Vanoshanda Nesimba Kuti Vatibatsire

Vatariri vematunhu nemadzimai avo vanozvipira kushumira vamwe uye vanovaratidza rudo. Vanhuwo vakangofanana nesu pakuti vanewo zvavanoda, uye dzimwe nguva vanonetawo, vanoora mwoyo uye vanomboshushikanawo nezvimwe zvinhu. (Jak 5:17) Kunyange zvakadaro, vhiki rimwe nerimwe vanoisa pfungwa pakukurudzira hama nehanzvadzi dzemuungano yavanenge vashanyira. Vatariri vematunhu “vakakodzera kukudzwa zvakapetwa kaviri.”—1Ti 5:17.

Muapostora Pauro paaironga rwendo rwekuenda kuRoma kuti ‘anopa chipo chemweya’ kuungano yeko, aitarisira ‘kuvakurudzira, uye kuti ivo vamukurudzirewo.’ (VaR 1:11, 12) Wakambofunga here kuti ungakurudzira sei mutariri wenyu wedunhu nemudzimai wake, kana akaroora?

ONA VHIDHIYO INONZI KUSHANDA SEMUTARIRI WEDUNHU KUMARUWA, WOZOPINDURA MIBVUNZO INOTEVERA:

• Vatariri vematunhu nemadzimai avo vanozvipira sei kuti vabatsire ungano?

  Your answer

• Wakabatsirwa sei nemutariri wedunhu nemudzimai wake?

  Your answer

• Tingavakurudzira sei?

  Your answer