzere ndali ti ye so asi na mbi;

zia pëpe si azo so ake mbi gï senge senge+ asara lê na mba na terê ti mbi.+

20 Atënë ti siriri asigi na yanga ti ala pëpe;

me ala leke ti sara ye na mayele na terê ti azo ti kodro ni so aye siriri.+

21 Ala zi yanga ti ala kota ti bi tënë na li ti mbi,

ala tene: “Wala! Lê ti e abâ ni awe.”

23 Zingo, londo mo gbu koko ti mbi,

Jéhovah, Nzapa ti mbi, gbu koko ti mbi na gbele ngbanga.

24 Jéhovah, Nzapa ti mbi, fâ ngbanga ti mbi alingbi na mbilimbili ti mo;+

zia pëpe si terê ti ala anzere ndali ti ye so asi na mbi.

26 Zia si kamene asara ala kue nga a bi nengo ti ala na sese,

ala so terê ti ala anzere ndali ti ye ti ngangu so awara mbi.

27 Zia si azo so bê ti ala anzere ndali ti mbilimbili ti mbi adekongo na ngia;

zia si lakue ala tene:

28 Na pekoni, yanga ti mbi ayeke fa peko ti* mbilimbili ti mo+

na ayeke sepela mo na yâ ti lango ni kue.+

36 Kengo ndia ayeke sara tënë na zo ti sioni kâ na yâ ti bê ti lo;

mbeto ti Nzapa ayeke na lê ti lo pëpe.+

 2 So lo bâ terê ti lo so lo yeke kota mingi,

lo lingbi pëpe ti bâ faute ti lo si lo ke ni.+

 3 Atënë ti yanga ti lo asara sioni na zo nga ahanda zo;

lo fa so lo hinga pëpe ti bâ yâ ti aye nzoni si lo sara ye ti nzoni.

Lo ye gï ti mû lege so ayeke nzoni pëpe;

lo ke ye ti sioni pëpe.

 5 Jéhovah, tâ ndoye ti mo asi juska na yayu;+

aye so afa so mo yeke be-ta-zo ague juska andu ambinda.

 6 Mbilimbili ti mo ayeke tongana akota hoto;*+

angbanga so mo fâ ayeke tongana angu so lê ni akono nga so alï mingi.+

A yeke na gbe ti akpangbi ti mo la

amolenge ti azo akpe dä ti bata terê ti ala.+

 8 Ala nyon anzoni ye* ti yâ ti da ti mo, yâ ti ala asi;+

mo sara si ala nyon anzerengo ye ti mo so ayeke sua.+

 9 Mo la mo mû fini na aye kue;+

na lege ti lumière ti mo, e bâ lumière.+

10 Ngbâ ti fa tâ ndoye na azo so ahinga mo,+

nga ti fa mbilimbili ti mo na ala so bê ti ala avuru.+

11 Zia pëpe si gere ti azo ti fandara atambela na ndö ti mbi,

nga zia pëpe si maboko ti azo ti sioni atomba mbi.

12 Bâ, azo ti sioni atï awe;

a kinda ala, na ala lingbi ti londo pëpe.+

37 Zia bê ti mo ason pëpe* ndali ti azo ti sioni

wala mo sara bê pëpe na terê ti azo so ayeke sara aye ti sioni.+

 2 Ala yeke hule hio tongana pere,+

nga ala yeke hule tongana fini pere.

 3 Zia bê ti mo na ndö ti Jéhovah na sara ye ti nzoni;+

sara kodro na ndö ti sese na duti be-ta-zo.+

 4 Gi ti wara ngia mingi* na mbage ti Jéhovah,

na lo yeke mû na mo aye so bê ti mo asara nzara ni.

 5 Zia si Jéhovah afa lege na mo;*+

zia bê ti mo na ndö ti lo, na lo yeke sara ye ndali ti mo.+

 6 Lo yeke sara si mbilimbili ti mo asu tongana lumière ti ndapre,

nga sarango ye ti mo na lege ni asu tongana lâ ti midi.

 7 Duti kpô na gbele Jéhovah+

na mo ku gï* lo.

Zia bê ti mo ason pëpe ndali ti zo so,

na mayele, asara si aye ti lo aga nzoni.+

 8 Zia lege ti ngonzo nga zia si ngonzo ahon ndö ti mo pëpe;+

zia bê ti mo ason pëpe si mo komanse ti sara ye ti sioni,*

 9 ndali ti so a yeke futi azo ti sioni,+

me azo so angbâ ti ku Jéhovah, sese ayeke ga ye ti ala.+

10 Na yâ ti kete ngoi, azo ti sioni ayeke duti dä encore ape;+

mo yeke bâ ande place so ala yeke lani dä,

me ala yeke duti dä encore ape.+

11 Me azo so asara terê ti ala kete, sese ayeke ga ye ti ala,+

na ala yeke duti na ngia mingi na yâ ti siriri so amû ndo.+

12 Zo ti sioni aleke ti sara sioni na zo ti mbilimbili,+

lo te pembe na terê ti lo.

13 Me Jéhovah ayeke he lo,

ndali ti so Lo hinga so lango ti futingo lo ayeke ga.+

14 Azo ti sioni asigi na épée ti ala nga ala gboto yâ* ti kokora ti ala

ti kinda azo so a sara pasi na ala nga na awayere,

na ti fâ azo so lege ti ala ayeke mbilimbili.

15 Me épée ti ala ayeke lï bê ti ala wani,+

nga yâ ti akokora ti ala ayeke fâ.

16 Kete ye ti zo ti mbilimbili

ayeke nzoni ahon aye mingi ti gbâ ti azo ti sioni.+

17 A yeke kungbi yâ ti maboko ti azo ti sioni,

me Jéhovah ayeke mû maboko na azo ti mbilimbili.

18 Jéhovah ahinga aye so ayeke si na* azo so tënë ayeke na li ti ala pëpe,

na héritage ti ala ayeke ngbâ lakue.+

19 A yeke bi kamene na lê ti ala pëpe na ngoi ti ye ti ngangu;

na ngoi ti kota nzara, ala yeke duti na gbâ ti ye.

20 Me azo ti sioni ayeke kui,+

awato ti Jéhovah ayeke girisa tongana apendere ndo ti tengo pere;

ala yeke girisa tongana guru ti wâ.

21 Zo ti sioni amû bon me lo kiri na ni pëpe,

me maboko ti zo ti mbilimbili awoko na mungo ye,* nga lo yeke mû ye.+

22 Azo so Nzapa airi tënë nzoni na ndö ti ala, sese ayeke ga ye ti ala;

me azo so Lo deba ala, a yeke futi ala.+

23 Tongana lege so mbeni zo amû anzere na Jéhovah,+

Lo yeke fa lege na gere ti zo ni.*+

24 Atâa so zo ni apeut ti tï, lo yeke ngbâ na sese pëpe tongana ti zo so a bi lo na sese ngangu,+

ndali ti so Jéhovah amû maboko na lo na gbungo maboko ti lo.+

25 Mbi yeke ândö maseka, na fadeso mbi yeke mbakoro,

me mbi bâ pëpe mbeni zo ti mbilimbili so Nzapa adö lo azia,+

wala amolenge ti lo airi mapa.*+

26 Lo yeke lakue nduru ti mû ye na zo na bon,+

na amolenge ti lo ayeke ku ti wara tufa.

27 Zia lege ti sioni na mo sara ye ti nzoni,+

na mo yeke ngbâ na fini lakue lakue.

28 Jéhovah aye fango ngbanga ti mbilimbili,

na lo yeke zia abe-ta-zo ti lo pëpe.+

Lo yeke bata ala lakue;+

me ahale ti azo ti sioni, a yeke futi ala.+

29 Sese ayeke ga ande ye ti azo ti mbilimbili,+

na ala yeke ngbâ na ndö ni lakue lakue.+

30 Yanga ti zo ti mbilimbili amû ndara na zo,*

na lo yeke sara tënë ti ye so ayeke mbilimbili.+

31 Ndia ti Nzapa ti lo ayeke na yâ ti bê ti lo;+

lo yeke pika gere ti lo pëpe.+

32 Lê ti zo ti sioni ayeke na terê ti zo ti mbilimbili,

lo yeke gi ti fâ lo.

33 Me Jéhovah ayeke zia lo pëpe na maboko ti zo ni,+

nga na ngoi so lo yeke fâ ngbanga ti lo, lo yeke tene pëpe so tënë ayeke na li ti lo.+

34 Ku Jéhovah, na tambela na ndö ti lege ti lo,

na lo yeke yâa mo na nduzu si sese aga ti mo.

35 Mbi bâ zo ti sioni so abâ mawa ti zo pëpe,

lo mû ndo tongana keke so amaï pendere na ndo so lo sigi dä.+

36 Me gï hio tongaso, lo hon, lo yeke dä encore ape;+

mbi gi lo me mbi wara lo pëpe.+

37 Zia lê ti mo na ndö ti zo so tënë ayeke na li ti lo pëpe*

nga zia lê ti mo angbâ na terê ti zo ti mbilimbili,+

ndali ti so kekereke lo yeke duti na siriri.+

38 Me a yeke futi azo ti kengo ndia kue;

a yeke futi ande azo ti sioni.+

39 Salut ti azo ti mbilimbili alondo na Jéhovah;+

lo yeke ngangu gbagba ti batango ala na ngoi ti vundu.+

Lo yeke zi ala na tïtî azo ti sioni na lo sö ala,

ndali ti so ala kpe na mbage ti lo ti bata terê ti ala.+

38 Jéhovah, suku na mbi na lê ti ngonzo pëpe,

wala kiri na mbi na nzoni lege na kota ngonzo na bê pëpe.+

 2 Alê ti kokora ti mo alï mbi ngangu mingi,

nga maboko ti mo apete mbi na sese ngangu.+

Siriri ayeke na yâ ti abio ti mbi pëpe ndali ti siokpari ti mbi,+

 4 ndali ti so afaute ti mbi ayeke lakue na ndö ti li ti mbi;+

a yeke tongana mbeni nengo kungba so mbi lingbi ti yô ni pëpe.

 5 Akä ti mbi afun nga asara sanzo

ndali ti ye ti buba so mbi sara.

 6 Vundu ahon ndö ti mbi nga bê ti mbi anze kue;

mbi tambela na vundu na bê na yâ ti lango ni kue.

 7 Yâ ti terê ti mbi kue ayeke gï wâ,

terê ti mbi kue ayeke gï kobela.+

 8 Amembre ti terê ti mbi kue akui nga mbi woko kue;

vundu ti bê ti mbi asara si mbi dema na kota go.*

 9 Jéhovah, aye kue so mbi sara nzara ni ayeke na gbele mo,

nga dema ti mbi ahonde na lê ti mo pëpe.

10 Bê ti mbi apika ngangu, ngangu ti mbi ahunzi;

lumière ti lê ti mbi amingo awe.+

11 Akamarade ti mbi na amba ti mbi so mbi na ala ndo oko ayeke kpe mbi kpengo, ndali ti ye ti ngangu so asi na mbi,

nga azo so mbi hinga ala nzoni aduti yongoro na terê ti mbi.

12 Azo so agi ti mû fini ti mbi azia agbanda ti gbu mbi;

azo so agi ti sara sioni na mbi asara tënë ti futingo mbi;+

na yâ ti lango ni kue, ala yeke tene atënë ti handango zo.

13 Me mbi ke ti mä ala, mo bâ mo tene mê ti mbi akanga,+

mbi zi yanga pëpe, mo bâ mo tene mbi yeke buburu.+

14 Mbi ga tongana mbeni zo so mê ti lo alingbi ti mä tënë ape,

na so tënë ayeke na yanga ti lo ape ti gbu koko ti lo wani.

15 Mbi ku mo, Jéhovah,+

na mo kiri tënë na mbi, Jéhovah, Nzapa ti mbi.+

16 Mbi tene: “Zia pëpe si terê ti ala anzere ndali ti ye so asi na mbi,

wala ala pika kate ti ala tongana gere ti mbi aglissé ti tene mbi tï.”

17 A ngbâ lani kete mbi tï,

nga ye ason mbi lakue.+

18 Mbi fa faute ti mbi na gigi;+

siokpari ti mbi asara si mbi yeke lani kpô pëpe.+

19 Me awato ti mbi akpengba* nga ala yeke ngangu mingi,*

azo so ake mbi senge senge aga mingi.

20 Ala kiri na mbi sioni na place ti nzoni;

ala dö sese na mbi ndali ti so mbi ye gï ti sara ye so ayeke nzoni.

22 Ga hio mo mû maboko na mbi,

Jéhovah, salut ti mbi.+

39 Mbi tene: “Mbi yeke sara hange na tambela ti mbi

si mbi kpe ti sara siokpari na yanga ti mbi.+

Na ngoi kue so zo ti sioni ayeke na terê ti mbi,

mbi yeke sara ye mo bâ mo tene mbi kanga yanga ti mbi+ na bongo.”

 2 Mbi duti kpô, mbi zi yanga pëpe;+

mbi zi yanga pëpe même na ndö ti ye so ayeke nzoni,

me ye ason mbi lani ngangu.

 3 Yâ ti bê ti mbi ayeke tongana wâ;*

na ngoi so mbi gbu li ti mbi,* wâ ni angbâ gï ti gbi.

 4 “Jéhovah, mû maboko na mbi ti hinga wala gigi ti mbi ayeke hunzi tongana nyen,

nga ti hinga lango oke si angbâ na mbi,+

si mbi hinga so gigi ti mbi ayeke ninga pëpe.*

 5 Biani, mo sara si alango so mbi sara ayeke mingi pëpe;+

alango so mbi ngbâ na fini ayeke ye oko pëpe na gbele mo.+

 9 Mbi duti kpô, mbi zi yanga pëpe;

mbi peut ti zi yanga ti mbi pëpe,+

ndali ti so mo la mo sara si ye ni asi.+

12 Jéhovah, mä sambela ti mbi,

mä toto so mbi toto ti hunda mungo maboko.+

Na lê ti mo, mbi yeke gï wande,+

mbeni zo so asara tambela na ayeke hon ti lo hongo,* tongana ti akotara ti mbi kue.+

13 So mo kpengba lê ti mo so, tourné ni yongoro na mbi, si mbi wara ngia

kozoni si mbi hon ti mbi, na mbi yeke dä encore ape.”

40 Mbi zia bê ti mbi kue ti ku* Jéhovah,

na lo dengi mê ti lo,* lo mä toto ti mbi ti wara mungo maboko.+

 2 Lo sigi na mbi na yâ ti dû so a yeke mä bruit ti ye so ayeke toto ngangu dä,

na yâ ti popoto so alï lingo.

Lo zia gere ti mbi na ndö ti kota tênë;

lo sara si gere ti mbi aluti nzoni.

 3 Na pekoni, lo zia fini bia na yanga ti mbi,+

bia ti gonda na Nzapa ti e.

Azo mingi ayeke bâ ye so, bê ti ala ayeke pika,

na ala yeke zia bê ti ala na ndö ti Jéhovah.

 4 Ngia ayeke na zo so azia bê ti lo na ndö ti Jéhovah,

na lo zia bê ti lo pëpe na ndö ti azo ti kpengba-li wala azo ti mvene.

 5 Jéhovah, Nzapa ti mbi,

aye so mo sara ayeke mingi,

akusala ti mo so adö bê nga na abibe ti mo na mbage ti e ayeke mingi.+

Zo oko ti lingbi na mo ayeke dä pëpe;+

tongana mbi gi ti sara tënë ti akusala ti mo nga ti fa peko ni,

mbi peut ti diko ni kue pëpe, ndali ti so a yeke mingi mingi.+

 6 Mo ye* sandaga ti anyama wala ambeni sandaga nde pëpe;+

me mo zi mê ti mbi ti tene mbi mä tënë.+

Jéhovah, tongana ti so mo hinga,

mbi gbanzi terê ti mbi pëpe ti sara tënë.+

12 Aye ti ngangu so angoro mbi ayeke mingi, na zo apeut ti diko ni pëpe;+

afaute ti mbi ahon ndö ti mbi, a sara si mbi lingbi pëpe ti bâ lege so mbi yeke mû;+

a yeke mingi ahon kuä ti li ti mbi,

na bê ti mbi anze kue.

14 Azo kue so agi ti zi fini* ti mbi so,

zia si kamene agbu ala nga a bi nengo ti ala na sese.

Zia si azo so terê ti ala anzere ndali ti ye ti ngangu so awara mbi

azi terê ti ala ala hon na kamene na lê.

16 Me zia si azo so agi mo+

asara ngia nga aduti na ngia ndali ti mo.+

17 Me zo ti mungo maboko na mbi ayeke dä pëpe nga mbi yeke wayere;

zia si Jéhovah abi bê ti lo na mbi.

41 Ngia ayeke na zo so asara nzoni bê na zo ti mawa;+

Jéhovah ayeke sö lo na ngoi ti ye ti vundu.

Azo ti sese ayeke tene so lo yeke na ngia;+

mo yeke zia lo lâ oko pëpe na tïtî awato ti lo si ala sara ye ti bê ti ala na lo.+

 3 Jéhovah ayeke mû na lo ngangu na ndö ti tange ti kobela;+

na ngoi kue so terê ti lo angbâ ti son, mo yeke changé abongo ti gbogbo ti lo.

Lo leke ti tene mbeni tënë so ayeke sara sioni na zo;

na pekoni, lo gue lo kangbi ni na ndo kue.

 7 Azo kue so ake mbi adiko tënë na terê ti mbi na mba na gbe ti go ti ala;

ala mä terê ti sara sioni na mbi, ala tene:

 8 “Mbeni ye so amû kota mbeto na zo awara lo awe;

so lo yeke na sese, lo yeke londo encore ape.”+

 9 Même zo so mbi na lo e yeke na siriri, so mbi zia bê ti mbi na ndö ti lo,+

so ayeke te kobe ti mbi, ayô ndagere ti lo na terê ti mbi.*+

10 Me mo, Jéhovah, sara nzoni bê na mbi na yô mbi na nduzu,

si mbi kiri na ala peko ti ye so ala sara na mbi.

12 Âdu ti mbi, mo yeke gbu mbi na nduzu ndali ti so mbi yeke sara ye lakue mbilimbili;+

mo yeke sara si mbi ngbâ na gbele mo lakue lakue.+

13 Zia si a sepela Jéhovah, Nzapa ti Israël,

lakue lakue nga kpu na kpu.*+

42 Nzapa ti mbi, tongana ti so lekpa asara nzara ti angu so ayeke sua,

mbi kue mbi sara nzara* ti mo mingi.

 3 Bï na lâ, ngu ti lê ti mbi aga kobe ti mbi;

na yâ ti lango ni kue, azo ayeke gi yanga ti mbi, atene: “Nzapa ti mo ni ayeke na ndo wa?”+

 4 Mbi dabe ti mbi na aye so asi giriri, na mbi sigi na atënë ti bê* ti mbi kue,

ndali ti so lani mbi na gbâ ti azo e yeke tambela,

mbi yeke na devant ti ala si e yeke gue yeke yeke na da ti Nzapa;

e yeke dekongo na ngia nga e yeke kiri singila;

ngia ti e ni ayeke ti gbâ ti azo so ayeke sara matanga.+

A yeke nzoni mbi ku Nzapa,+

ndali ti so mbi yeke kiri ande ti sepela lo tongana Kota Sauveur ti mbi.+

Ndani la mbi dabe ti mbi na mo+

na ngoi so mbi yeke na sese ti Jourdain, na ndö ti ahoto ti Hermon,

nga na ndö ti Hoto ti Mitséar.*

 7 Na ngoi so a mä bruit ti achute ti ngu ti mo,

a yeke mo bâ mo tene angu so alï ayeke iri mba.

 8 Na kota lâ, Jéhovah ayeke fa tâ ndoye na mbi;

na bï, bia ti lo ayeke duti na yanga ti mbi: a yeke mbeni sambela so mbi tene na Nzapa so amû na mbi fini.+

10 Awato ti mbi so aye kuâ ti mbi agi yanga ti mbi;

na yâ ti lango ni kue, ala yeke gi yanga ti mbi, atene: “Nzapa ti mo ni ayeke na ndo wa?”+

A yeke nzoni mbi ku Nzapa,+

ndali ti so mbi yeke kiri ande ti sepela lo tongana Kota Sauveur ti mbi.+

43 Nzapa ti mbi, fâ ngbanga ti mbi.+

Gbu koko ti mbi+ na yâ ti ngbanga so atingbi mbi na mbeni mara so ayeke be-ta-zo pëpe.

Zia si ala fa lege na mbi;+

zia si ala gue na mbi na hoto ti mo so ayeke nzoni-kue nga na kota tabernacle ti mo so ayeke pendere.+

 4 Na pekoni, mbi yeke ga na terê ti gbalaka ti Nzapa,+

mbi yeke ga na terê ti Nzapa so asara si mbi duti na kota ngia.

A yeke nzoni mbi ku Nzapa,+

ndali ti so mbi yeke kiri ande ti sepela lo tongana Kota Sauveur ti mbi.+

44 Nzapa ti mbi, e mä na mê ti e wani,

akotara ti e afa peko ni na e,+

aye so mo sara na ngoi ti ala,

na ngoi ti ândö.

 2 A yeke na maboko ti mo la mo tomba amara,+

na mo zia akotara ti e na place ti ala.+

 3 Épée ti ala la amû lege na ala ti mû sese ni pëpe,+

wala maboko ti ala la asara si ala sö benda pëpe.+

Me a yeke maboko ti mo ti koli, tïtî mo+ nga na lumière ti lê ti mo,

ndali ti so sarango ye ti ala anzere na mo.+

 4 Nzapa ti mbi, mo yeke Gbia ti mbi;+

mû yanga ti tene Jacob asö benda* biani biani na ndö ti awato ti lo.

 5 Na lege ti ngangu ti mo, e yeke tomba awato ti e;+

na iri ti mo, e yeke tambela na ndö ti azo so alondo na terê ti e.+

 6 Mbi zia bê ti mbi na ndö ti kokora ti mbi pëpe,

nga épée ti mbi apeut ti sö mbi pëpe.+

 7 Mo la mo sö e lani na tïtî awato ti e,+

mo la mo zia kamene na lê ti azo so ake e.

 8 E yeke sepela Nzapa na yâ ti lango ni kue,

nga e yeke kiri singila na mo lakue ndali ti iri ti mo. (Sélah)

 9 Me fadeso, mo tomba e yongoro na terê ti mo na mo zia kamene na lê ti e;

mo sigi na terê ti aturugu ti e pëpe ti gue na bira.

10 Lakue mo sara si e kpe na devant ti awato ti e;+

azo so ake e agbu aye ti e kue so bê ti ala aye.

11 Mo zia e na maboko ti azo ti tene ala futi e tongana ataba;

mo kangbi yâ ti e na popo ti amara.+

12 Mo kä azo ti mo na buba ngere,+

mo wani mo wara ye oko na pekoni pëpe.*

13 Mo sara si e ga ye ti zonga na lê ti azo so ayeke nduru na e;

azo kue so angoro e ayeke zonga e, nga e ga ye ti hengo ni na lê ti ala.

14 Mo sara si e ga ye ti ngia na popo ti amara,+

mbeni ye so azo ayeke zere ni.

15 Kamene asara mbi na yâ ti lango ni kue,

kamene ahon ndö ti mbi,

16 ndali ti so lakue mbi yeke mä atënë ti ala ti gingo yanga nga na ayanga ti mbana,

ndali ti awato ti e so ayeke kiri na e peko ti ye ti sioni so e sara.

17 Aye so kue asi na e, me e girisa mo pëpe

nga e fâ yâ ti mbele ti mo pëpe.+

18 Bê ti e ague nde pëpe,

nga gere ti e azia lege ti mo pëpe.

19 Me mo neka e na ndo so ambo ti ngonda aduti dä,

mo sara si kota bingo amû ndö ti e.

20 Tongana e girisa iri ti Nzapa ti e,

wala e yôro maboko ti e ti sambela mbeni nzapa ti awande,

21 Nzapa ayeke hinga ni ape?

22 Ndali ti mo, a yeke fâ e na yâ ti lango ni kue;

a bâ e tongana ataba ti fango ni.+

23 Jéhovah, mo londo! Ye ni tongana nyen si mo ngbâ ti lango so?+

Mo zingo! Ngbâ lakue ti tomba e yongoro na mo pëpe.+

25 A bi e* na yâ ti sese;

a pete e na sese.+

 3 Mo wangangu,+ kanga épée ti mo+ na terê ti mo,

na zia si azo abâ kota ti mo nga na gloire ti mo.+

 4 Na yâ ti gloire ti mo, gue mo sö benda;+

monté na ndö ti mbarata, gue mo tiri ndali ti tâ tënë, ndali ti azo so asara terê ti ala kete nga ndali ti mbilimbili;+

maboko ti mo ti koli ayeke sara* ande akpengba ye so apika bê ti zo mingi.

 5 Yanga ti alê ti kokora ti mo aza mingi, a sara si azo ti amara ayeke tï na gbele mo;+

alê ti kokora ni alï bê ti awato ti gbia.+

 6 Nzapa ayeke trône ti mo lakue lakue nga kpu na kpu;+

keke ti komandema ti royaume ti mo ayeke mbeni keke ti komandema ti mbilimbili.*+

 8 Terê ti abongo ti mo kue afun gï yombo ti myrrhe, ti aloès na ti keke ti casse;

terê ti mo anzere ti mä go ti aye ti mozoko so ayeke na kamba so alondo na yâ ti yangbo so a zia pembe ti doli na terê ni ti sara pendere ni.

10 Molenge-wali, dengi mê ti mo, mo mä mbi;

zi bê ti mo na ndö ti azo ti mo nga na azo ti da ti babâ ti mo.

11 Gbia ayeke sara nzara ti pendere ti mo;

so lo yeke seigneur ti mo,

kuku na gbe ti lo.

12 Maseka-wali ti Tyr ayeke ga na matabisi,

akoli so ayeke na mosoro ahon atanga ni kue ayeke gi ande ti nzere na lê ti mo.*

13 Molenge-wali ti gbia ayeke na yâ ti yangbo,* na pendere ti lo ni, mara ni ayeke use pëpe.

A zia lor na terê ti bongo ti lo tongana ye ti baba.

15 A yeke ga na ala, terê ti ala anzere nga ala yeke sara ngia;

ala yeke lï na yâ ti yangbo ti gbia.

46 Nzapa ayeke ndo so e kpe dä ti bata terê ti e nga na ngangu ti e;+

na ngoi ti vundu, a yeke ngangu pëpe ti kpe na mbage ti lo ti tene lo mû maboko na e.+

 2 Ndani la mbeto ayeke sara e pëpe même tongana sese achangé,

wala tongana ahoto atuku alinda na gbe ti ngu-ingo;+

 3 même tongana ngu-ingo ni atoto ngangu nga asara mousse,+

wala même tongana suango ni ayengi ahoto. (Sélah)

 4 Mbeni kota ngu ayeke dä so amaboko ni asara si gbata ti Nzapa ayeke na ngia,+

tabernacle ti Lo so ayeke na nduzu na ndö ti aye kue, kota tabernacle so ayeke pendere nga nzoni-kue.

 6 Amara alondo na wusuwusu, a kinda aroyaume;

lo dekongo, na sese amû wâ aga tongana ngu.+

 7 Jéhovah ti aturugu ayeke na terê ti e;+

Nzapa ti Jacob ayeke nzoni ndo ti batango terê ti e.* (Sélah)

 8 Ala ga abâ akusala so Jéhovah asara,

ala bâ tongana nyen lo sara na ndö ti sese aye so apika bê ti zo.

Lo fâ yâ ti kokora, nga lo fâ yâ ti likongo kete kete;

lo zö apuse ti mbarata ti sarango na bira.*

A yeke gonda kota ti mbi na popo ti amara,+

a yeke gonda kota ti mbi na ndö ti sese.”+

11 Jéhovah ti aturugu ayeke na terê ti e;+

Nzapa ti Jacob ayeke nzoni ndo ti batango terê ti e.+ (Sélah)

 2 Jéhovah, Lo so ayeke na nduzu na ndö ti aye kue, apika bê mingi;+

Lo yeke kota Gbia na ndö ti sese kue.+

 3 Lo zia azo ti amara na gbe ti e,

Lo zia amara na gbe ti gere ti e.+

 4 Lo soro ye so lo ye ti mû na e tongana héritage,+

gloire ti Jacob, so lo ye lo mingi.+ (Sélah)

 5 Nzapa amonté na nduzu na ngoi so azo ayeke dekongo na ngia,

Jéhovah amonté na nduzu na ngoi so a yeke hûru didi.*

 7 Nzapa ayeke Gbia ti sese kue.+

Ala he bia ti sepela na lo, nga ala fa so ala hinga ti bâ yâ ti aye nzoni.

 9 Amokonzi ti azo ti amara abungbi ndo oko

na azo ti Nzapa ti Abraham.

48 Jéhovah ayeke kota nga lo lingbi ti tene a gonda lo ahon tanga ti azo kue

na yâ ti gbata ti Nzapa ti e, na yâ ti hoto ti lo ti nzoni-kue.

 2 Gbata ni ayeke pendere na ndo so ayeke dä na nduzu kâ, na a mû ngia na azo ti sese kue;+

a yeke na ndö ti Hoto ti Sion so ayeke na mbage ti nord kâ,

a yeke gbata ti Kota Gbia.+

 3 Na yâ ti angangu tour ti gbata ni,

Nzapa asara si azo ahinga so lo yeke nzoni ndo so zo alingbi ti kpe dä ti bata terê ti lo.*+

 4 Bâ, agbia abungbi oko,*

ala kue ayeke na lege ti gango ni.

 6 Kâ, terê ti ala adö ngangu;

ye ason ala ngangu tongana ti wali so aye ti dü.

 8 Ye so e mä tënë ni so, fadeso e bâ na lê ti e wani

na yâ ti gbata ti Jéhovah ti aturugu, na yâ ti gbata ti Nzapa ti e.

 9 Na yâ ti temple ti mo,

Nzapa ti e,+ e gbu li na ndö ti tâ ndoye ti mo.

10 Nzapa ti e, tongana ti so iri ti mo asi juska na nda ti sese kue,+

sepela so a mû na mo asi juska na nda ti sese kue.

11 Zia si Hoto ti Sion+ aduti na ngia,

zia si agbata* ti Juda aduti na ngia ndali ti angbanga so mo fâ.+

12 Ala tambela na terê ti Sion, ala ngoro na terê ni kue,

ala diko atour ni.+

Ala bâ nzoni aye ti terê ti angangu tour ni,

si ala lingbi ti fa tënë ni na amolenge so ayeke ga ande na peko ti ala.

Azo ti dunia kue,* ala dengi mê si,

 2 akete zo na akota zo,

azo ti mosoro na awayere.

 3 Tënë ti ndara ayeke sigi na yanga ti mbi,

nga ye so mbi gbu li ti mbi+ dä ayeke fa so mbi hinga ndo.

 4 Mbi yeke dengi mê ti mbi ti mä mbeni proverbe,

mbi yeke fa nda ti parabole ti mbi na ngoi so mbi yeke pika harpe.

 5 Ndani nyen ti tene mbi sara mbeto na angoi ti kpale?+

na ngoi so sioni* ti azo so agi ti kinda mbi angoro mbi?

 6 Azo so azia bê ti ala na ndö ti mosoro ti ala+

nga so apika kate ti ala ndali ti gbâ ti mosoro ti ala,+

 7 zo oko na popo ti ala alingbi même pëpe ti zi ita ti lo zo,

wala ti futa mbeni ye na Nzapa ndali ti lo,+

 8 (teti ye so a hunda ti futa ndali ti fini* ti azo ayeke ngangu mingi

si a yeke hon ti lo ngangu ti ala lakue.)

 9 Lo lingbi pëpe ti futa mbeni ye si ita ti lo angbâ na fini lakue lakue na lo gue na yâ ti dû*+ pëpe.

10 Lo bâ so même azo ti ndara ayeke kui;

azo ti buba nga na azo so ahinga ti gbu li nzoni pëpe ayeke kui legeoko,+

na ala doit ti zia mosoro ti ala na ambeni zo.+

11 Ye so ala ye mingi ayeke ti tene ada ti ala angbâ lakue,

atente ti ala angbâ na yâ ti angoi nde nde kue so ayeke ga.

12 Me atâa a ne mbeni zo tongana nyen, lo yeke ngbâ na fini lakue lakue pëpe;+

lo hon terê pëpe na anyama so ayeke kui.+

13 So ayeke lege ti azo ti buba la,+

nga na ti azo so amû peko ti ala si asenge tënë ti ala anzere na ala. (Sélah)

Kuâ ayeke bâ lege ti ala tongana mbeni berger;

azo ti mbilimbili ayeke komande na ndö ti ala+ na ndapre.

Mbeni ye ti ala oko ayeke ngbâ pëpe;+

ahon ti duti na yâ ti yangbo ti gbia, Dû ti kuâ*+ la ayeke ga da ti ala.+

15 Me Nzapa ayeke zi mbi* na maboko ti Dû ti kuâ,*+

ndali ti so Lo yeke gbu mbi ngangu. (Sélah)

16 Sara mbeto pëpe tongana mbeni zo aga zo ti mosoro,

wala tongana da ti lo aga pendere ahon ti kozo,

17 ndali ti so na ngoi so lo kui, lo yeke mû ye oko ti gue na ni pëpe;+

pendere ti lo ayeke mû peko ti lo pëpe.+

20 Zo so amä yâ ti ye so pëpe, atâa a ne lo tongana nyen,+

lo hon terê pëpe na anyama so ayeke kui.

50 Jéhovah,* Nzapa ti anzapa,+ asara tënë;

lo iri sese ti ga,

a komanse na ndo so lâ asigi dä juska na ndo so lâ alinda dä.*

Mbeni wâ so ayeke gbi ye ayeke na gbele lo,+

na mbeni kota pupu so aga na ngu-nzapa angoro lo kue.+

 4 Lo iri yayu na sese+ ti ga

si lo fâ ngbanga ti azo ti lo;+ lo tene:

 5 “Ala bungbi azo ti mbi so ayeke be-ta-zo ala ga na ala na mbi,

azo so ate mbele na mbi na lege ti mbeni sandaga.”+

 6 Yayu afa tënë ti mbilimbili ti lo,

teti Nzapa wani ayeke Juge.+ (Sélah)

 7 “Ala mä mbi si, ala azo ti mbi, mbi yeke sara tënë;

Israël, mä mbi, mbi yeke fa na mo sioni ti mo.+

 8 Mbi suku na mo pëpe ndali ti asandaga so mo mû

wala ndali ti asandaga ti mo so a zö ni agbi kue, so ayeke na gbele mbi lakue.+

 9 Mbi yeke na bezoin pëpe ti mû mbeni koli-bagara ti da ti mo

wala angasa* so ayeke na yâ ti gbagba so mo leke ndali ti ala.+

10 Anyama ti ngonda kue so ayeke na yâ ti gbako ayeke ti mbi,+

même anyama so ayeke na ndö ti ahoto saki oko.

11 Mbi hinga andeke kue ti ahoto;+

gbâ ti anyama ti ngonda so zo alingbi ti diko wungo ni pëpe ayeke ti mbi.

12 Tongana nzara asara mbi, mbi yeke tene nga na mo pëpe,

ndali ti so sese so kobe ayeke sigi dä nga na ye kue so ayeke na yâ ni ayeke ti mbi.+

13 Mbi yeke te nyama ti akoli-bagara?

Mbi yeke nyon mênë ti angasa?+

14 Mû singila na Nzapa tongana sandaga,+

nga sara ye alingbi na azendo so mo mû na Lo so ayeke na nduzu na ndö ti aye kue;+

15 Iri mbi na ngoi ti vundu.+

“Zo wa la amû na mo droit ti fa andia ti mbi+

wala ti sara tënë ti mbele ti mbi?+

17 Mo ke ti tene a fa lege na mo,*

nga mo ngbâ ti tourné peko na atënë ti mbi.*+

18 Tongana mo bâ zo ti nzi, mo yeda na ye so lo sara;+

nga mo ngbâ ti sara kamarade na azo so agi wali wala koli nde.

19 Na yanga ti mo, mo yeke kangbi asioni tënë;

tënë ti handa agbu yanga ti mo ngangu.+

20 Mo duti, mo diko tënë na terê ti ita ti mo wani,+

mo sigi na afaute ti* molenge ti mama ti mo.

21 Na ngoi so mo sara aye so, mbi zi yanga pëpe,

tongaso mo pensé so mbi yeke ga tongana mo.

Me fadeso, mbi yeke suku na mo,

na mbi yeke fa atënë so mbi yeke na ni na terê ti mo.+

22 Ala so agirisa Nzapa,+ pardon, ala gbu li ti ala na ndö ti tënë so,

si mbi suru yâ ti ala kete kete pëpe, na zo oko ti sö ala ayeke dä pëpe.

23 Zo so amû singila tongana sandaga amû gloire na mbi;+

ti zo so angbâ gï na ndö ti oko lege,

mbi yeke sara si lo bâ salut so alondo na Nzapa.”+

 2 Sukula mbi nzoni si faute so mbi sara ahon,+

sara si mbi vuru na peko ti siokpari so mbi sara.+

 3 Mbi hinga nzoni mingi akengo ndia ti mbi,

na siokpari ti mbi ayeke lakue na gbele mbi.*+

Tongaso, mo yeke mbilimbili na ngoi so mo yeke sara tënë,

mo yeke na raison na yâ ti ngbanga so mo fâ.+

 5 Bâ, na ngoi so a dü mbi, tënë ayeke na li ti mbi awe,

na mama ti mbi amû ngo ti mbi na yâ ti siokpari.*+

 6 Mo yeke na ngia ti bâ tâ tënë so ayeke na bê ti zo;+

fa na bê ti mbi tâ ndara.

 7 Mû hysope mo zi na siokpari ti mbi si mbi ga nzoni;+

sukula mbi, si mbi vuru ahon neige.+

 8 Sara si mbi mä go ti azo so terê ti ala anzere na so ayeke sara ngia,

tongaso si abio ti mbi so mo fâ yâ ni kete kete aduti na ngia.+

 9 Bi lê ti mo yongoro* na asiokpari ti mbi,+

na zi* asiokpari ti mbi kue.+

10 Nzapa ti mbi, sara si mbi wara mbeni bê so avuru,+

nga mbeni fini bibe+ so ayeke sara si mbi luti ngangu.

11 Tomba mbi yongoro na terê ti mo pëpe;

nga zi yingo vulu ti mo na ndö ti mbi pëpe.

12 Sara si mbi kiri mbi wara ngia so mbi yeke na ni lani na ngoi so mo sö mbi;+

zia na yâ ti mbi nzara ti duti nduru ti mä yanga ti mo.*

13 Mbi yeke fa lege ti mo na azo ti kengo ndia,+

si azo so asara siokpari akiri na mo.

14 Nzapa ti mbi, Nzapa ti salut ti mbi,+ zi ngbanga ti mênë na li ti mbi,+

si yanga ti mbi afa tënë ti mbilimbili ti mo na ngia.+

15 Jéhovah, zi yanga ti mbi,

si yanga ti mbi asepela mo.+

16 Mo ye sandaga pëpe. Tongana fade mo ye ni, ka mbi mû ni na mo;+

me sandaga so a zö ni agbi kue anzere na mo pëpe.+

17 Asandaga so anzere na Nzapa ayeke bê so ayeke na vundu;

bê so ayeke na vundu nga so anze kue, Nzapa ti mbi, mo yeke ke ni pëpe.*+

18 Na lege ti nzoni bê ti mo, sara ye ti nzoni ndali ti Sion;

leke agbagba ti Jérusalem.

19 Tongaso, mo yeke wara ngia na asandaga ti mbilimbili,

asandaga so a zö ni agbi kue nga na asandaga so a yeke mû ni kue;

na a yeke yâa ande akoli-bagara na sandaga na ndö ti gbalaka ti mo.+

 2 Yanga ti mo, so aza tongana lame,+

aleke ti sara sioni na zo nga asara ye na handa.+

 3 Mo ye sioni ahon nzoni,

mo ye tenengo mvene ahon tenengo tâ tënë. (Sélah)

 4 Tënë kue so asara sioni na zo, mo ye ni,

mo, yanga so mo yeke tene tënë ti handa!

 5 Ndani la Nzapa ayeke kinda mo biani biani;+

lo yeke gbu mo na ngangu na yâ ti tente ti mo, lo sigi na mo,+

lo yeke zi mo na popo ti azo so ayeke na fini.+ (Sélah)

 6 Azo ti mbilimbili ayeke bâ ni, na bê ti ala ayeke pika,+

na ala yeke he zo ni,+ ala tene:

 7 “Bâ, so ayeke zo so ake ti tene Nzapa aga ndo ti batango terê ti lo,*+

me lo zia bê ti lo na ndö ti gbâ ti mosoro ti lo+

nga na ndö ti* aye ti sioni so lo leke ti sara.”*

 8 Me mbi, mbi yeke duti ande tongana keke ti olive so akugbe ni adü pendere na yâ ti da ti Nzapa;

mbi zia bê ti mbi na ndö ti tâ ndoye ti Nzapa+ lakue lakue nga kpu na kpu.

 9 Mbi yeke sepela mo lakue lakue ndali ti so mo sara mbeni ye;+

na lê ti azo ti mo so ayeke be-ta-zo,

mbi yeke fa so mbi zia bê ti mbi na ndö ti iri ti mo,+ ndali ti so a yeke nzoni.

Asarango ye ti ala so ayeke mbilimbili pëpe abuba awe nga ayeke sioni mingi;

zo oko ti sara nzoni ye ayeke dä pëpe.+

 2 Me Nzapa angbâ na yayu kâ lo bâ amolenge ti azo+

ti bâ wala mbeni zo ahinga ti bâ yâ ti aye nzoni, wala mbeni zo ayeke gi Jéhovah.+

 3 Ala kue amû mbeni lege nde,

sarango ye ti ala kue aga sioni awe;

zo oko ti sara nzoni ye ayeke dä pëpe,

même zo oko tongaso ayeke dä pëpe.+

 5 Me mbeto ayeke gbu ala ngangu,

mara ti mbeto so ade ti gbu ala pëpe;*

ndali ti so azo so atiri na mo,* Nzapa ayeke kangbi yâ ti abio ti ala kirikiri.

Na ngoi so Jéhovah akiri abungbi azo ti lo so a gue na ala na ngbâa,

zia si Jacob aduti na ngia, nga zia si Israël asara ngia.

54 Nzapa, sö mbi na lege ti iri ti mo;+

gbu koko ti mbi+ na lege ti ngangu ti mo.

 2 Nzapa, mä sambela ti mbi;+

dengi mê, mo mä tënë ti yanga ti mbi.

 3 Awande alondo na terê ti mbi,

azo so abâ mawa ti zo pëpe agi ti mû fini* ti mbi.+

 4 Bâ, Nzapa la ayeke mû maboko na mbi;+

Jéhovah ayeke na azo so amû maboko na mbi.*

 5 Lo yeke kiri na sioni ti awato ti mbi+ na li ti ala wani;

so mo yeke be-ta-zo, mo futi ala.*+

 7 Lo sö mbi na yâ ti aye ti vundu kue,+

na mbi yeke bâ tingo ti awato ti mbi.+

55 Nzapa, mä sambela ti mbi;+

sara sanka pëpe na ngoi so mbi hunda mo ti sara nzoni bê na mbi.*+

Gingo bê ti mbi asara si mbi duti gbä,+

nga li ti mbi ayeke kpô pëpe

 3 ndali ti tënë so awato ti mbi ayeke tene

nga na ngangu so zo ti sioni ayeke sara na ndö ti mbi.

Ala ga na gbâ ti akpale na mbi,

nga na ngonzo, ala ngbâ ti bata mbi na bê ti ala.+

 4 Bê ti mbi ayeke na vundu mingi na yâ ti mbi+ kâ,

nga mbeto ti kuâ ahon ndö ti mbi.+

 5 Mbeto asara mbi, terê ti mbi ayeke dö,

terê ti mbi ayeke dö ngangu mingi.

 8 Ka mbi kpe hio na mbeni ndo ti bata terê ti mbi

yongoro na pupu so aya ngangu, yongoro na kota pupu ti ngu.”

 9 Jéhovah, bi tomboka na li ti ala, buba yâ ti aye so ala leke ti sara,*+

ndali ti so mbi bâ sarango ye ti ngangu na zo nga na tiri na yâ ti gbata ni.

10 Bï na lâ ala ngoro na li ti agbagba ni;

sarango mbana na zo nga na kpale ayeke na yâ ni.+

11 Bubango ye ayeke na yâ ni;

sarango ye ti ngangu na zo na handango zo angbâ ngbango na ndo so azo ayeke gue ka dä mingi.+

12 A yeke pëpe mbeni wato la agi yanga ti mbi;+

tongana a yeke tongaso, ka mbi kanga bê ti mbi.

A yeke pëpe mbeni zo so ake mbi la alondo na terê ti mbi;

tongana a yeke tongaso, ka mbi honde terê ti mbi si lo bâ mbi pëpe.

13 Me a yeke mo, mbeni zo tongana mbi,*+

mo kamarade ti mbi wani so mbi hinga mo nzoni.+

14 Mbi na mo e yeke lani akota kamarade;

mbi na mo e yeke tambela lani ti gue na da ti Nzapa, e na gbâ ti azo.

Zia si ala gue na Dû ti kuâ* na fini lê ti ala;

ndali ti so sioni ye ayeke na popo ti ala nga na yâ ti bê ti ala.

16 Ti mbi, mbi yeke iri ndo na Jéhovah Nzapa,

na lo yeke sö mbi.+

17 Na lakui, na ndapre nga na midi, mbi gi bê ti mbi na mbi yeke dema,*+

na lo mä go ti mbi.+

18 Lo yeke sö* mbi na maboko ti azo so ayeke tiri na mbi, na lo mû siriri na mbi,*

ndali ti so gbâ ti azo la si alondo na terê ti mbi.+

19 Nzapa ayeke mä mbi, na lo yeke londo na terê ti ala,+

Lo so aduti na ndö ti trône ngbene ye giriri.+ (Sélah)

Azo so akpe Nzapa pëpe,+

ala yeke ke ti changé.

20 Lo* londo na terê ti azo so lo na ala ayeke na siriri;+

lo sara ye alingbi na mbele ti lo pëpe.+

21 Atënë ti yanga ti lo awoko ahon beurre,+

me bê ti lo ayeke gï na ndö ti tiri.

Atënë ti yanga ti lo awoko zo ahon mafuta,

me ala yeke tongana a-épée so a gboto ni na yâ ti bozo ni awe.+

22 Aye so ane mo, mo bi ni na ndö ti Jéhovah,+

na lo yeke mû ngangu na mo.+

 2 Na yâ ti lango ni kue, awato ti mbi agi ti te mbi na pembe ti ala,

baba apusu gbâ ti ala ti tiri na mbi.

 4 Mbi zia bê ti mbi na ndö ti Nzapa, lo so mbi gonda tënë ti lo,

mbi zia bê ti mbi na ndö ti Nzapa, mbeto asara mbi pëpe.

 5 Na yâ ti lango ni kue, ala gi ti ga na kpale na mbi;

oko ye so agbu bê ti ala ayeke ti sara sioni na mbi.+

 6 Ala honde terê ti ala ti sara sioni na mbi,

ala gi ti bâ alege kue so mbi yeke mû,+

si ala lingbi ti zi fini* ti mbi.+

10 Mbi zia bê ti mbi na ndö ti Nzapa, lo so mbi gonda tënë ti lo,

mbi zia bê ti mbi na ndö ti Jéhovah, lo so mbi gonda tënë ti lo.

11 Mbi zia bê ti mbi na ndö ti Nzapa, mbeto asara mbi pëpe.+

12 Nzapa, mbi doit gï ti sara ye alingbi na azendo so mbi mû na mo;+

mbi yeke mû na mo asandaga ti mungo singila.+

13 Mo zi mbi* na lê ti kuâ+

nga mo bata gere ti mbi si mbi tï pëpe,+

si mbi tambela na gbele Nzapa, na yâ ti lumière ti azo so ayeke na fini.+

57 Sara nzoni bê na mbi, Nzapa, sara nzoni bê na mbi,

ndali ti so mbi kpe* na mbage ti mo ti bata terê ti mbi;+

mbi kpe mbi gue na gbe ti akpangbi ti mo ti bata terê ti mbi juska ye ti ngangu ahon kue si.+

 2 Mbi iri ndo na Nzapa, Lo so ayeke na nduzu na ndö ti aye kue,

mbi iri ndo na tâ Nzapa so, ndali ti mbi, lo sara si aye ti ngangu so ahunzi.

 4 Abamara+ angoro mbi* kue;

A lingbi mbi lango na popo ti azo so aye ti futi mbi,

ala so pembe ti ala ayeke likongo na lê ti kokora,

nga yanga ti ala ayeke épée so yanga ni aza.+

 5 Nzapa, zia si a yâa mo na nduzu ahon yayu;

zia si gloire ti mo aduti na nduzu na ndö ti sese kue.+

 6 Awato ti mbi aleke gbanda ti gbu gere ti mbi;+

mbi ba* bango ndali ti vundu so ahon ndö ti mbi.+

Ala zi dû na devant ti mbi;

me ala wani atï na yâ ni.+ (Sélah)

 7 Nzapa, bê ti mbi ayengi pëpe,+

bê ti mbi ayengi pëpe.

 9 Jéhovah, mbi yeke sepela mo na popo ti azo ti amara;+

mbi yeke he bia ti sepela* mo na popo ti amara,+

10 ndali ti so tâ ndoye ti mo ayeke kota, a yeke na nduzu mingi tongana yayu,+

nga aye so afa so mo yeke be-ta-zo ague juska andu lê ti nduzu.

11 Nzapa, zia si a yâa mo na nduzu ahon yayu;

zia si gloire ti mo aduti na nduzu na ndö ti sese kue.+

 2 Ala leke na bê ti ala ti sara ye so ayeke mbilimbili pëpe,+

nga maboko ti ala asara ye ti ngangu na zo na yâ ti kodro ni.+

 3 Ngbene ye so a dü azo ti sioni,* ala gue yongoro,*

ala sara ye kirikiri nga ala yeke azo ti mvene ngbene ye so a dü ala.

 4 Ngu ti yanga ti ala ayeke tongana ngu ti yanga ti angbo;+

mê ti ala akanga tongana ti cobra so akanga mê ti lo,

 5 lo ke ti mä go ti azo ti handango angbo,

atâa ala yeke na kode mingi.

 8 Zia si ala ga tongana escargot so azia dongo ti lo na sese na ngoi so lo yeke hon juska lo kui,

nga tongana molenge so a dü lo na kuâ ni so, lâ oko pëpe, lo bâ lâ.

 9 Kozo si keke ti sisi asara si atawa ti ala achauffé,

lo yeke hon na kete keke so angbâ fini nga na ti so ayeke gbi, tongana ti so kota pupu ahon na ye.+

10 Zo ti mbilimbili ayeke duti na ngia ndali ti so lo bâ so a kiri na azo peko ti ye ti sioni so ala sara.+

Mênë ti azo ti sioni ayeke mû terê ti gere ti lo kue.+

59 Nzapa ti mbi, zi mbi na tïtî awato ti mbi;+

bata mbi si azo so alondo na terê ti mbi asara sioni na mbi pëpe.+

 2 Zi mbi na tïtî azo so asara aye ti sioni,

na sö mbi na tïtî azo so asara ye ti ngangu na zo.*

 3 Bâ! Ala honde terê ti ala ti ku mbi;+

Jéhovah, azo ti ngangu aga ti tiri na mbi,

me a yeke pëpe ndali ti so mbi sara kpengba-li wala mbi sara siokpari.+

 7 Bâ mara ti atënë so ayeke sigi gbani gbani na yanga ti ala so!

Yanga ti ala ayeke tongana épée,+

teti ala tene: “Zo wa la ayeke mä?”+

 8 Me mo, Jéhovah, mo yeke he ala;+

mo yeke he amara kue na ngia.+

 9 Mo so mo yeke Ngangu ti mbi, lê ti mbi ayeke gï na lege ti ku mo;+

teti mo Nzapa, mo yeke nzoni ndo so mbi yeke bata terê ti mbi dä.*+

10 Nzapa so afa tâ ndoye na mbi ayeke ga ti mû maboko na mbi;+

Nzapa ayeke sara si mbi bâ tingo ti awato ti mbi.+

Na ngangu ti mo, sara si ala fono gï tongaso;

Jéhovah, vala ti e,+ sara si ala tï.

12 Ndali ti siokpari ti yanga ti ala, tënë ti yanga ti ala,

zia si baba ti ala agbu ala tongana kûkû,+

ndali ti so ala zonga ndo nga ala handa azo na tënë ti yanga ti ala.

13 Hunzi ala kue na lê ti ngonzo ti mo;+

hunzi ala kue, si mbeni oko angbâ pëpe;

sara si ala hinga so Nzapa la ayeke komande na ndö ti Jacob nga juska na nda ti sese.+ (Sélah)

14 Zia si ala kiri aga na lakui;

zia si ala suku* tongana ambo, na ala fono na yâ ti gbata ni ti gi ye.+

15 Zia si ala fono gï tongaso ti gi mbeni ye ti te;+

zia si ala wara ye alingbi na nzara ti ala pëpe wala ala wara ndo ti lango dä pëpe.

16 Me ti mbi, mbi yeke he bia ti gonda ngangu ti mo;+

na ndapre, mbi yeke sara tënë ti tâ ndoye ti mo na ngia na bê,

ndali ti so mo yeke nzoni ndo so mbi yeke bata terê ti mbi dä,+

nga ndo so mbi kpe dä na ngoi ti vundu ti mbi.+

17 Mo so mo yeke Ngangu ti mbi, mbi yeke he bia ti sepela mo,*+

teti mo Nzapa, mo yeke nzoni ndo so mbi yeke bata terê ti mbi dä, Nzapa so afa tâ ndoye na mbi.+

 4 Fa mbeni ye ti tene azo so akpe mbeto ti mo abâ ni

si ala kpe si lê ti kokora awara ala pëpe. (Sélah)

 5 Sö e na maboko ti mo ti koli nga mo kiri tënë na e

si a zi e azo so mo ye ala.+

“Mbi yeke dekongo na ngia, mbi yeke mû Sichem na azo tongana héritage;+

nga mbi yeke mû mesure ti Popo-hoto* ti Succoth.+

 7 Galaad ayeke ti mbi, tongana ti so Manassé ayeke ti mbi,+

nga Éphraïm ayeke casque* ndali ti li ti mbi;

Juda ayeke keke ti mbi ti komandema.+

10 A yeke pëpe mo Nzapa, so mo ke e?

Nzapa ti e, so mo sigi na terê ti aturugu ti e encore ape ti gue na bira.+

11 Mû maboko na e na yâ ti vundu ti e,

ndali ti so salut so alondo na azo ayeke ye oko pëpe.+

12 Nzapa ayeke sara si e wara ngangu,+

nga lo yeke tambela na ndö ti awato ti e.+

 2 Kâ na nda ti sese, mbi yeke dekongo na mo

na ngoi so bê ti mbi ayeke na kota vundu.*+

 3 ndali ti so mo yeke ndo so mbi kpe dä ti bata terê ti mbi,

ngangu tour so ayeke bata mbi si wato asara sioni na mbi pëpe.+

 4 Mbi yeke duti gene na yâ ti tente ti mo lakue lakue;+

mbi yeke honde terê ti mbi na gbe ti akpangbi ti mo.+ (Sélah)

 6 Mo yeke zia ambeni lango na ndö ti alango ti fini ti gbia,+

nga ngu ti lo ayeke duti gbani alingbi na ti azo ti angoi nde nde so ayeke ga.

 7 Lo yeke ngbâ na ndö ti trône* lakue lakue na gbele Nzapa;+

mû na lo tâ ndoye nga duti be-ta-zo na lo, si aye ni so abata lo.+

 8 Na pekoni, mbi yeke he bia ti sepela* iri ti mo lakue lakue,+

na ngoi so, lâ oko oko, mbi yeke sara ye alingbi na azendo so mbi mû.+

 2 Biani, lo yeke kota tênë ti mbi, salut ti mbi nga nzoni ndo so mbi yeke bata terê ti mbi dä;*+

ye ayeke yengi mbi ahon ndö ni lâ oko pëpe.+

4 Ala mä terê ti sara si mbeni zo alondo na kota ndo ti lo lo tï;*

a nzere na ala ti tene mvene.

 5 Biani, mbi yeke ku Nzapa sân ti zi yanga,*+

ndali ti so beku ti mbi alondo na lo.+

 6 Biani, lo yeke kota tênë ti mbi, salut ti mbi nga nzoni ndo so mbi yeke bata terê ti mbi dä;

ye ayeke yengi mbi lâ oko pëpe.+

 9 Amolenge ti azo ayeke gï mbeni senge pupu so zo ayeke wu.

Amolenge ti azo ayeke gï ye ti handango zo senge.+

10 Ala zia bê ti ala pëpe na ndö ti mungo ye ti azo na likisi,

nga ala handa terê ti ala pëpe ti zia bê ti ala na ndö ti nzi.

12 Nga, tâ ndoye ayeke ti mo, Jéhovah,+

teti mo yeke futa zo oko oko alingbi na akusala ti lo.+

Mbi fatigué na nzara ti mo,+

na ngoi so mbi yeke na yâ ti mbeni kuru sese so ahule kue si ngu ayeke dä pëpe.+

 2 Ni la mbi bâ mo na yâ ti ndo so ayeke nzoni-kue;

mbi bâ ngangu ti mo nga na gloire ti mo.+

 3 So tâ ndoye ti mo ayeke nzoni ahon fini,+

mbi yeke gonda mo na yanga ti mbi.+

 4 Tongaso mbi yeke sepela mo na yâ ti gigi ti mbi kue;

na iri ti mo, mbi yeke yâa maboko ti mbi na nduzu.

 5 Yâ ti mbi asi na anzoni ye so mo mû na mbi,* so mara ni ayeke use pëpe;

tongaso mbi yeke sepela mo na ngia na yanga ti mbi.+

 6 Mbi dabe ti mbi na mo na ngoi so mbi yeke na ndö ti gbogbo ti mbi,

mbi gbu li ti mbi na ndö ti mo na al’heure ti bï ni kue,+

 7 ndali ti so mo yeke zo ti mungo maboko na mbi;+

nga mbi dekongo na ngia na gbe ti akpangbi ti mo.+

 8 Mbi hule* na terê ti mo;

maboko ti mo ti koli agbu mbi ngangu.+

 9 Me azo so agi ti futi fini ti mbi,*

ala yeke descend kâ na gbe ti sese.

10 A yeke zia ala ti tene épée afâ ala;

ala yeke ga kobe ti ambo ti ngonda.*

Azo kue so adeba na iri ti Lo ayeke dekongo na ngia,*

ndali ti so a yeke kanga yanga ti azo so atene mvene.

 2 Bata mbi si asioni ye so azo ti sioni amä terê na hondengo ni ti sara na mbi so awara mbi pëpe,+

bata mbi si gbâ ti asioni zo so abungbi asara sioni na mbi pëpe.

 3 Ala sara si yanga ti ala aza tongana épée;

ala leke asioni tënë ti ala ti tokua ni tongana alê ti kokora.

 4 Ala honde terê ti ala ti pika alê ti kokora ni na terê ti zo so tënë ayeke na li ti lo pëpe;

hio tongaso, ala tokua ni na terê ti lo sân mbeto.

 5 Ala ngbâ gï na ye ti sioni so ala ye ti sara;*

ala pika patara ti bâ tongana nyen ti honde akûkû ti ala.

 6 Ala gi afini kode ti sarango sioni;

na hondengo ni, ala mä terê ti sara ye ti sioni.+

Apensé so ayeke na bê ti ala, zo agi li ti lo na ni gbä.

 7 Me Nzapa ayeke pika ala na alê ti kokora;+

hio tongaso, mbeni lê ti kokora ayeke zia kä na terê ti ala.

 8 Yanga ti ala wani ayeke sara si ala tï;+

azo so kue so abâ ni ayeke yengi li ti ala.

 9 Na pekoni, mbeto ayeke sara azo kue;

ala yeke fa tënë ti ye so Nzapa asara,

na ala yeke hinga nda ti akusala ti lo.+

10 Zo ti mbilimbili ayeke duti na ngia ndali ti Jéhovah, nga lo yeke kpe na mbage ti lo ti bata terê ti lo;+

azo kue so bê ti ala ayeke mbilimbili ayeke dekongo na ngia.*

65 Nzapa, sepela ayeke ku mo na Sion;+

e yeke sara ye alingbi na azendo so e mû na mo.+

 3 Afaute ti mbi ahon ndö ti mbi awe,+

me mo pardonné akengo ndia ti e.+

 4 Ngia ayeke na zo so mo soro lo nga mo sara si lo ga

lo duti na lê ti alacour ti mo.+

Anzoni ye so e yeke wara na da ti mo,+

na temple ti mo so ayeke nzoni-kue,*+ alingbi na e.

 5 Nzapa ti salut ti e,

mo yeke kiri tënë na e na lege ti akusala ti mbilimbili so apika bê ti zo;+

mo la azo so ayeke juska na nda ti sese kue+ azia bê ti ala na ndö ti mo

nga azo so ayeke kâ na mbage ti ngu-ingo azia bê ti ala na ndö ti mo.

 6 Na lege ti ngangu ti mo,* mo sara si gere ti ahoto agbu sese ngangu;

mo* yü ngangu tongana bongo.+