Faasologa o le Sauniga o le Auaunaga
Vaiaso e Amata ia Iulai 10
Pese 18 (162)
12 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Fai se faamatalaga i le lipoti o le auaunaga i le fanua ia Aperila mo le atunuu ma le faapotopotoga. Tataʻi manatu i le pusa “Tagaʻi i le Itulau i Tua,” ma faataʻitaʻi se tasi o taulimaga o loo fautuaina ai o le a aogā lelei i le oganuu a le faapotopotoga.
15 minu: ‘Tatou te Le Mafaia Ona Le Tautala.’ Ia faapuupuu upu tomua ia lē silia i le minute, ona sosoo ai lea ma le talanoaina i fesili ma tali. Faamamafa māfuaaga ua tatou manatu mamafa ai i lo tatou tofiga o le talaʻi atu. Ia faaaofia ai ni manatu tāua mai Le Olomatamata o Ianuari 15, 1997, itulau 23-24.
18 minu: “Ia Faia Mea Uma Ina ia Atiina Aʻe Ai.” Ia talanoaina e ni toeaina se toʻalua le mataupu. Faitau palakalafa taʻitasi ma mau na o loo faasino mai ai. Ia faamatilatila mataupu silisili o loo aofia ai. E la te faamamafaina le manaʻomia ona faautauta pe a taulima mataupu tau pisinisi pe faia foʻi ni faaputuga tupe faaune. Autalu le fautuaga i Le Olomatamata o Mati 15, 1997, itulau 18-19, 22.
Pese 2 (15) ma le tatalo faaiʻu.
Vaiaso e Amata ia Iulai 17
Pese 28 (224)
10 minu: Faasilasilaga a le faapotopotoga. Tala o le tupe.
15 minu: Le Faailoaina Atu o i Tatou Lava o Auauna a le Atua. Talanoa ni auauna o le faiva se toʻalua i le apoapoaʻiga faale-Tusi Paia o loo aumaia i Le Olomatamata o Tesema 15, 1998, itulau 19-20. E la te talisapaia le manaʻoga ina ia agavaa i se auala lelei i le avea o ni auauna o le faiva ma ia autalu mea e mafai ona la faia totino e faailoa atu ai o loo la faataunuuina o la tofiga. E la te iloa le tāua o le avea ma faaaʻoaʻoga lelei i le faiva i le fanua ma talanoa i auala e mafai ona la fesoasoani ai i toeaina e ala i le fesoasoani totino i isi. Ia la ioe e la te mananaʻo e faia mea uma la te mafaia e fesoasoani ai i le faapotopotoga ina ia talisapaia le faanatinati o le taimi ma ia tutupu aʻe ma olaola faaleagaga.
20 minu: O Ai e Tatau Ona Avea ma Ou Faaaʻoaʻo? E faia e se tamā se suʻesuʻega faaleaiga ma se fanau talavou se toʻatasi pe toʻalua. Na ia mātauina talu ai nei le faaautū o talanoaga a lana fanau i tagata taʻutaʻua i taaloga, tagata autū o ata tifaga, tagata i TV, ma le ʻaufaimusika. E na te faaalia lona popole talu ai o nei ituaiga o naunautaʻiga e faaalia ai le agaga o le lalolagi. E latou te talanoaina le Awake! o Me 22, 1998, itulau 12-14. Ua oo ina iloa e talavou e faapea e lamatia tele le faatāuaina o tagata taʻutaʻua o le lalolagi ma ioe e faapea o le fia lauiloa i le lalolagi e leai lava se mea e maua ai a Kerisiano. E latou te talanoaina aogā o le vaai i mātua, toeaina, ma isi o fai ma faaaʻoaʻoga lelei i le faapotopotoga—aemaise Iesu Keriso—e avea ma o la faaaʻoaʻo.
Pese 27 (221) ma le tatalo faaiʻu.
Vaiaso e Amata ia Iulai 24
Pese 6 (45)
5 minu: Faasilasilaga a le faapotopotoga.
8 minu: “Polokalame Fou o le Fonotaga Matagaluega.” Fesili ma tali. Faasilasila le aso o le fonotaga matagaluega e sosoo ai, ma faalaeiau tagata uma ina ia auai i aso uma e lua. Faamalosiau i tagata uma ina ia faia se taumafaiga faapitoa e valaaulia tagata suʻesuʻe faale-Tusi Paia. O le auai i le fonotaga atonu e uunaʻia vave ai lo latou naunau e auaufaatasi e lē aunoa ma le faapotopotoga.
16 minu: “Ia Uaʻi Totoʻa Atu i Afioga Paia.” Fesili ma tali. Faamamafa māfuaaga e tatau ai ia i tatou uma ona nofoi i o tatou nofoa i le amataga o vaega taʻitasi.
16 minu: “Tausisia o Amioga Lelei e Viia ai le Atua.” E talanoaina e se toeaina le mataupu ma se ʻauaiga. E latou te autaluina mea e manaʻomia ona latou faia ina ia tausia ai le pulea lelei, le iai o uiga faaaloalo, tumamā, ma le faataatia o le faaaʻoaʻoga lelei i foliga vaaia ma amioga i nofoaga lautele.
Pese 13 (124) ma le tatalo faaiʻu.
Vaiaso e Amata ia Iulai 31
Pese 9 (37)
15 minu: Faasilasilaga a le faapotopotoga. Faamanatu i tagata uma ina ia tuuina mai a latou lipoti o le auaunaga i le fanua mo Iulai. Valaaulia le aofia e faamatala mai ni mea na tutupu totino ia i latou na olioli ai i lenei masina a o tufaina atu polosiua.
12 minu: Manaʻoga o le faapotopotoga.
18 minu: “Pe E te Talisapaia le Onosai o Ieova?” Fesili ma tali. Ia faaaofia ai ma faamatalaga talafeagai e uiga i le onosai o Ieova.—Tagaʻi i le Insight, Tusi 2, itulau 263-264.
Pese 16 (143) ma le tatalo faaiʻu.
Vaiaso e Amata ia Aokuso 7
Pese 29 (222)
10 minu: Faasilasilaga a le faapotopotoga.
17 minu: “Po o Oe o se Tagata e Matamuli?” Fesili ma tali. Faamatala mai se mea na tupu e faalaeiauina ai mai le 1997 Yearbook, itulau 43-44.
18 minu: Ia Atamai e Uiga i Lou Lumanaʻi. Lauga a se toeaina. E faanaunau tagata talavou ina ia olioli i se lumanaʻi fiafia ma i latou e latou te alolofa i ai. E ui o se mea masani lenei, ae e ao ona latou faatatauina fautuaga tauatua pe afai latou te mananaʻo ina ia olioli i se olaga taulau manuia. (Faata. 19:20) O le tosina atu i le isi ituaiga e malolosi tele i taimi o le talavou. Afai e lē pulea faalogona, e ono iʻu ai i le malaia. E tele fesili ua lāgā e uiga i le iai i talavou o lagona malolosi agaʻi i le isi ituaiga, i le ati aʻe o se faiā alofa fetosinaaʻi lea e iʻu i le faia o se tuugatala. Autalu ia apoapoaʻiga o loo aumaia i le tusi Young People Ask, itulau 231-235. Faamatilatila manatu autū i Le Olomatamata o Novema 15, 1999, itulau 18-23, lena o loo faaalia ai le tāua o le faataunuuina e talavou o la latou tiute tauave atoatoa agaʻi i le Atua. Faalaeiau talavou ina ia manatunatu i lenei fautuaga ma ia talanoa ma o latou mātua pe afai e iai ni a latou fesili.
Pese 21 (191) ma le tatalo faaiʻu.