Guengo na Li Ni ti Tâ Lege ti Vorongo na Poto ti Tö nga na Afrika
1 A-Chrétien ti kozo siècle ayeke la ni awafango tene ti Royaume so ayeke na wâ. Ala yeke la ni na ngia ti ba so akongrégation ayeke “wu lâ na lâ.” (Kus. 16:5) Na lege ti fango tene ti ala na wâ, ala gue na tâ lege ti vorongo na Asie, na Afrika nga na Poto, na ye so amu lege na ala ti ko kota le-kobe ti awavorongo.
2 Na ndembe so e yeke na ngoi ti nda ni, tâ lege ti vorongo angbâ ti gue na li ni, mbilimbili na Poto ti Tö. Na yâ ti akodoro so a kanga lege na kusala ti Royaume juska na tongo nda ti ngu 1990, a yeke ba fadeso mbeni guengo na li ni so adö bê. Annuaire 1999 afa so na yâ use ti akodoro so, Russie na Ukraine, awakua ahon 100 000 amu mbage ti ala na kusala ti fango tene. Na yâ akodoro 15 ti ngbele Union Soviétique, a to nda ni na ngu 1991, azo ahon 220 000 amu tele na Jéhovah na awara batême! Guengo na li ni so ahunda ti leke aDa ti Royaume mingi na aDa ti aKota Bungbi, nga ti kono yâ ti afiliale mingi.
3 Tongana ti so Kusala ti Royaume ti février 1998 afa la ni, a sala kusala laso na mbeni mbage ti Nginza ti Société teti aDa ti Royaume ti mu na bon nginza na akongrégation ti akodoro so ayeke na besoin ti lekengo aDa ti Royaume fade fade, me so na yâ ni afon e ayeke gi na akete mosoro wala ayeke na akota kpale ti konomi. A londo na nze ti mars 1996 ti si na octobre 1998, Société ayeda na a-demande 359 ti nginza teti aDa ti Royaume so alondo na afiliale so ayeke ba lege ti kusala na yâ akodoro 11 ti Poto ti Tö. A-offrande so abi na ndo Nginza so, amu lege ti vo ando na agbakuru teti lekengo afini da wala ti kiri ti leke nzoni ala so ayeke dä kozoni. Afoto so ayeke na ndo ti alembeti use so afa aye so a sala ndali ti a-offrande so atuku na Nginza ti Société teti aDa ti Royaume na yâ akodoro nde nde, na so aita ti e ti Poto ti Tö awara nzoni na lege ni.
4 Na ngu 1998, Bulgarie ahinga mbeni guengo na li ni ti azo 12 na ndo ti 100, na aita ni aduti na ngia ti zia na sese kozo Da ti Royaume ti ala na nze ti avril. Croatie awara mbeni guengo na li ni ti azo 4 na ndo ti 100, na ti fadeso, aita ayeke leke afini Da ti Royaume ti maï tâ lege ti vorongo. Na Hongrie, aDa ti Royaume ndulu na 80 ayeke yamba akongrégation 144. So aye ti tene na ndo akongrégation 235 ti kodoro ni, 61 na ndo 100 ayeke na ndo ti salango bungbi ti ala. Na Macédoine, programme ti lekengo aDa ti Royaume amu lege ti hunzi afini Da ti Royaume use, na angbâ ti leke ambeni nde. Na ngoi ti été ti ngu 1999, na Skopje, kota gbata ti kodoro ni, a hunzi ti leke mbeni Da ti Royaume so yâ ni ayeke use. Da ti Royaume so alingbi ti yamba ndulu na akongrégation omene.
5 Na kodoro ti Russie, na ngu so ahon, a yeke ndulu na azo 260 si ayeke wara batême yenga na yenga! Na mungo tapande so ayeke na yâ ambeni kodoro nde, filiale ti Russie asigigi na aKomite 12 ti lekengo da so a kangbi yâ ti ala na ndo kota sese so, ala yeke mu mbage ande na lekengo aDa ti Royaume na yâ ngoi so ayeke ga. Na yâ mbeni vaka na mbage ti Banga ti Saint-Pétersbourg, aita ayeke sala kusala ti leke kozo Da ti Kota Bungbi ti kodoro ni, so alingbi ti mu azo 1 600. Fade a yeke sala nga na yâ ti da so aDa ti Royaume oku so oko oko ti ala alingbi ti mu azo 200. Ti mu aye na lege ti yingo so atia aita ti e nga na azo mingi so ayeke sala nzala ti tâ tene na Ukraine, a hunzi aDa ti Royaume 84 awe na a ngbâ ti leke ambeni 80.
6 Ti France, juska na 1995, e mu maboko na aita ti e ti Russie. A to nda ni na ngoi ni so, mungo maboko ti e ague na mbage ti akodoro ti Afrika so aye ti mosoro atia ala. Ndali ti mungo maboko ti i, a wara lege ti leke aDa ti Royaume wala ti kiri ti leke angbele ni nzoni na yâ akodoro so ge: République ti Congo, République ti Guinée, Rwanda, Nigeria, Mali, Sénégal, Togo, République centrafricaine, Tchad, Bénin, Cameroun, Côte d’Ivoire na Burkina. Ngangu so e sala ti fa nzobe teti aita ti e so aye ti mosoro atia ala ayeke pendere pepe? Afoto mingi so ayeke na yâ ti supplément so afa aye so a sala na lege ti ndoye ti ita.
7 Guengo na li ni so ayeke na yâ akodoro ti Poto ti Tö na ti Afrika asi bê ti e na ngia pepe? Atä ndo so e yeke dä, guengo na li ni ti tâ lege ti vorongo adabe e so Nzapa asala nzoni gi na ambeni zo pepe na so be-nze-pepe ti lo ayeke ga na salut na “azo mingi so asi singo.” (Apoc. 7:9; 2 Pi. 3:9) So pendere matabisi si e yeke na ni ti mu offrande kete na lege ti mitele teti maïngo ti mba ti e na lege ti yingo, même na yâ ti akodoro so ayo na e! Tongana ti so aProverbe 28:27 afa na e, “zo so amu ye na awanzinga, fade ye atia lo pepe.” Nzala ti e ti mu nginza teti alekengo ye so asala si ‘ye kue alingbi’ na lege ti mitele, a mu lege na azo kue ti wara ngia so zo ayeke na ni tongana lo mu ye, na ngia ti ba tâ lege ti vorongo ague na li ni na ndo sese kue.— 2 aCor. 8:14, 15; Kus. 20:35.
[Foto na lembeti 3]
Săcele, Roumanie.
[Foto na lembeti 3]
Maardu, Estonie.
[Foto na lembeti 3]
Sevnica, Slovénie.
[Foto na lembeti 3]
Tiszavasvári, Hongrie.
[Foto na lembeti 4]
Ruma, Yougoslavie.
[Foto na lembeti 4]
Vranov nad Topl’ou, Slovaquie.
[Foto na lembeti 4]
Tornakalns, Lettonie.
[Foto na lembeti 5]
Kigali, Rwanda (Da ti aKota Bungbi).
[Foto na lembeti 5]
Muvumba, Rwanda.
[Foto na lembeti 5]
Bangui, R.C.A.
[Foto na lembeti 5]
Cyangugu, Rwanda.
[Foto na lembeti 6]
Ouassougon, Bénin.
[Foto na lembeti 6]
Hétin, Bénin.
[Foto na lembeti 6]
Lomé, Togo.
[Foto na lembeti 6]
Tokoin Akpimaké, Togo.