Kota bungbi ti district ti aTémoin ti Jéhovah ti ngu 2009
1. (a) Aye ti nzoni wa e yeke wara na guengo na alango ota kue ti kota bungbi ti district? (b) Ye wa alingbi e sara fadeso?
1 E kue e yeke ku kungo kota bungbi ti district ti ngu 2009 na ti kiri ti bungbi na amba ti e awasepelango Jéhovah so “ahinga so ala yeke na bezoin ti aye ti yingo” (Mat. 5:3). So lâ ti Jéhovah aga nduru nduru, e wa zo oko oko kue ti ga na alango ota ni kue ti wara aye ti nzoni na lege ti dutingo na tere ti aita nga na lege ti wango ti yingo ti kpengba na yâ ti mabe (Soph. 1:14). Zia si awafango-mbeti nga na awamungo zo na kua ahinga so kota bungbi ni ayeke mbeni kpengba mbage ti vorongo Nzapa ti mo. Na mbeto pëpe, leke tere ti mo hio kozoni na gi tënë nzoni ti Jéhovah na ndo ti mo; hinga so lo yeke mû maboko na mo.—És. 50:10.
2. Tongana a tisa e na mbeni assemblée internationale pëpe, nyen la e lingbi ti ku ti bâ ni?
2 A-assemblée internationale: Teti so a yeke sara ande a-assemblée so na yâ ti akodoro mingi pëpe, gi azo so a tisa ala si ayeke gue dä. Tongana e sara kusala maboko na maboko na ye so a leke ayeke sara ande si azo ahon ndo ni pëpe (1 aCor. 14:40; aHéb. 13:17). Ye oko, mingi ti akota bungbi ti district ayeke tambela ande tongana a-assemblée internationale, ngbanga ti so amissionnaire mingi, aBéthelite so asara kusala na kodoro wande nga na awakua so asara kusala na kodoro wande ayeke kiri na kodoro ti ala ti sara kota bungbi.
3. Tongana nyen e lingbi ti fa ndoye ti Chrétien na ambeni zo na yâ ti congrégation ti e?
3 Mungo maboko na ambeni zo ti gue: Ambeni zo na yâ ti congrégation ti mo ayeke na bezoin ti tene a mû maboko na ala ti gue na kota bungbi ni? Tongana mo sara ni, a fa so mo ‘zia lê gi na ndo ti aye ti mo wani pëpe, me mo zia lê nga na ndo ti aye ti amba ti mo.’—aPhil. 2:4.
4, 5. Tongana aye asi si mo ye ti sara mbeni kota bungbi nde na ti so a tisa congrégation ti mo dä, a hunda na mo ti sara nyen?
4 Lege ti wara asango: Ti tene iringo ndo na biröo ti hinga tënë na ndo ti alango nga na ando ti kota bungbi aduti mingi pëpe, e wa ala ti bâ kozoni Tour ti Ba Ndo ti 1 mars 2009 na Français. Na ndo ni, a yeke tokua ambeti na acongrégation ti fa na ala lango nga na ndo ti kota bungbi so a tisa ala ti gue dä.
5 Tongana mo yeke gue na mbeni kota bungbi nde na ti so a tisa congrégation ti mo dä, mo lingbi ti wara asango teti ndo ti lango na tokuango mbeti na ndokua so abâ tënë ti lekengo kota bungbi ni. Secrétaire ti congrégation ti mo alingbi ti hunda na mbeni membre ti komite ti kota bungbi so a tisa congrégation ti mo dä ti wara adresse ti ala. Tongaso, ti tene komite ti kota bungbi ni akiri tënë na mo, a lingbi mo zia na tere ti mbeti ti mo ni mbeni enveloppe so iri ti mo na adresse ti congrégation ti mo ayeke na ndo ni.
6. Tongana e lango na ndo ti mbeni kamarade wala fami na ngoi ti kota bungbi ni, tongana nyen e lingbi ti sara ye na nzobe nga na nengo zo na mbage ti zo so ayamba e?
6 Leke tënë ti ndo ti lango ti mo nzoni: Na ando mingi, ndali ti kpale ti konomi, a yeke ngangu na asewa mingi ti lango na hôtel. Ndani la aita ti e mingi aleke ti lango na ndo ti akamarade wala afami ti ala nduru na ndo ti kota bungbi ni. Tongana mo leke ti sara tongaso, a yeke nzoni mo sara tënë ni ngoi mingi kozoni na zo ni tongaso si mo lingbi ti hinga wala lo lingbi ti yamba mo na ndo ti lo. Na sarango tongaso fade mo yeke kpe ti tene li ti zo ni aga kirikiri tongana azo mingi aga gi lango oko kozoni si kota bungbi ni akomanse ti lango na yâ ti chambre oko. A lingbi wungo ti azo so a zia ala na yâ ti dä oko ahon ndo ni pëpe.
7, 8. (a) Tongana mbeni wafango tënë so dutingo ti lo ayeke nde aye si a gi na lo ndo ti lango, a hunda na lo ti sara nyen? (b) Tongana nyen e lingbi ti mû maboko na ndokua ti ndo ti lango ndali ti aita so?
7 Ti azo so dutingo ti ala ayeke nde: Tongana mbeni wafango tënë ahunda ti wara ndo ti lango, a yeke nzoni komite ti kusala ti congrégation abâ wala wafango tënë ni alingbi ti sû Demande de chambre pour cas particuliers. A lingbi ala bâ tënë kue so ayeke na yâ ni nga na mbeti so zo ni asara na tere ni kozoni si secrétaire ti congrégation atokua ni na Ndokua ti ndo ti lango ti kota bungbi ni.
8 E ye ti kiri singila na azo kue so amû maboko na ngu so ahon na ndokua ti ndo ti lango na mungo ando ti lango ndali ti aita so asû Demande de chambre pour cas particuliers. Ti ngu so, e yeke ye ande mingi mara ti bibe ti mungo ye na bê kue tongaso (aGal. 6:10). Tongana mo ye ti yamba na da ti mo aita na kota bungbi ti peko, a yeke nzoni mo sara tënë ni na ndokua ti ndo ti lango ti kota bungbi ni. Tongana mo bâ na pekoni so mo lingbi mbeni pëpe ti mû ndo ti lango ni, tokua mbeti na ndokua ti kota bungbi ni ngoi mingi kozoni.
9. (a) E lingbi ti sara tongana nyen ti hunda ti bata ndo ti lango na hôtel? (b) Dango bê wa ayeke mû maboko na e ti duti na nzoni songo na akota zo ti hôtel ni? (Bâ encadré “Tënë teti ando ti lango”.)
9 Lege ti hunda ti bata ndo ti lango na hôtel: Tongana bezoin ni ayeke na kodoro ti mo, fade a yeke zia na lê ti mbeti na tableau ti congrégation iri ti ahôtel ngoi mingi kozoni na lango ti kota bungbi ni. Kozo si mo mû yanga ti tene a bata na mo ndo ti lango na hôtel, kiri mo diko nzoni encadré “Tënë teti ando ti lango”.
10. Tongana nyen e lingbi ti mû maboko na azo kue ti wara ndo ti lango na hôtel so ngere ni alingbi?
10 E hinga so ambeni zo aye gi ambeni ye ti bê ti ala na ndo ti tënë ti lango na hôtel. Ye oko, tongana e soro mbeni hôtel nde na ati so a zia na lê ti mbeti na tableau wala e soro ti futa mbeni ngere so ahon ti so a fa, sarango tongaso afa so e bâ na nene ni pëpe ye so aita aleke ndali ti ndo ti lango. E ye si ala hunda pëpe ti tene a bata na ala mbeni ndo ti lango na ndo so ala ye ti gue dä pëpe, wala ti miro ndo ti lango ti ala na hôtel gi na yâ ti tanga ti fuku ti tango ngbanga ti so ala soro mbeni hôtel nde. Na yengo dä na ye so a leke, fade ala mû maboko na azo kue ti wara ndo ti lango na hôtel so ngere ni alingbi.—1 aCor. 10:24.
11. A lingbi ye wa agbu bê ti e kozoni tongana e yeke leke tere teti kota bungbi ti district ti ngu 2009?
11 Akusala so amû gloire na Nzapa: Tongana e fa na gigi lengo ti yingo na yâ ti akusala ti e kue, na e bata yanga ti e nga e duti na nzoni tambela na gbele akota zo ti hôtel ni nga na azo ti kodoro so kota bungbi ni ayeke dä, e yeke mû lege na azo ti kiri ti bâ so azo ti Jéhovah ayeke na nzoni iri na e sara si ambeni zo atï pëpe (1 aCor. 10:31; 2 aCor. 6:3, 4). E ye si dutingo ti mo na tambela ti mo kâ na ngoi ti kota bungbi ti district ti ngu 2009 amû gloire na Nzapa na lege so!—1 Pi. 2:12.
[Encadré na lembeti 5]
Angbonga ni:
Jeudi
(Gi ti a-assemblée internationale)
13:20 –16:55.
Vendredi na samedi
8:20 –15:55.
Dimanche
8:20 –15:00.
[Encadré na lembeti 6]
Tënë teti ando ti lango:
Hôtel
◼ Soro gi na popo ti ahôtel so a zia molongo ti ala na lê ti mbeti.
◼ Yeda pëpe na mbeni ngere so ayeke na nduzu ahon ti so ayeke na lê ti mbeti ni.
◼ Chambre so a bata a lingbi aduti gi na iri ti zo so fade aga ti lango na yâ ni.
◼ Ti sara ye alingbi na ndia ti batango ada si wâ atï dä pëpe, zia si wungo ti azo aduti mingi pëpe na yâ ti chambre ni ahon ti so awa ti hôtel ni afa na yâ ti mbeti ni.
◼ Bata kozo ndo so mo soro ti lango dä.— Mat. 5:37.
◼ Pika singa pëpe na mbeni hôtel so iri ni ayeke pëpe na popo ti ala so ayeke na lê ti mbeti ti hunda wala ala yeke na mbeni ngere ndali ti azo so aga na kota bungbi ti e.
◼ Gi tongana mo pika singa na ahôtel ni KUE awe na mo wara ndo ti lango dä pëpe si mo yeke sara tënë ni na secrétaire ti congrégation ti mo. Fade lo sara tënë ni na Ndokua ti ndo ti lango na lege ti asango so a zia na lê ti mbeti.
◼ Tongana mo ye si a bata na mo ndo ti lango ni mbeni pëpe, sara tënë ni hio.
◼ Iri ndo na hôtel ni yenga use kozoni na kota bungbi ni ti tene na ala ti bata ndo ni na mo.
Lekengo tere ti mo mveni
◼ Fa so mo ne zo so ayeke yamba mo na tokuango ndo na lo ngoi mingi kozoni.
◼ Gi ti hinga wala lo lingbi ti mû na mo ndo ti lango. Tene pëpe so ayeke ngbanga ti lo ti sara ni na mo.
◼ Tongana lo leke ambeni ye kozo awe wala ndo ti lango ni alingbi na mo pëpe, gi na mbeni ndo nde.
◼ Tongana zo ni ayeda na mo, fa na lo kozoni l’heure na lango ti gango ti mo.
◼ Ga na ndo ti lo na mbeni ngoi so alingbi ti buba ye na lo pëpe.
◼ Tongana mo ye ti ga na ndo ti zo ni mbeni pëpe, sara tënë ni na lo hio.