Faasologa o le Sauniga o le Auaunaga

Sauniga e Amata ia Mati 12

Pese 4 (43)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.

15 minu: Manaʻoga o le faapotopotoga.

20 minu: “Aperila—O le Taimi e ‘Tatou te Galulue Malolosi ma Finafinau Ai.’” (Palakalafa 1-13) Ia faia e le ovasia taʻimua. Se talanoaga aasa o mea o loo tatou naunau e faatinoina ia Aperila. Faalaeiau tagata taʻitoʻatasi uma o le faapotopotoga e faia lana lava vaega ina ia ausia ai le sini o le auai o tagata talaʻi uma i le faiva i lena masina.

Pese 8 (53) ma le tatalo faaiʻu.

Vaiaso e Amata ia Mati 19

Pese 22 (130)

8 minu: Faasilasilaga a le faapotopotoga. Tala o le tupe.

17 minu: Faaaogā Lelei le 2001 Yearbook. Lauga ma se talanoaga ma le aofia. Autalu le “2000 Grand Totals,” i le itulau e 31. Talanoa “Se Tusi Mai le Vaega Pule,” i le itulau e 3-5 (O loo auina atu faatasi ma lenei lomiga le faa-Samoa o lenei tusi). Ia fesili atu i nisi o le aofia e faamatala mai se lipoti po o se mea na tupu na faamalosia ma faalaeiauina faapitoa ai lo latou faatuatua mai le Yearbook fou. Faalaeiau aiga ina ia faitau faatasi le Yearbook atoa e pei lava ona faia e aiga Peteli i le lalolagi aoao a o faagasolo le tausaga. Faamatilatila fesili o loo i le itulau e 255, na e mafai ona faaaogā e autalu ai mea na aʻoaʻoina. Fesili atu mo ni fautuaga i le auala e faaaogā ai le Yearbook e fesoasoani ai i tagata suʻesuʻe o le Tusi Paia ina ia matuā talisapaia le faalapotopotoga a Ieova faapea le faaeaga o le avea ma se tasi o lea faalapotopotoga.

20 minu: “Aperila—O le Taimi e ‘Tatou te Galulue Malolosi ma Finafinau Ai.’” (Palakalafa 14-30) E faia e le ovasia o le auaunaga. O se lauga e fili mai ni vaega e talanoaina i fesili ma tali. E tatau i tagata uma ona faia se faasologa aogā mo le faia o se sao i le tele e mafai ai i le faiva ia Aperila. Otooto mai le faasologa atoa o faatasiga mo talaʻiga ua fuafuaina mo le masina. Faalaeiau tagata uma e mafai ona paeonia lagolago ma ia maua se pepa talosaga pe a uma le sauniga.

Pese 23 (200) ma le tatalo faaiʻu.

Vaiaso e Amata ia Mati 26

Pese 24 (185)

10 minu: Faasilasilaga a le faapotopotoga. Faailoa mai e lē o tuai pe a tuuina atu se talosaga mo le paeonia lagolago ia Aperila. Faalaeiau tagata uma ina ia mulimuli i le faasologa o le faitau Tusi Paia mo le Faamanatuga ia Aperila 3-8, e pei ona otootoina mai i le Iloiloina o le Tusi Paia i Aso Taʻitasi—2001. Faasilasila mai le aso e fai ai le Suʻesuʻega o Le Olomatamata mo le vaiaso o le Faamanatuga. Aua neʻi galo le lauga lautele faapitoa i le Aso Sa nei, Aperila 1, o le matua “O Ai e Mafai Ona Faasaoina?” Faalaeiau tagata uma ina ia auai i le faiva i lena lava aso, ma amata lelei ai ia Aperila.

20 minu: “Seʻi o Tatou Faamamaluina Uma Ieova ma Lona Alo.” O se lauga e uunaʻia ai e faavae i le Tusi Paia e faia e se toeaina. Faalaeiau tagata uma ina ia faia se sao atoatoa e mafai ai i le galuega faapitoa ua fuafuaina mo Aperila ma ia faia ni taumafaiga faaopoopo ina ia valaaulia ai tagata i le Faamanatuga.

15 minu: Sauniunia o a Tatou Taulimaga o Mekasini. O le a tatou ofoina Le Olomatamata ma le Ala Mai! ia Aperila. Autalu le itulau e 8, palakalafa e 3 ma le 10, o La Tatou Faiva o le Malo o Oketopa 1996. Faamatilatila (1) se mataupu, (2) se manatu talafeagai e talanoa i ai, (3) se fesili e faagaee ai le fiafia, ma (4) se mau fetaui e mafai ona faaaogā ma le uigā i le ofoina o mekasini fou taʻitasi. Taumafai e faaaogā le polosiua o le Manaomia po o le tusi o Le Poto e amata ai ni suʻesuʻega faale-Tusi Paia ma tagata lotofiafia. Ia faaiʻu i se faataʻitaʻiga saunia lelei i le auala e ono faia ai lenei mea i le uluaʻi asiasiga.

Pese 3 (32) ma le tatalo faaiʻu.

Vaiaso e Amata ia Aperila 2

Pese 26 (212)

9 minu: Faasilasilaga a le faapotopotoga. Faamanatu i le ʻautalaʻi ina ia tuuina mai a latou lipoti o le auaunaga i le fanua mo le masina o Mati. Autalu “Mea ia Manatua mo le Faamanatuga.”

18 minu: “O le Alofa ua Uunaʻia ai i Tatou e Talaʻi.”a Faamatilatila mau o loo i le mataupu. Faaaofia ai manatu o loo aumaia i le Insight, Tusi 2, itulau e 673, palakalafa 1. Valaaulia se tagata talaʻi ua tele tausaga o galue tiotio ina ia faamatala mai le auala na uunaʻia ai o ia e le alofa mo le Atua e maumauaʻi ai pea i le galuega talaʻi. Faalaeiau tagata talaʻi uma ina ia auai i le galuega o le molimau atu ia Aperila ma masina uma lava o loo mulimuli mai.

18 minu: “Fesoasoani i Isi ia Auai i Sauniga.”b I le faaopoopoga o La Tatou Faiva o le Malo o Iuni 1996, palakalafa e 14-16, o loo aumaia ai ni fautuaga faaopoopo mo le tataʻiina mai o tagata suʻesuʻe o le Tusi Paia i le faalapotopotoga. Faailoa mai le auala e mafai ai ona muaʻi faaaogā uma le polosiua o le Manaomia (lesona 5, palakalafa 7) ma le tusi o Le Poto (mataupu 5, palakalafa 22) e faalaeiau ai ina ia auai i sauniga. Ina ia faataʻitaʻia lenei mea, ia faia se faataʻitaʻiga saunia lelei e se tagata talaʻi tomai o loo faalaeiauina ma le māfana se tagata suʻesuʻe ina ia mafaufau loloto e uiga i le auai i sauniga.

Pese 20 (93) ma le tatalo faaiʻu.

[Faaopoopoga i lalo]