Kapa ti Bungbi ti Kusala

Kete tënë: Fade Kusala ti Royaume ni ayeke duti ande na programme ti Bungbi ti Kusala teti yenga oko oko na yâ anze so i yeke sara akota bungbi ti district. Akongregation alingbi ti changé aye, ti mû lege na azo ti gue na Kota Bungbi ti District “A ga nduru ti zi e awe!” Tongana lege ayeke dä, i mû apenze-ngbonga 15 na ndangba ti Bungbi ti Kusala so a sara kozo ti gue na kota bungbi ti kiri ti bâ akota wango so a mû na yâ supplément ti Kusala ti Royaume ti nze so, so alingbi na kongregation. Nze oko wala use na peko ti kota bungbi ti i, fade i yeke mû penze-ngbonga 15 ti si na 20 na mbeni Bungbi ti Kusala (peut-être ti abezoin ti kongregation) ti dabe na angbongboro tënë ti assemblée ni. A yeke ti tene a kiri a bâ atënë ti kapa ti kota bungbi ni kue pëpe, me ti gboto lê gi na ndo ambage so andu mbilimbili kusala ti fango tënë. I tisa azo ti fa tongana nyen ala sara kusala na atënë so ala mä na yâ fango tënë ti ala.

Yenga ti 8 janvier

Bia 12

pn 10: Akete tënë. Wa azo kue ti bâ kasete vidéo Pas de sang: la médecine relève le défi, ti leke tere teti lisoro na Bungbi ti Kusala ti yenga ti 22 janvier. Sara kusala na awango ti lembeti 4 ti fa tongana nyen ti fa afini Tour ti Ba Ndo na Réveillez-vous! A lingbi nga ti sara kusala na ambeni kode nde so alingbi na territoire ni. Na yâ ti mbeni démonstration ni, fa tongana nyen ti kiri tënë tongana zo atene: “Mbi yeke na kua mingi.”​—Bâ brochure Lege ti To Nda Na ti Ngbâ ti Sala Alisoro na ndo Bible, l. 11-12.

pn 15: Wara nzoni na lege ti Gingo nda ti Tënë ti Nzapa lâ oko oko. Diskur na lisoro na azo na ndo kozo tënë ti brochure Gingo nda ti Tënë ti Nzapa lâ oko oko—2007. Fa so azo kue ayeke na bezoin ti mû mbeni kete penze-ngbonga ti bâ versê ti lâ oko oko nga na atënë so a sû na ndo ni. Leke kozoni ti tene zo oko wala use afa tongana nyen ala leke lakue ti bâ versê ti lâ oko oko nga ye ti nzoni so ala wara na pekoni. Ko nda ni na sarango nduru lisoro na ndo versê ti ngu 2007.

pn 20: Fa nzo tënë na azo kue. Diskur na lisoro na azo na lege ti buku Bungbi so a leke ni ti sala ye so Jéhovah aye, ti londo na lembeti 92 juska na kete li ti tënë ti lembeti 102.

Bia 165 na sambela ti nda ni.

Yenga ti 15 janvier

Bia 93

pn 10: Akete tënë. Atokua ti Kusala ti Royaume so alingbi.

pn 15: Mbeni ye ayeke kanga lege na mo? Diskur so mbeni ancien asara na lege ti Tour ti Ba Ndo ti 1 avril 2002, lembeti 13-15.

pn 20: “A nzere na mbi pëpe.”a Na ngoi ti lisoro na ndo paragraphe 4, hunda azo na ndo aye so agbu bê ti azo ti territoire ti ala. Sara anduru démonstration use so afa tongana nyen ti hon ndo ti atënë ti kangango lege na lisoro so: “A nzere na mbi pëpe.”​—Bâ brochure Lege ti To Nda Na ti Ngbâ ti Sala Alisoro na ndo Bible, l. 8.

Bia 135 na sambela ti nda ni.

Yenga ti 22 janvier

Bia 224

pn 10: Akete tënë. Diko atënë ti acompte nga na mbeti so filiale asû teti a-offrande so a tokua na lo. Sara kusala na awango ti lembeti 4 ti fa tongana nyen ti fa afini Tour ti Ba Ndo na Réveillez-vous! A lingbi nga ti sara kusala na ambeni kode nde so alingbi na territoire ni. Na yâ ti mbeni démonstration ni, fa tongana nyen ti sara fini vizite na mbeni zo so ayeke mû lakue apériodique.

pn 10: Bezoin ti kongregation.

pn 25: “Tâ nzoni kode ti kaïngo kobela ayeke so wa?” Mbeni ancien si asara ni. To nda ni fade fade na lisoro na azo na ndo vidéo Pas de sang, na lege ti ahundango tënë so a zia na yâ article ni. Dabe ti awafango tënë na ndo nene ti sû atënë kue na ndo ti karte DPA. Fa so asurveillant ti mandango buku wala ambeni ancien ayeke nduru ti mû maboko na awafango tënë so awara batême awe. Hunzi na dikongo tanga ti paragraphe ni na wa azo kue ti kiri ti bi lê nzoni na yâ a-article ti Tour ti Ba Ndo so a fa ni.

Bia 188 na sambela ti nda ni.

Yenga ti 29 janvier

Bia 55

pn 10: Akete tënë. Dabe ti awafango tënë ti bi rapport ti kusala ti ala ti janvier. Fa ambeti so a yeke kangbi na février, na sara démonstration oko ti fa lege ti sara ni.

pn 20: “Mo hinga ye ti sara tongana akpale ti ndagigi asi?”b Mbeni ancien si asara ni. Yôro na yâ ni atënë ti Kusala ti Royaume ti novembre 2005, lembeti 3.

pn 15: Tongana mo mû yanga ti kiri, kiri. Diskur na lisoro na azo na lege ti Tour ti Ba Ndo ti 15 septembre 1999, lembeti 11 na Français. Tisa ala ti fa peko ti aye so asi na ala so afa tongana nyen ala wara aye ti nzoni na ngoi so ala kiri ti bâ azo so ala mû yanga na ala.

Bia 137 na sambela ti nda ni.

Yenga ti 5 février

Bia 3

pn 10: Akete tënë.

pn 15: Mbi yeke Témoin ti Jéhovah! Diskur na lisoro na azo. Ambeni maseka aye pëpe ti fa tere ti ala tongana aTémoin ti Jéhovah ngbanga ti so ala tene fade akamarade ti ala na ekole ahe ala. Ye oko, ambeni nda ti atënë ayeke dä ti fa zo so mo yeke. Awafango mbeti so ahinga tënë ti mabe ti mo ayeke duti ande peut-être nduru ti mû ni na nene ni, na ala yeke hunda ande na mo lakue pëpe ti mû mbage na yâ ti ambeni sarango ye so ayeke na lege ni pëpe. Amaseka so tambela ti ala ayeke nzoni pëpe ayeke sara mbeto ti iri mo na yâ ti mbeni sioni sarango ye. Ambeni ayeke duti ande nduru ti hinga nda ti desizion ti mo na ndo ti atënë tongana sarango ndeko wala angia ti wanguru ti ekole nga na ambeni kusala so a leke na gigi ti ekole. Mo yeke duti ande nga na mbeto mingi pëpe ti fa tënë na ekole wala ti tingbi na mbeni kamarade ti mo ti klase tongana mo yeke fa tënë na territoire (g02 22/3 l. 12). Hunda na awafango tënë ti fa tongana nyen fango tere ti ala tongana Témoin ti Jéhovah na ekole aga na ala ye ti nzoni. Mo lingbi ti mä tere na zo oko wala azo use ti leke tere kozoni.

pn 20: “Ndoye: kelele ti kusala so alë lengo.”c Yôro na yâ ni atënë ti Tour ti Ba Ndo ti 1 février 2003, lembeti 23, paragraphe 16-17.

Bia 83 na sambela ti nda ni.

[Akete tënë na gbe ni]