Faasologa o le Sauniga o le Auaunaga
Vaiaso e Amata ia Iuni 12
Pese 1 (13)
8 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.
15 minu: “E Le se Mea Faaleaoga lo Outou Tautiga.” Faapuupuu upu tomua ia lē silia i le minute, ona sosoo ai lea ma le talanoaina i fesili ma tali. Ia faaaofia ai ma ni faamatalaga i le mea na tupu o loo maua i Le Olomatamata o Iuni 15, 1996, itulau e 32.
22 minu: Amataina o Suesuega i le Polosiua o le Manaomia. O se lauga, e autaluina ai le mataupu i La Tatou Faiva o le Malo o Ianuari 1999, itulau 3-4. Ia faataʻitaʻi le taulimaga o loo fautuaina mai i le palakalafa e 6. Ia faamatala puupuu mai e se tagata talaʻi se toʻatasi pe toʻalua se taulau manuia na la maua i le amataina o ni suʻesuʻega, i le taʻua o le auala na la faailoa atu ai le suʻesuʻega ma le mea na la faia e faaauau ai pea le suʻesuʻega i vaiaso taʻitasi.
Pese 29 (222) ma le tatalo faaiʻu.
Vaiaso e Amata ia Iuni 19
Pese 14 (117)
12 minu: Faasilasilaga a le faapotopotoga. Tala o le tupe ma le faasilasilaga i le suʻeina faalekuata o tusi a le faapotopotoga. Afai o iai i le faapotopotoga ni tusi o le Young People Ask po o Lou Talavou, ia faataʻitaʻi mai le auala e mafai ona faaaogā lelei ai i le faiva i so o se taimi e maua ai talavou i le fale.
13 minu: Pusa Fesili. Lauga a se toeaina.
20 minu: E Faamalosia Olaga Faaleaiga i le Faatatauina o Mataupu Silisili Faale-Tusi Paia. Talanoaga a ni uso se toʻalua, e faavae i manatu e valu o loo talanoaina i le tusi Reasoning, itulau e 253-254. Faamatala le tāua o le fesoasoani i tagata suʻesuʻe o le Tusi Paia e aʻoaʻoina faapea o le auala e maua ai le fiafiaga i le aiga e faalagolago i le malamalama ma le faatatauina o mataupu silisili i le Afioga a le Atua. I le faaaogāina o le lesona 8 o le polosiua o le Manaomia, faataʻitaʻi le auala e ausia ai lenei mea. O aiga e tali atu i fautuaga a le Tusi Paia, e tosina vavalalata ma maua le faateleina o le olioli i mafutaga alofa ma le autasi. Ia taʻua le mea na tupu o loo maua i le tusi Fiafia i le Aiga, mataupu 13, palakalafa 1, 21-22.
Pese 19 (164) ma le tatalo faaiʻu.
Vaiaso e Amata ia Iuni 26
Pese 22 (130)
10 minu: Faasilasilaga a le faapotopotoga. Faamanatu i tagata talaʻi e tuu atu a latou lipoti o le auaunaga mo Iuni. Autalu lomiga e ofo mo Iulai. Faailoa atu polosiua tuai o loo maua i le faapotopotoga, ma faamatala puupuu le fuafuaga o polosiua taʻitasi. Ia fai se faataʻitaʻiga saunia lelei e faaalia ai le auala e ofoina ai se tasi o na polosiua i le faiva.
17 minu: “Ia Limafoaʻi, ia Nofosauni e Tufa Atu.” Fesili ma tali. Ia faaaofia ai mafuaaga e fā i “Le Pogai Tatou te Foai Ai” lena o loo otootoina mai i Le Olomatamata o Novema 1, 1996, itulau e 29-30.
18 minu: Ia Iloa Ona Fai Atu se Tali. (Kolo. 4:6) Lauga ma se talanoaga ma le aofia. O le ā e te faia pe a e fetaiaʻi ma se tagata o lē na te lagaina se finauga e lē faale-Tusi Paia? E masani ona fesoasoani mai le tusi Reasoning i le saunia o fautuaga aogā i le auala e avatu ai ma le faautauta se tali. Mo se faaaʻoaʻoga, e ui e tatou te manatu i le oti o se fili o le a faatoʻilaloina e ala i le togiola a Keriso, ae ua faatalitonuina isi e faapea e leai se mea e mafai ona soloiesea lenei taunuuga, ma oo ai ina tuu le faatuatua i manatu sesē i le toe ola mai i se isi tino. Talanoa i tali o loo aumaia i le tusi Reasoning i le vala “Pe a Fai Mai se Tasi—” i itulau e 103-104 ma le 321. Faalaeiau tagata uma ina ia ō ma ave le tusi i le faiva i le fanua.
Pese 15 (127) ma le tatalo faaiʻu.
Vaiaso e Amata ia Iulai 3
Pese 18 (162)
10 minu: Faasilasilaga a le faapotopotoga. Fesili atu i tagata talaʻi ua uma ona amataina suʻesuʻega i le polosiua o le Manaomia e faamatala mai pe na faapefea ona faia.
10 minu: Manaʻoga o le faapotopotoga.
25 minu: “Ou te Mafaia Faapefea, pe a Le Faasino Mai se Tasi ia te Au?” Talanoaga i fesili ma tali e taulimaina e le ovasia o le auaunaga. Ia faitau leotele palakalafa taʻitasi, ma faitau mau i palakalafa 3, 4 ma le 7. A talanoaina le palakalafa e 6, faamatala le vaega e faia a le ovasia o le auaunaga i le fuafuaina pe faamata e tatau pe leai ona toe amata suʻesuʻega faale-Tusi Paia totino ma tagata papatiso.—Tagaʻi i le Pusa Fesili o La Tatou Faiva o le Malo o Novema 1998.
Pese 7 (51) ma le tatalo faaiʻu.