Dzidziswa naJehovha

NEI ZVICHIKOSHA? Jehovha, Murayiridzi wedu Mukuru, anotipa dzidzo yakanaka kupfuura dzese. Anotidzidzisa kuti tive neupenyu hwakanaka, tive neunhu huchaita kuti tizokodzera kurarama nekusingaperi, uye haatibhadharisi! (Isa 11:6-9; 30:20, 21; Zva 22:17) Dzidziso yatinopiwa naJehovha inoita kuti tigone kudzidzisa vamwe kuti vazoponawo.​—2VaK 3:5.

MAITIRWO AZVO:

• Iva munhu munyoro uye anozvininipisa.​—Pis 25:8, 9

• Shandisa zvatiri kupiwa naJehovha kuti atidzidzise, zvakadai sekuita hurukuro dzevadzidzi dzepamusangano wepakati pevhiki

• Iva nezvinangwa zvekunamata.​—VaF 3:13

• Zvipire kusiya zvimwe zvinhu uchiitira kuti uwedzere kudzidziswa naJehovha.​—VaF 3:8

ONA VHIDHIYO INONZI MAKOMBORERO ATAKAWANA NEKUDZIDZISWA KWATAKAITWA NAJEHOVHA, WOZOPINDURA MIBVUNZO IYI:

• Vamwe vakakunda matambudziko api kuti vapinde Chikoro Chevazivisi Vemashoko eUmambo?

• Chikoro Chevazivisi Vemashoko eUmambo chinodzidzisei?

• Vemuungano vakabatsira sei hama nehanzvadzi dzakanga dzabva kuchikoro ichi?

• Ndezvipi zvinodiwa kuti ukwanise kupinda Chikoro Chevazivisi Vemashoko eUmambo? (kr 189)

• Ndezvipi zvimwe zvaunogona kudzidziswa musangano raJehovha?