Bhuku Idzva Rinobatsira Pakutsvakurudza

Mamiriyoni evaparidzi munyika yose ari kushandisa Watch Tower Publications Index pakutsvakurudza. Zvisinei, sezvo Index iine zvakawanda zvinodiwa pakuigadzira, inongowanika mumitauro mishoma. Saka tava neBhuku Rinobatsira Zvapupu zvaJehovha Pakutsvakurudza iro rinowanika mumitauro 170. Zvinyorwa zvakawanda zviri mubhuku raKutsvakurudza zvinotangira mugore ra2000 zvichienda mberi. Bhuku iri harina kudhindwa mumitauro inotova neIndex, asi rinowanikwa muWatchtower Library, uye muRAIBHURARI YEPAINDANETI yeWatchtower. Bhuku raKutsvakurudza richakubatsira kutsvaga mhinduro dzemibvunzo yeBhaibheri, mamwewo mashoko aunenge uchida, uye kugadzirira misangano yeungano nekunamata kwemhuri.