Mû tapande ti aprophète: Osée
1. Tënë wa peut-être mo hunda tere ti mo na ni awe?
1 ‘Asacrifice wa mbi yeke nduru ti sara ni ndali ti Jéhovah?’ Peut-être mo hunda tere ti mo awe na mara ti tënë so na ngoi so mo yeke gbu li ti mo na ndo ti nzoni bê ti lo (Ps. 103:2-4; 116:12). Osée ayeke nduru ti sara ye kue so Jéhovah ahunda na lo ti sara, atâa so a hunda ti tene lo duti na bibe ti sacrifice. Tongana nyen la e lingbi ti mû tapande ti Osée?
2. Tongana nyen la e lingbi ti mû nzoni tapande ti gbungo ngangu ti Osée na yâ ti kusala ti fango tënë?
2 Fa tënë ni na ngoi ti wusuwusu: Tokua ti Osée abâ kozoni kue royaume ti akete mara bale-oko ti Israël, so tâ vorongo ayeke girisa na yâ ni. Gbia Jéroboam II asara ye so ayeke sioni na lê ti Jéhovah na lo ngbâ ti bata vorongo molenge ti bagara so Jéroboam I asigigi na ni lani (2 aGbia 14:23, 24). Agbia so aga na peko ti lo nga kue asara si dutingo ti akete mara bale-oko ni na lege ti yingo akiri abuba juska ti si na futingo ti kodoro ni na ngu 740 kozo ni na ngoi ti e. Ye oko, atâa so vorongo ti wataka amû ndo ni kue, Osée angbâ be-ta-zo na sarango kusala ti lo ti prophète teti angu 59 tongaso. E nga, e leke na bê ti e awe ti ngbâ ti fa tënë ngu oko oko atâa na ngoi so azo ake ti mä tënë ti e wala e tingbi na kangango lege?—2 Tim. 4:2.
3. Tongana nyen la fini ti Osée lani aduti fä ti nzoni bê ti Jéhovah?
3 Zia bê ti mo kue na ndo ti nzoni bê ti Jéhovah: Jéhovah ahunda na Osée ti mû ‘mbeni wali-ndumba’. (Os. 1:2). Atâa so wali ti lo Gomer adü na lo mbeni molenge ti koli, na bango ni, lo kiri lo dü amolenge use na pekoni me so ayeke ti Osée pëpe. So Osée ayeke nduru ti pardone wali ti lo, aduti fä ti nzoni bê so Jéhovah ayeke na ni na mbage ti azo ti Israël na ngoi so ala changé bê ti ala (Os. 3:1; aRom. 9:22-26). Ahon ti tene e zia gi aye so agbu bê ti e wani na kozo ndo, e yeke duti nduru ti sara si mara ti azo kue ahinga nzoni bê ti Jéhovah?—1 aCor. 9:19-23.
4. Ambeni ye wa la e lingbi ti gbanzi tere ti e na ni ti sara kua ti Jéhovah?
4 Ambeni wakua ti Jéhovah adö anzoni kua ti nginza ti ala azia tongaso si ala wara ngoi mingi ti fa na tënë. Ambeni nga ayeda ti ngbâ kumbamba wala ti dü molenge pëpe, tongaso si ala bi tere ti ala mingi na yâ ti kua ti Royaume. Na ngoi so e yeke gbu li ti e na ndo ti fini ti Osée, e lingbi ti tene ‘Mbi lingbi lâ oko pëpe ti sara mara ti ye so lo sara lani so.’ Ye oko, tongana e kono singila ti e teti nzoni bê ti Jéhovah nga e zia bê na ndo ti yingo ti lo ti mû ngangu na e, lo lingbi ti sara kusala na e na alege so e ku tere ti e na ni pëpe tongana ti Osée.—Mat. 19:26; aPhil. 2:13.