Autaluga o le Aʻoga o le Faiva Faatiokarate
O le a talanoaina fesili o loo mulimuli mai i le Aʻoga o le Faiva Faatiokarate i le vaiaso e amata iā Aokuso 27, 2007. O le a faafoeina e le ovasia o le aʻoga se autaluga e 30 minute e faavae i mataupu na talanoaina i lauga mo vaiaso o Iulai 2 e faasolo atu iā Aokuso 27, 2007.
UIGA O LE TAUTALA
1. E faapefea ona tatou faaalia le faaaloalo mo ē tatou te feiloaʻi i le fanua ma i latou i totonu o le faapotopotoga? [be itu. 192 pala. 2-4]
2. O le ā e tāua ona iai pe a fia faaali atu lo tatou mautinoa i mea o loo tatou fai atu ai? [be itu. 196 pala. 1-3]
3. O ā ni fautuaga o le a fesoasoani iā i tatou e faautauta ai a o talaʻi atu i isi? [be itu. 198 pala. 1-5]
4. E faapefea ona faaalia le faautauta i le saʻo o le taimi e molimau atu ai i isi? (Faata. 25:11) [be itu. 199 pala. 1-3]
5. E faapefea ona mautinoa le auala e faaleo atu ai? [be itu. 203 pala. 3–itu. 204 pala. 1]
LAUGA NU. 1
6. O ā ni faamatalaga e faatatau iā Esekielu, e tusa ai ma ana tusitusiga o mea o loo maua ai ma le moni aʻiaʻi o ana tusitusiga? [bsi07 itu. 7 pala. 3]
7. O le ā se tasi o uiga tāua e tatau ona iai i se tagata ina ia onosaia faiga lē tonu? [w05 6/1 itu. 29 pala. 4]
8. O le ā tatou te aʻoaʻoina mai le tali a Iesu i le ʻau Satukaio lea na fesiligia o ia e faatatau i le toe tū? (Luka 20:37, 38) [be itu. 66 pala. 4]
9. Pe a fesili mai se tagata suʻesuʻe o le Tusi Paia po o se aumea talitonu po o le ā lana mea e tatau ona fai i se tulaga patino, e tatau faapefea ona e tali atu? [be itu. 69 pala. 4-5]
10. O ā mea e aofia i le “toe fuataʻiina manaʻo o outou loto”? (Efe. 4:23) [be itu. 74 pala. 4]
FAITAU TUSI PAIA FAALEVAIASO
11. I le Esekielu 9:2-4, o ai o loo faaataina e le tagata o loo ofu i le ie lino, ma o le ā o loo faaatagia i le ‘faailogaina o muaulu’? [w89 5/1 itu. 14 pala. 18]
12. E faapefea i taʻitaʻi lotu e faapea mai o Kerisiano ona pei o “perofeta valelea, o ē usiusitai i o latou lava loto” e pei ona faamatala mai e le Esekielu 13:3? [w99 10/1 itu. 13]
13. I le taʻua o le faaupuga faafaatusa lea o loo tusia i le Esekielu 18:2, o le ā le mea na taumafai le tagata Isaraelu e fai, ma o le ā le lesona tāua o loo faamatilatila i nei? [w89 5/1 itu. 18 pala. 10]
14. I le ā le uiga e faapea, na “faalologo,” pe gūgū Esekielu i le taimi na vagaia ma faaumatia ai Ierusalema? (Eseki. 24:27; 33:22) [w03 12/1 itu. 29]
15. O ai “Koku, o le nuu o Makoku,” ma o afea e gaoioi ai e faaumatia tagata o Ieova? (Eseki. 38:2, 16) [w97 3/1 itu. 14 pala. 1–itu. 15 pala. 3]