Apériodique ti e ayeke ti nzere na azo nde nde kue
1. Na lege wa ngbâa be-ta-zo ayeke sara ye tongana bazengele Paul?
1 Legeoko tongana ti so bazengele Paul ayeke leke ka lani yâ ti akode ti lo ti fango nzoni tënë si “mara ti azo nde nde kue” ayeda na ni, ngbâa be-ta-zo so ayeke sara ye na ndara ayeke sara kusala na apériodique ti e ti ndu azo ti ando nde nde na ti abungbi ti vorongo nde nde (1 aCor. 9:22, 23). Ti tene e sara kusala nzoni na aTour ti Ba Ndo nga na aRéveillez-vous!, a yeke nzoni e bata na li ti e azo wa si ambeti ni so alingbi na ala.
2. A sigigi na Réveillez-vous! ndali ti azo wa mbilimbili?
2 Réveillez-vous!: A sigigi na périodique so ti ndu mara ti azo so bazengele Paul afa tënë na ala na ngoi so lo fa lani tënë na “azo ti Athènes”. (Kus. 17:22). Ala yeke lani aChrétien pëpe, nga ala hinga ye mingi na ndo ti Mbeti ti Nzapa pëpe. A yeke nga tongaso teti Réveillez-vous! A sigigi na ni ndali ti azo so ahinga Bible pëpe wala so ahinga gi kete ye na ndo ni. Peut-être ala hinga pëpe ye so Bible afa, wala abungbi ti vorongo Nzapa azia vundu na bê ti ala, wala ala hinga pëpe so aye so Bible afa ayeke ndali ti nzoni ti azo. Ni la, kota ndani so a sigigi na Réveillez-vous! ayeke ti sara si azo so adiko ni ayeda so tâ Nzapa ayeke dä. Ndani nga ayeke ti sara si azo amä na bê mingi na atënë ti yâ ti Bible na ti mû maboko na ala ti bâ mbilimbili so aTémoin ti Jéhovah ayeke ti ala nde na tanga ti abungbi ti vorongo Nzapa.
3. Tour ti Ba Ndo so e yeke fa ka na tënë ayeke ndali ti azo wa? Ka ti a-article so e yeke manda ni mandango na bungbi?
3 Tour ti Ba Ndo: Tour ti Ba Ndo na Français so e yeke fa ka na tënë ayeke mingi ni ndali ti azo so ayeke kamême na mbeto ti Nzapa na yâ ti bê ti ala nga so abâ Bible tongana tënë ti yanga ti lo. Ala hinga Bible kete, me ala mä yâ ti afango ye ti lo nzoni kue pëpe. Ala yeke tongana azo so Paul asara tënë ti ala, lo tene ala yeke azo so “akpe mbeto ti Nzapa”. (Kus. 13:14-16). Ti Tour ti Ba Ndo so e yeke manda ni mandango a yeke mingi ni ndali ti aTémoin ti Jéhovah. Ti Paul nga, azo so adiko lani ambeti ti lo ahinga ye nzoni na ndo ti Mbeti ti Nzapa nga ala yeke na tâ hingango ye na ndo ti atënë ti yâ ni (1 aCor. 1:1, 2). Legeoko nga, a-article ti mandango ni ti yâ ti Tour ti Ba Ndo ayeke ndali ti azo so ayeke ga ka na bungbi ti e nga so ahinga atënë so aTémoin ayeke sara ka na kusala nga na afango ye ti ala. Ye oko, ti Tour ti Ba Ndo ti Sango so e yeke wara ka ni, ambeni article ti yâ ni ayeke ti fa na tënë. Ni la, e yeke kangbi ka aTour ti Ba Ndo so na azo na fango tënë.
4. Ngbanga ti nyen a yeke nzoni e hinga atënë ti yâ ti apériodique kue so e yeke fa na tënë?
4 Atâa so mingi ni e yeke bungbi Tour ti Ba Ndo na Réveillez-vous! si e yeke fa ni na azo, e yeke gboto ka lê ti ala na ndo ti mbeni oko ti ala, me use kue pëpe. Tongaso, sara kue ti hinga atënë ti yâ ti apériodique ni nzoni, si mo lingbi biani ti sara si ambeti ni anzere na azo so mo fa tënë na ala.