Kota Bungbi ti Circonscription: Fini Programme ni
Atâ ye ti nzoni wa ayeke ga tongana e tambela na Jéhovah? Tongana nyen ti ke atara ti zia abango ndo so ague nde na théocratie na kozo ndo so ayeke biani teti aye ti Royaume na yâ ti fini ti mo? (Mat. 6:33) A yeke ngangu na mo ti zia kangbi na popo ti ye ti nzoni na sioni na yâ sese so aba ye ti sioni tongana mbeni ye ti nzoni? (aHéb. 5:14) Fade a yeke ba akota tene so na ngoi ti kota bungbi ti circonscription so li ti tene ni ayeke “Tambela na ndo alege ti Nzapa teti nzoni ti mo ti fadeso” na so molongo ni ayeke to nda ni na mars/avril 2000.—Ps. 128:1.
Fade mbeni fini ye ayeke duti dä na kota bungbi ti circonscription na lango ti samedi: fango mbeni tapande ti bungbi ti kusala. Fade surveillant ti circonscription afa na akongrégation aye so aleke, si azo kue alingbi ti leke tele kozoni ti wara ye ti nzoni mingi ahon na lege ti programme ni.
“Apionnier: i bata lege so i yeke tambela nzoni” ayeke mbeni mbage so afa ande na e tongana nyen e lingbi ti sala ye na lege ti ndara nga na lege ni ti “vo ngoi so alingbi” teti kusala ti pionnier. (aÉph. 5:15-17, NW) “Sala hange na alege so akpa gi kpango ambilimbili lege”: fade diskur so afa na e tongana nyen ti hinga biani ye so anzere na lë ti Nzapa na yâ ambage kue ti fini ti e. “Tongana nyen aprophétie so aga tâ tene awe andu e” ayeke mbeni diskur so ayeke yôro na yâ bibe nga na bê ti e ndoye ti Tene ti Nzapa. “Alege ti Nzapa aga na aye ti nzoni” ayeke kota li ti tene ti diskur teti azo kue, so fade aluti mingi na ndo aye ti nzoni so e wara na mungo peko ti ambilimbili ndia ti Jéhovah.
Mo yeke na nzala ti fa na gbele azo kue na lege ti batême ti ngu so mo ye ti ga mbeni wakua ti Nzapa so atambela na ndo lege ti lo? Tongaso, sala tene ni na surveillant-président ti kongrégation ti mo, so fade aleke aye so a hunda.
Leke na bê ti mo ti ga na pendere kota bungbi ti circonscription so. Glisa pepe mbeni kete mbage ti alango use ti kota bungbi so; biani, “ngia ayeke na azo kue so akpe mbito ti L’Eternel [“Jéhovah,” NW], ala so atambela na lege ti Lo.”—Psaume 128:1.