Abungbi ti Kusala ti Janvier

KETE TENE: Fade Kusala ti Royaume ayeke duti ande na programme ti bungbi ti kusala teti yenga oko oko na yâ ti nze so. Fade akongrégation ayeke ga na gbiango ye so alingbi na ni na hingango so ala yeke gue na assemblée ti district “Awasalango Ye Alingbi na Tene ti Nzapa” nga so ala yeke sala ande na bungbi ti kusala ti yenga ti peko, mbeni dango bê ti penze-ngbonga 30 ti akota tene ti programme ni. A yeke mu dango bê ti lango oko oko kozoni na aita-koli use wala ota so ayeke fa na gigi akota tene ni. Tongana a leke ni nzoni, a yeke mu maboko na azo ti kongrégation ti dabe ala na akota tene ni, tongaso si ala bata ti sala na ye na yâ fini ti ala nga ti sala na kusala na fango tene. Fade atene ti aita na atapande so afa aduti ndulu na polele.

Yenga ti 1 janvier

Bia 7

pn 12: Akete tene. Atokua ti Kusala ti Royaume so alingbi. Sala tene ti kusala ti nze ti avril so a sala na yâ kodoro ni, nga na ti kongrégation.

pn 15: “E ‘Tiri Nzo Bira ti Mabe.’” A lingbi a sala akozo tene ni asi penze-ngbonga oko pepe, na pekoni lisoro na lege ti ahundango na akiringo tene. Yôro na yâ ni abibe ti buku Notre ministère, al. 44-5, so adabe na kusala ti azo so amu li ni na yâ ti mandango buku na ndo lekengo kusala ti fango tene ti a-centre ti ala na ti bingo bê na ndo azo so a lingbi awara maboko ti mu mbage na kusala ni wala ti mu rapport ti kusala ti ala lakue.

pn 18: “A Lingbi Asala Ye Kue ti Kpengba Zo.” A-ancien use asala lisoro na ndo ti article ni. Ala diko aparagraphe kue nga na aversê so afa na yâ ni. Ala sigigi na akpengba-ndia so ayeke na yâ ni. Ala luti mingi na ndo nene ti sala ye na ndara na ndo atene ti dengo buze na ti ziango nginza na yâ ti mbeni dengo buze. I kiri i ba awango so ayeke na yâ ti Tour ti Ba Ndo ti kozo lango ti avril 1997, al. 15, 19.

Bia 15 na sambela ti nda ni.

Yenga ti 8 janvier

Bia 23

pn 15: Akete tene. Tondo na ndo ti tene ti acompte. Na lege ti ndulu tene, fa tongana nyen ti sala kusala na brochure Iri ti Nzapa ti mu maboko na mbeni zo so ayeke ndulu ti mä tene ti gbu nda ti nene ti hinga na ti di iri ti Nzapa.​—Ba Comment raisonner, al. 200-1.

pn 10: “Kota Bungbi ti Circonscription: Fini Programme Ni.” Na lege ti ahundango na akiringo tene. Fa alango ti kota bungbi ti circonscription ti peko na wa zo oko oko ti ga na alango use ni. Wa azo so aga ti sala ngangu mingi ti tisa awamandango Bible. Gango ti ala na kota bungbi ni alingbi ti mu na ala nzala hio ti bungbi lakue na kongrégation.

pn 20: E lingbi ti mu tapande ti zo wa? Mbeni babâ amanda ye na sewa na mbeni oko wala use ti amolenge ti lo so ade pendere. Ade ti ninga pepe lo ba so mingi ni alisoro ti ala ayeke ngoro na tele ti awalombe ti wanguru, ti limo, ti televizion na ti mozoko. Bê ti lo agi lo teti kota bingo bê, so ayeke mbeni fä ti bibe ti sese. Ala sala lisoro na ndo article ti Réveillez-vous! ti 22 mai 1998, al. 12-14. Amolenge ni agbu nda ti sioni so alingbi ti si na yekiango awalombe tongaso na ala yeda so ti sala si iri ti zo awu aga na ye oko pepe na aChrétien. Ala sala lisoro na ndo nzoni ti manda ababâ na mama, a-ancien wala ambeni zo so ayeke anzoni tapande ti kongrégation, nga mbilimbili Jésus Christ.

Bia 34 na sambela ti nda ni.

Yenga ti 15 janvier

Bia 45

pn 5: Akete tene.

pn 15: E fa tele ti e tongana awakua ti Nzapa. Aserviteur ti mungo maboko use asala lisoro na ndo ti awango so Bible amu na yâ ti Tour ti Ba Ndo ti kozo lango ti janvier 1999, al. 14, 15. Ala hinga nene ti sala kusala ti ala nzoni na ala gi ti ba tongana nyen ala lingbi ti sala ye alingbi na awango so na yâ ti akusala so a mu na ala. Ala sala tene ti nene ti mu pendere tapande na yâ fango tene na ala ba tongana nyen ti sala kusala maboko na maboko nzoni ahon na a-ancien na yâ mungo maboko na awafango tene oko oko. Ala yeke na nzala ti sala ngangu ti ala kue ti mu maboko na kongrégation ti bata na li nene ti ngoi so na ti maï na lege ti yingo.

pn 10: Fango tene na lege ti tokuango mbeti na azo so a wara ala pepe na ndo ti ala. Diskur na lisoro na azo so abungbi ti mä tene. A yeke ngangu mingi ahon ti wara azo na da ti ala; ye oko, ambeni wafango tene awara nzoni ye ti pekoni na lege ti sungo mbeti. Zia e ba ambeni wango so ge: a lingbi a sû ambeti ni ndulu, aluti na ndo ti Bible nga ayekia zo ni. E tokua pepe ambeti so iri ti e ayeke na ndo ni pepe. E sû ambeti ni na maboko wala e pika ni na masini nzoni nga polele. E fa adresse ti Da ti Royaume nga na angbonga ti abungbi ni, na e tisa azo ni ti ga dä. E zia lâ oko pepe adresse ti Société tongana adresse ti zo so atokua mbeti ni. I kiri i ba awango so ayeke na yâ ti Manuel pour l’École, al. 86-7, na ti Kusala ti Royaume ti mai 1997, Akiringo Tene na Ahundango Tene ti I.

pn 15: E sala kusala na akozo tene so alë lengo. I soro akozo tene use wala ota ti brochure Lege ti To Nda Na ti Ngbâ ti Sala Alisoro na ndo Bible, al. 2-7, na i sala lisoro na ndo ti nzoni kusala so ala sala na yâ ti territoire ti kongrégation. Hunda na azo so aga: “I yeke sala kusala na akozo tene wa ti sala lisoro na mbeni zo na ndo ti lege, na ngoi kue so azi wala na yâ mbeni mbage nde ti kusala?” Tongana ngoi ayeke dä, leke démonstration oko wala use.

Bia 54 na sambela ti nda ni.

Yenga ti 22 janvier

Bia 66

pn 15: Akete tene. Tisa azo so aga ti sala tene na ndo ti aye so asi na ala na nze ni so na ngoi ti kangbingo ambeti.

pn 12: Aye so atia kongrégation.

pn 18: “Mo Ba Be-nze-pepe ti Jéhovah na Nene Ni?” Na lege ti ahundango na akiringo tene. Yôro abibe so alingbi na ndo be-nze-pepe ti Jéhovah.​—Ba Étude perspicace, vol. 2, al. 499-500.

Bia 75 na sambela ti nda ni.

Yenga ti 29 janvier

Bia 88

pn 10: Akete tene. Dabe ti awafango tene ti mu rapport ti kusala ti fango tene ti ala ti janvier.

pn 17: “Mo Yeke Zo ti Kamela?” Na lege ti ahundango na akiringo tene. Fa peko ti mbeni ye so asi so akpengba zo, na yâ ti Annuaire 1997, al. 43-4.

pn 18: I leke aye ti sala teti kekereke na lege ti ndara. Diskur so mbeni ancien asala. Apendere aye ti wara mbeni kekereke so ayeke na ngia na tele ti azo so ala ndoye ala. Tongana ala ye ti tene nzala so adü azo na ni aga tâ ye, a lingbi ala sala ye alingbi na awango so Nzapa amu. (aProv. 19:20) Nzala ti tele na popo ti koli na wali ayeke ngangu na popo ti apendere. Tongana akanga nzala ni pepe, aye ti pekoni ayeke sioni mingi. E lingbi ti hunda tele ti e na ndo ndara ti apendere so asala kamarade na mbeni zo nde, so asala nzala ti lo na ato nda ti sigigi na lo. I kiri i ba agbotongo mê ti buku Les jeunes s’interrogent, al. 231-5. Fa peko ti akpengba tene ti Tour ti Ba Ndo ti kozo lango ti décembre 1999, al. 14-19, so afa nene ti yö kungba kue na mbage ti Nzapa na lâ ti pendere. Wa apendere ti gbu li ti ala na ndo ti awango so na ti sala lisoro na ababâ na mama ti ala na ndo ti ahundango tene ti ala.

Bia 101 na sambela ti nda ni.