Ashandise Pane Kuachengeta

Ungano dzakawanda dzava nemabhuku akawanda ekare. Wadii kuzviwanira mabhuku ekuti ushandise paraibhurari yako yemabhuku eBhaibheri? Ichokwadi kuti pamwe unotokwanisa kuwana mamwe mashoko mumabhuku ekare paWatchtower Library. Kunyange zvakadaro, pane zvazvakanakirawo kuva nemabhuku chaiwo. Une wauri kudzidza naye Bhaibheri ari kufambira mberi here? Kana zvakadaro mukurudzire kutora mabhuku aya ekare uye kuti atangewo kuzvigadzirira raibhurari yake. Mutariri weChikoro chaMwari Choushumiri anofanira kuva nechokwadi chokuti raibhurari yepaImba yoUmambo ine chero mabhuku ekare anenge ari mudura reungano. Mabhuku aya achiri kushanda. Zviri nani kuti tiashandise pane kuasiya ari pakaunda yemabhuku yeungano!