Zia e gue hio ti bâ ala

Azo wa a lingbi e gue hio ti bâ ala? Ala so ahunda ti wara mbeti, wala ala so ayeke mû périodique lakue wala ala so aye ti tene mbeni Témoin ague abâ ala na yanga-da ti ala. Mara ti ahundango ye so ayeke londo na ndo wa? Na mbage ti azo so ayeke fa tele ti ala na biröo ti filiale na tokuango mbeti, na pikango singa wala na lege ti place ti asango ti e na ndo Internet. A ye ti sala tënë ti ndo ti asango ti e na ndo Internet so ayeke: www.watchtower.org. Tongana mbeni zo afa na gigi nzara ti tënë ni tongaso, biröo ti filiale ayeke sala tënë ni na kongregation ti ndo so zo ni ayeke dä na lege ti mbeti S-70, so ayeke mbeni kete kugbe-mbeti so li ti tënë ni ayeke “Veillez à ce qu’un proclamateur expérimenté rende visite à cette personne”. Tongana a-ancien awara mbeti S-70, a lingbi ala mû ni hio na mbeni wafango tënë si lo lingbi ande ti gue hio ti bâ zo so asala nzara ti tënë ni. Tongana wafango tënë ni ayeke na kpale ti wara zo ni na yanga-da, lo lingbi ti tara ti sala tënë na lo na pikango singa na lo wala na ziango na lo mbeni kete mbeti na mbeni lege so a lingbi ti gboto lê ti azo pëpe. Tongana a hunda na mo ti sala mara ti vizite tongaso, sala kue ti gue hio ti bâ zo so asala nzara ti tënë ni.