Mharidzo Dzokuenzanisira

Kutanga Zvidzidzo zveBhaibheri Mugovera Wokutanga Muna May

“Makambozvibvunzawo here kuti nei Mwari achibvumira uipi uye kutambura? [Rega apindure.] Ndinoda kukuratidzai chimwe chinhu chinonakidza nezvenyaya iyi.” Verengai pamwe chete mashoko ari pasi pekamusoro kadiki kekutanga kari papeji 16 yeNharireyomurindi yaMay 1 uye rumwe rwemagwaro akanyorwa ipapo. Govera magazini acho, uye ronga kuzodzokera kuti munokurukura mhinduro yemubvunzo unotevera.

Nharireyomurindi May 1

Verenga Pisarema 37:10, 11. Ibva wati: “Munofunga kuti tichaona izvi zvakavimbiswa zvichiitika munguva pfupi iri kuuya here? [Rega apindure.] Magazini ino inotaura nezvouprofita hutanhatu hwakasiyana-siyana hwomuBhaibheri hwatiri kuona huchizadzika panguva ino, uprofita hunoratidza kuti kuzadzika kwevimbiso iyi hakusi kure zvikuru.”

Awake! May

“Vamwe vanoti vanhu imhuka dzakashanduka kusvika padanho rakakwirira. Imi munofungei? [Rega apindure. Ibva waverenga Pisarema 139:14.] Chokwadi, munyori wepisarema aingoziva zvishoma nezvokushamisa kunoita muviri womunhu. Magazini ino inotaura zvatava kuziva, kusanganisira zvinotisiyanisa nemhuka.”