MO DABE TI MO NA NI?

Mo diko a-article ti Tour ti Ba Ndo so asigigi ade ti ninga ape so nzoni? Bâ wala mo lingbi ti kiri tënë na ahundango ndo so ge:

Lawa la Jésus ‘atö mbela na ayingo so ayeke na da ti kanga’? (1 Pi. 3:19).

Na bango ni, a yeke na peko ti zingongo ti Jésus na kuâ la lo gue lo tö mbela na asioni yingo ti fa na ala so ala lingbi biani na ngbanga so a fâ na ndo ti ala.​—15/6, lembeti 23.

Aye ota wa mo lingbi ti sara si fini mariage ti mo aduti na ngia?

Zi bê ti mo na ndo ti ngbene mariage ni; sara kamarade na angbene kamarade ti fini koli wala fini wali ti mo; sara confiance na fini koli wala fini wali ti mo atâa so ngbene ni so aduti be-ta-zo na mo ape.​—1/7, lembeti 9-10.

Lawa la Jésus ayeke kangbi popo ti azo so ayeke tongana angasangbaga wala angasa? (Mat. 25:32).

A yeke na ngoi so Jésus ayeke ga ti fâ ngbanga na ndo ti azo na ngoi ti kota ye ti vundu na peko ti futingo abungbi ti vorongo nzapa ti wataka.​—15/7, lembeti 6.

Lawa la azo ti kpengo ndia pëpe so asara tënë ti ala na yâ ti parabole ti ablé na asioni pere ayeke toto ande nga ayeke te pembe ti ala? (Mat. 13:36, 41, 42).

Ala yeke sara ni ande na ngoi ti kota ye ti vundu tongana ala bâ so ala lingbi pëpe ti kpe futingo.​—15/7, lembeti 13.

Lawa la atënë so Jésus atene na ndo ti ngbâa be-ta-zo so ayeke sara ye na ndara aga tâ tënë? (Mat. 24:45-47).

A to nda ti ga tâ tënë na peko ti ngu 1914, me pëpe na Pentecôte ti ngu 33. Na ngu 1919, Jésus azia ngbâa be-ta-zo na ndo ti azo ti kua ti lo, aChrétien kue so a yeke mû kobe ti yingo na ala.​—15/7, lembeti 21-23.

Lawa la Jésus ayeke zia ngbâa be-ta-zo na ndo ti akungba ti lo kue?

Jésus ayeke zia ande ngbâa be-ta-zo na ndo ti akungba ti lo kue na ngoi ti kota ye ti vundu na ngoi so ala yeke wara futa ti ala na yayu.​—15/7, lembeti 25.

So Bible asara tënë ti ambeni zo sân ti fa iri ti ala, a ye ti tene so ala yeke anzoni zo ape wala ala kpa ti tene a fa iri ti ala ape?

E lingbi ti tene tongaso ape. Ambeni nzoni zo nga na ambeni nzoni zo ape ayeke dä so Bible a fa iri ti ala ape (Ruth 4:1-3; Mat. 26:18). Na yâ ti Bible a fa na e gi iri ti a-ange use so ayeke be-ta-zo.​—1/8, lembeti 10.

Nde na ngangu so alondo na Nzapa, nyen la amû maboko na aTémoin ti Jéhovah 230 ti sö kuâ na yâ ti mbeni yongoro tambela so ala sara ti londo na kando ti sarango pasi na zo ti Sachsenhausen?

Atâa so ala woko na kobela nga na nzara, ala ngbâ ti kpengba lani mba ti ngbâ ti gbu ngangu.​—15/8, lembeti 18.

Ngbanga ti nyen mbaï ti azo ti Israël so afâ Ngu ti Jourdain ti lï na Sese ti Zendo akpengba e?

Atâa so ngu ni asuku amû ndo, Jéhovah asara si a luti tongaso si azo ti lo alingbi ti fâ ni. Ye so asara si mabe so ala yeke na ni na mbage ti Jéhovah akpengba nga ala zia bê ti ala na lo. Mbaï so alingbi ti kpengba e nga.​—15/9, lembeti 16.

Ngbanga ti nyen la fani mingi na yâ ti Bible a sara kusala na acouleur?

So Bible asara kusala na acouleur afa so Nzapa ahinga tongana nyen la acouleur ayeke sara ye na ndo ti mongoli ti zo nga acouleur ayeke mû maboko na e ti dabe ti e na ambeni ye.​—1/10, lembeti 14-15.

Tongana nyen prophétie so ayeke na Michée 5:4 so asara tënë ti aberger nga na amokonzi aga tâ tënë laso?

E hinga so “aberger mbasambala na amokonzi miombe” so a sara tënë ti ala na Michée 5:4 ayeke a-ancien so a zia ala na yâ ti congrégation. Ala yeke kpengba awakua ti Jéhovah ndali ti bira so Bible afa tënë ni kozo ni awe atene a yeke londo ande na ni na tere ti ala.​—15/11, lembeti 20.

Ndali ti ambeni raison wa e yeke na bezoin ti Nzapa?

E bezoin ti tene a fa lege na e nzoni nga ti tene e hinga nda ti apasi ti e. Nzapa la alingbi ti fa aye use so na e. Lo yeke mû nga maboko na e ti tene e duti nzoni nga na ngia. Lo yeke sara ande ye alingbi na azendo so lo mû na e so ayeke na yâ ti Bible ti mû lege na e ti duti nzoni nga na ngia.​—1/12, lembeti 4-6.