Zvokutaura Maererano Nemagazini
Nharireyomurindi Apr. 1
“Zvinoratidzwa pano ndiko kudya kunowanzonzi Kudya Kwemanheru Kwokupedzisira. [Muratidze peji yokutanga neyokupedzisira yemagazini yacho.] Maiziva here kuti ndicho chiitiko bedzi chinorayirwa vaKristu kuti vachengete? [Rega apindure. Zvadaro verenga Ruka 22:19.] Magazini iyi inotsanangura chikonzero nei kuchengeta uku kuchikosha zvikuru uye kuti zvinei noupenyu hwenyu.”
Mukai! Apr. 8
“Makamboona here kuti mazuva ano vanhu vakawanda zvinovaomera kunyatsorara? [Rega apindure.] Zvingakonzerwa nokuzvidya mwoyo kana kunetseka. [Verenga Muparidzi 5:12.] Magazini iyi inotaura zvimwe zvezvinokonzera kushaya hope, uye inopa mazano anobatsira okuvandudza kwatingaita kurara kwedu.”
Nharireyomurindi Apr. 15
“Mumakore achangopfuura vanhu vakawanda vakacherechedza kuderera kwezvinokosheswa pakunamata. Makazvicherechedzawo here? [Rega apindure. Zvadaro verenga Pisarema 119:105.] Zvinokosheswa pakunamata zvingabatsira vanhu kusawira munjodzi dzakawanda muupenyu. Magazini iyi inoratidza kungawanikwa zvinhu chaizvo zvinokosheswa pakunamata.”
Mukai! Apr. 8
“Hazvisiririsi here kuti upenyu hwevechiduku vakawanda hwakakanganiswa nezvinodhaka? [Rega apindure.] Kazhinji zvinetso zvinotanga pwere padzinoshamwaridzana neboka revanhu vakaipa. [Verenga 1 VaKorinde 15:33.] Magazini iyi yeMukai! inoongorora zvinoita kuti vechiduku vatange kushandisa zvinodhaka uye zvingaitwa nevabereki kuvadzivirira.”