Ye so apusu e ti ndoye sewa ti aita ti e kue
Na yâ sese ti laso, so ndoye ayeke dä pëpe, e lingbi ti sala tongana nyen ti tene ndoye so e yeke na ni teti aita ti e ti yingo angbâ lakue ti za ngangu? (1 Pi. 2:17). Na lege wa e lingbi ti fa na ambeni zo so tâ songo ti aita na ndo sese ayeke dä biani? (Mat. 23:8). Na lege ti salango kusala na kasete vidéo Our Whole Association of Brothers. A fa ngbanga ti nyen e ndoye tele na popo ti e. Bâ wala mo lingbi ti kiri tënë na ahundango tënë so ge:
(1) Akusala ota wa e na aita ti e na ndo sese kue e yeke sala legeoko? (2) Tongana nyen aita ti e afa na gigi so ala leke awe na bê ti ala kue ti fa tënë (a) na yando ti Alaska, (b) na akota yanga ti ngu ti Poto so amangboko ayeke luti dä, nga (c) na yâ ti akota gbako ti Pérou? (3) Mbeni nzoni gbakuru ti fango na tënë ayeke so wa? (4) Ngbanga ti nyen a lingbi e bâ fango tënë lâ oko pëpe tongana mbeni senge kusala? (5) Mû atapande ti fa tongana nyen aTémoin ti Jéhovah adë bê na amû maboko na amba ti ala na angoi ti vundu tongana ayengingo ti sese, akota pupu ti futi ye, nga abira na popo ti azo ti kodoro oko. (Bâ tënë so Takao atene na lembeti 23 ti Réveillez-vous! ti lango 22 ti nze ti août, 1995, nga na tënë ti Kotoyo na yâ Réveillez-vous! ti lango 22 ti nze ti octobre, 1996, lembeti 20) (6) Na lege wa e kue e lingbi ti fa na gigi kota fä so amû lege ti hinga na songo ti aita ti e Chrétien? (Jean 13:35) (7) A lingbi e bâ abungbi ti kongregation tongana nyen? (8) Tongana nyen dutingo na mbeni Da ti Royaume so e lingbi ti tingbi tele dä apika bê ti azo so ayeke na ni kozoni pëpe? (9) Tongana nyen aita ti e na Poto ti Tö nga na Russie akui pëpe na lege ti yingo atâa so a kanga lani lege na kusala kâ? (10) Même laso, kpengba ngangu wa aTémoin mingi ayeke sala ti gue na akota bungbi, na ngbanga ti nyen? A kpengba mo tongana nyen? (11) Ngbanga ti nyen mo leke na bê kue ti voro Nzapa legeoko na tanga ti aita na yâ beoko, ti mû maboko na ambeni zo tongana ye amanke ala, na ti ngbâ lakue ti fa tënë na ngoi kue nga na alege kue? (12) Ngbanga ti nyen a yeke nzoni ti duti na kasete-vidéo so ti mo mveni, na ti fa na azo mingi so asala nzara ti tâ tënë tongana lege ayeke dä?