Faasologa o le Sauniga o le Auaunaga

Vaiaso e Amata iā Iulai 14

Pese 45 (56)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. I le faaaogāina o fautuaga o loo i le itulau e 8, ia fai ni faataʻitaʻiga lelei se lua i le auala e ofoina ai le Olomatamata o Iulai 1 ma le Awake! o Iulai 8 i le oganuu a le faapotopotoga. I faataʻitaʻiga taʻitasi, ia ofo faatasi mekasini e lua e ui lava e na o le tasi lea e faamatilatila.

15 minu: “Tauaofiaga Itumalo a Molimau a Ieova 2003 ‘Ia Avatu i le Atua le Viiga.’”a Ia taulimaina e le failautusi a le faapotopotoga, ia taulaʻi atu i palakalafa 3-7. Ia faamālō atu ma le māfana i tagata uma mo le vave faia o fuafuaga uma mo le tauaofiaga.

20 minu: “Ia Lotofaafetai mo le Alofa Mutimutivale o le Atua.”b Pe a talanoaina le palakalafa e 3, ia taʻu atu ni fautuaga mo le amataina o se alāmekasini, e faavae i La Tatou Faiva o le Malo o Oketopa 1998, itulau 8. Ia fesili atu i se tagata talaʻi tomai se tasi pe lua po o le ā le auala na la iloa le aogā, i le amataina o suʻesuʻega faale-Tusi Paia. Ia faalaeiau tagata uma ia fai mo latou sini le amata ma faia se suʻesuʻega faale-Tusi Paia.—om itu. 91.

Pese 28 (33) ma le tatalo faaiʻu.

Vaiaso e Amata iā Iulai 21

Pese 75 (118)

10 minu: Faasilasilaga a le faapotopotoga. Tala o le tupe.

10 minu: “Polokalame Fou o le Fonotaga Matagaluega.” O se lauga ma se talanoaga ma le aofia. Faasilasila le aso o le fonotaga matagaluega o sosoo ai. Afai e lē o toe tele ni masina ona auai atu lea o le faapotopotoga i la latou fonotaga, ia taʻu atu e faapea o i latou e mananaʻo e papatiso e tatau ona faailoa atu i le ovasia taʻimua. Ia faalaeiau tagata uma e taumafai e valaaulia tagata aʻoga o le Tusi Paia, ma ia auai i vaega uma o le fonotaga.

25 minu: “Auaufaatasi e Vivii Atu iā Ieova”c Ia faaaogā fesili ua saunia. Ia talosaga atu i tagata uma ina ia auai i vaega uma, mai le taeao o le Aso Faraile seʻia oo i le aoauli o le Aso Sa. Ia faamamafa le manaʻomia ona faatatauina o mea ua tatou aʻoaʻoina na i lo o le tau ina faalogo. Ia taʻu atu i tagata uma o le a iai se autaluga o manatu tāua o le tauaofiaga itumalo o le a faia iā Novema. Faalaeiau tagata uma ina ia faia ni faamaumauga.

Pese 14 (16) ma le tatalo faaiʻu.

Vaiaso e Amata iā Iulai 28

Pese 26 (31)

10 minu: Faasilasilaga a le faapotopotoga. Ia faamanatu i le ʻautalaʻi ina ia faaoo mai a latou lipoti o le masina o Iulai. I le faaaogāina o fautuaga i le itulau e 8, ia faia ni faataʻitaʻiga eseese se lua i le auala e ofo ai le Olomatamata o Iulai 15 ma le Ala Mai! o Iulai-Setema. I faataʻitaʻiga taʻitasi, ia ofo faatasi mekasini e lua, e ui lava e na o le tasi lea e faamatilatila. I se tasi o taulimaga, ia faaali mai le tagata talaʻi o loo talaʻi atu lē fuafuaina.

15 minu: “Ia Avea o se Faaaʻoaʻo i Galuega Lelei.”d Ia faaaogā fesili ua saunia. Ia faamamafa le manaʻomia ona taliaina o faatulagaga ua saunia mo lo tatou lelei mo le fuafuaina o api. Ia faamatala le māfuaaga e tāua ai tele le amio lelei o tagata taʻitoʻatasi.

20 minu: “E Maua le Olioli i le Molimau Atu o se Vaega.”e Pe a talanoaina le palakalafa e 3, ia faaaofia ai ma faamatalaga o loo i le Pusa Fesili i La Tatou Faiva o le Malo o Setema 2001. Ia faatalanoa puupuu se ovasia o le Suʻesuʻega Tautusi a le Faapotopotoga. Fesili atu i fuafuaga mo le auaunaga i le fanua ua ia faia mo lana vaega o suʻesuʻega tautusi ma le auala ua aogā ai i le vaega le talaʻi faatasi.

Pese 31 (36) ma le tatalo faaiʻu.

Vaiaso e Amata iā Aokuso 4

Pese 72 (109)

8 minu: Faasilasilaga a le faapotopotoga. Ia taʻua lomiga e ofo mo lenei masina. Ia faataʻitaʻi se taulimaga se tasi pe lua e mafai ona faaaogā.

10 minu: “Ofoina o Lomiga i Oganuu e Eseese Gagana e Tautatala Ai.”f Faaaogā fesili ua saunia. Pe a talanoaina le palakalafa e 3, ia fai se faataʻitaʻiga faigofie i se gagana ese lea e tautala ai tagata i le oganuu lea e leai se faapotopotoga e iai.—km-SM 7/02 itu. 1 pala. 4.

12 minu: “E Faaalia le Ava i le Atua i Laʻei e Onomea.”g Ia tauaaoina e se toeaina. Ia faaaogā fesili ua saunia. Ia faitau e se uso e lelei le faitau ia palakalafa taʻitasi.

15 minu: O Loo Vivii Talavou iā Ieova! Lauga e aofia ai ma se talanoaga ma le aofia ma ni faatalanoaga. E tatou te fiafia e faalogo atu i talavou o loo faia ni a latou tali e saunia lelei i sauniga. O lo latou filigā ma le agaʻigaʻi i luma i le Aʻoga o le Faiva Faatiokarate e avea ma mea e fiafia ai. E latou te faaalia le faatuatua moni a o latou avatu se molimau lelei i le faiva. E viia Ieova i a latou amio faale-Atua. (yb88 itu. 53-54) O lo latou agaʻigaʻi i luma faaleagaga ua faataatia ai se faavae mo faaeaga i le lumanaʻi. Ia faatalanoa puupuu ni talavou Kerisiano se toʻalua pe toʻatolu e fiafia e auai e lē aunoa i gaoioiga a le faapotopotoga. Ia faamālō atu ma le māfana i talavou o le faapotopotoga mo a latou gaoioiga lelei i le viiaina o Ieova.

Pese 42 (52) ma le tatalo faaiʻu.

[Faaopoopoga i lalo]