Sauniga o le Auaunaga mo Me
Vaiaso e Amata ia Me 4
Pese 72 (135)
10 minu: Faasilasilaga masani ma Faasilasilaga e filifilia mai La Tatou Faiva o le Malo. Faalaeiau tagata talaʻi e auai i le auaunaga i le faaiʻuga o lenei vaiaso.
20 minu: “Ofoina Le Olomatamata ia Me.” Talanoaga o le mataupu i fesili ma tali. Faaaofia ai se talanoaga i le fuafuaga o Le Olomatamata e pei ona faaalia i le pito i luga o le itulau e 2 o lomiga taitasi. E mafai ona faia ni taulimaga faaopoopo, e faavae i mekasini o le a faaaogā i le auaunaga i le faaiʻuga o lenei vaiaso. E ao i tagata talaʻi ona iloa muamua le naunau moni, a o leʻi ofoina le tusiga. E mafai ona atiina aʻe le uluai naunau e ala i le toe asiasi atu i ai i nisi taimi ma lomiga fou o mekasini.
15 minu: “E Telē se Eseesega e Faia e Upu Tomua.” Talanoaina le mataupu ma le aofia. Pe ua latou faaaogāina ea nisi o faatomuaga na fautuaina i lomiga talu ai nei o La Tatou Faiva o le Malo, ia ua aumaia le tele i le tusi Reasoning? O ā faatomuaga ua latou iloa e sili ona uigā i le oganuu a le faapotopotoga? O le ā le taimi e sauniuni ai ma faataʻitaʻi ai e tagata talaʻi a latou faatomuaga mo le auaunaga i le fanua? Faia ni faataʻitaʻiga pupuu se lua pe tolu o faatomuaga sa uigā i le oganuu?
Pese 32 (63) ma le tatalo faaiʻu.
Vaiaso e Amata ia Me 11
Pese 9 (26)
5 minu: Faasilasilaga masani.
20 minu: “Faia ni Toe Asiga Uigā.” Talanoaina ma le aofia manatu autū o loo i le mataupu, e mafai ona faaaofia ai se mea puupuu na tupu talu ai nei, na faagaeeina atili ai le naunau ona o se toe asiga. Faaaogā ni minute se ono pe valu i le faaiʻuga e faataʻitaʻi ai le auala na fesoasoani ai se taʻitaʻi o se Suesuega Tau Tusi a le Faapotopotoga i ni tagata talaʻi se toʻalua pe toʻatolu e sauniuni mo le toe asia o ni tagata naunau sa maua talu ai nei i la outou oganuu. Afai e mafai, ia faaaogā ni toe asiga moni o le a faia e tagata talaʻi i se taimi mulimuli ane.
20 minu: “Tataʻi Ē Naunau i le Faalapotopotoga.” Talanoaga faatasi ma se sao o le aofia ma ni faataʻitaʻiga. E mafai ona faaaogā e se tasi tagata talaʻi le manatu muamua o loo i le palakalafa e 3 pe a uma le suesuega. Ona faataʻi-taʻi foi lea e le tagata talaʻi lava lena o le faaaʻoaʻoga lona lua o loo i le palakalafa e 3.
Pese 65 (36) ma le tatalo faaiʻu.
Vaiaso e Amata ia Me 18
Pese 105 (195)
10 minu: Faasilasilaga masani, e aofia ai le tala o le tupe ma le talialoaia o foai. Faamālō i le faapotopotoga mo le lagolagoina tau tupe o le faapotopotoga atoa ma le galuega a le Sosaiete i le lalolagi aoao.
20 minu: “Faalaeiau le Tuliloaina o Sini Faaleagaga.” Talanoaga ma le aofia e taulimaina e se toeaina. A maeʻa le iloiloina o le palakalafa e 6, ia faatalanoa se tagata talaʻi e lelei lana faaaʻoaʻoga, o se talavou na tali atu i le faalaeiauga ina ia aapa atu mo ni sini faaleagaga. Sa faapefea ona faalaeiauina o ia? A iloiloina le palakalafa e 7, ia faailoa atu ni aogā faatino o le a maua e mātua atoa ma talavou pe a autaluina mataupu e 22, 38, ma le 39 o le tusi Young People Ask.
15 minu: Manaoga o le faapotopotoga po o se lauga e faavae i le mataupu “O le ā le Uiga o le Gauai atu i le Faaipoipoga?” mai Le Olomatamata, Aperila 15, 1992, itulau 19-21.
Pese 57 (107) ma le tatalo faaiʻu.
Vaiaso e Amata ia Me 25
Pese 19 (220)
10 minu: Faasilasilaga masani ma Tala Faatiokarate. Mea na tutupu i le tauiviga o le faia o tusiga (e ao ona sauniuni mamao ia mea faatasi ma le fesoasoani a le uso o loo taulimaina tusiga i le faapotopotoga).
15 minu: Puipuia Oe Lava Mai le Faaaposetate. Talanoaga a se toeaina ma se tagata talaʻi o loo nonofo i se laulau. Faamatala atu e le tagata talaʻi faapea na la feiloai ma se tasi i le auaunaga sa ia faitauina ni lomiga faaaposetate. Taʻu atu e le tagata talaʻi i le toeaina lona manatu faapea sa naunau mai lē ona le fale i fesili na ia lagā. Na teena e le tagata talaʻi le ofo a lē ona le fale o se lomiga faaaposetate, ae sa ia taumafai e taliina fesili a lē ona le fale. Faamālō atu le toeaina i le tagata talaʻi mo lona uiga ma gaoioiga lelei. Na i lo le talanoa i mea ua tusia pe fai mai ai foi aposetate, e atamai ona uaʻi atu i manatu faale-Tusi Paia e uiga i mataupu e pei ona aumaia i le tusi Reasoning. Valaaulia e le toeaina le tagata talaʻi e suʻe lana tusi Reasoning, ma la autaluina faatasi ai itulau e 34-37. E ao ona mafana ma faamalosiau le talanoaga a o la talanoaina le uiga o le faaaposetate, atoa ma tamai ulutala laiti, ma mau autū ua filifilia pe a lava le taimi. Faaiʻu le talanoaga i ni manatu mautinoa e uiga i mataupu uma e atiina aʻe ai ma faalaeiauina ai ua tatou maua mo suesuega. Ia faasoa atu le feau e atiina aʻe ai i lē ona le fale. Afai e naunau faamaoni, o le a ia iloa ai le eseesega i le va o le manatu mautinoa o le upu moni, ma le manatu sese ma le faitio o aposetate. E ala i lo tatou teena o manatu ma mataupu faaaposetate, tatou te faaalia ai lo tatou faamaoni ia Ieova ma lana faalapotopotoga vaaia.
20 minu: “Matuā Manaomia e se Aiga Kerisiano—Meaʻai Faaleagaga i Aso Taitasi.” Talanoaga o le mataupu i fesili ma tali.
Pese 108 (200) ma le tatalo faaiʻu.