Mbledhjet e Shërbimit për korrikun
Java që fillon më 1 korrik
Kënga 6 (45)
12 min.: Njoftime lokale dhe nga Shërbimi ynë i Mbretërisë. Komente mbi raportin e shërbimit në fushë për muajin prill në vend dhe në kongregacionin lokal.
15 min.: «Të plotësojmë betimin tonë ditë për ditë.» Me pyetje dhe përgjigje.
18 min.: «Imito Jehovain, duke treguar kujdes të vërtetë për të tjerët.» (Paragrafët 1-3) Përdor paragrafin e parë për të zhvilluar temën e artikullit. Përcakto se cilat broshura që janë në dispozicion kohët e fundit në kongregacion, mund të ngjallin interes në territor. Pastaj, vetëm rishiko paragrafët 2-3 dhe demonstro se si mund të bëhet vizita e parë dhe rivizita me broshurën A kujdeset me të vërtetë Perëndia për ne? Trego se si lajmëtarët mund të formulojnë vetë një prezantim për një broshurë tjetër, e cila do të ishte e përshtatshme për territorin lokal. Përfshij sugjerimet mbi mënyrën se si të përmendim se dhënia e kontributeve për veprën ndërkombëtare pranohet me kënaqësi.
Kënga 11 (85) dhe lutja përmbyllëse.
Java që fillon më 8 korrik
Kënga 4 (43)
10 min.: Njoftime lokale. Raporti i llogarisë.
15 min.: «Imito Jehovain, duke treguar kujdes të vërtetë për të tjerët.» (Paragrafët 4-5) Trajto vetëm paragrafët 4-5 dhe disa pika kryesore nga broshura Kur të vdes një njeri i dashur. Më pas, demonstro prezantimet e sugjeruara për vizitën e parë dhe rivizitën.
20 min.: «Nevojiten më shumë vëllezër në shërbimin si pionier.» Pyetje dhe përgjigje. Për aq sa lejon koha, rishiko sugjerimet mbi mënyrën se si të kujdesemi për nevojat financiare, siç trajtohet në Kullën e Rojës 15 shtator 1993, faqet 28-31, (angl.).
Kënga 17 (187) dhe lutja përmbyllëse.
Java që fillon më 15 korrik
Kënga 18 (162)
10 min.: Njoftime lokale.
20 min.: «A ke provuar të japësh dëshmi në mbrëmje?» Një fjalim me pjesëmarrjen e auditorit dhe disa intervista. Trego se çfarë është vërejtur në mënyrë lokale, kur punohet në territor gjatë orëve të vona të ditës. Përfshij përvoja që tregojnë rezultate pozitive nga dëshmia në mbrëmje. Thekso programin javor të mbledhjeve për shërbim.
15 min.: «Imito Jehovain, duke treguar kujdes të vërtetë për të tjerët.» (Paragrafët 6-8) Përdor paragrafin e fundit të artikullit për t’i inkurajuar të gjithë që të bëjnë rivizita të menjëhershme tek ata, të cilëve u janë lënë broshura. Duke përdorur paragrafët 6-7, demonstro se si të ofrojmë broshurën Qëllimi i jetës gjatë vizitës së parë dhe se si të fillojmë një studim me kapitullin e parë të librit Njohuria gjatë rivizitës. Kujtoji lajmëtarët se mund të formulojnë vetë prezantime për broshurat e tjera, sipas modelit të prezantimeve të sugjeruara në fletushkën Shërbimi Ynë i Mbretërisë.
Kënga 13 (124) dhe lutja përmbyllëse.
Java që fillon më 22 korrik
Kënga 5 (46)
10 min.: Njoftime lokale. Rishiko shkurtimisht numrat e fundit të revistave, duke nxjerrë në pah pika interesante që mund të përdoren për t’i prezantuar ato në shërbim.
15 min.: Ndiq synimin e shërbimit të plotë kohor. Bisedë mes një plaku dhe një apo dy adoleshentëve, e bazuar mbi Kullën e Rojës, 15 dhjetor 1988, faqet 25-27 (angl.). Të rinjtë po përpiqen të vendosin se çfarë synimesh do të ndjekin, pasi të kenë mbaruar shkollën e mesme. Ata tregojnë interes për përparësitë materiale që u ofron karriera botërore. Plaku vë në dukje arsyet pozitive, përse do të ishte më mirë të ndërmerrej shërbimi si pionier. Adoleshentët pajtohen me mendimin, por kanë dyshimin se edhe si pionierë mund të shërbejnë, edhe mund të sigurojnë në kuptim material. Plaku u tregon përvoja nga artikulli i Kullës së Rojës, duke treguar se shërbimi si pionier është një synim i arsyeshëm dhe i arritshëm, që u sjell gëzim shumë lajmëtarëve. Biseda përfundon me shprehjen e çmueshmërisë nga ana e adoleshentëve për komentet e plakut dhe vendosmërinë për të menduar seriozisht mbi ndjekjen e synimit për një pjesëmarrje të plotë në shërbim të Mbretërisë.
20 min.: «Si të bëjmë dishepuj me librin Njohuria.» Një fjalim mbi paragrafët 12-16 të shtojcës së qershorit 1996. Përfshij dy demonstrime se si bëhet një studim biblik në progres. I pari tregon se si ta stërvitim studentin për të përgatitur mësimin, duke nënvizuar fjalët më të rëndësishme dhe frazat që u përgjigjen në mënyrë më të drejtpërdrejtë pyetjeve të shtypura. I dyti tregon se çfarë mund të thuash për ta inkurajuar studentin e Biblës që të marrë pjesë në Mbledhjen Publike dhe në Studimin e Kullës së Rojës.
Kënga 15 (127) dhe lutja përmbyllëse.
Java që fillon më 29 korrik
Kënga 26 (212)
10 min.: Njoftime lokale. Rishiko «Programi i ri i asamblesë qarkore».
20 min.: Ç’gjë e ndihmon lajmëtarin për të filluar një studim biblik? Një plak drejton bisedën ndërmjet dy apo tre lajmëtarëve që kanë qenë të suksesshëm në veprën me studime biblike, duke parë mënyrat se si të kemi më shumë sukses në fillimin e studimeve: (1) Lutja për ndihmën e Jehovait. (2) Pjesëmarrja e rregullt në aspekte të ndryshme të shërbimit për të gjetur të interesuarit. (3) Regjistrimi i të gjithë të interesuarve dhe bërja e rivizitave të pavonuara. (4) Ofrimi i një studimi kurdoherë që tregohet interes. (Shiko nëntitullin «Duke filluar studime biblike» në faqen 20 të Kullës së Rojës, 15 shkurt 1996.) (5) Krijimi i besimit në aftësinë për të mësuar, duke përdorur katër sugjerimet e theksuara në faqet 13-17 të Kullës së Rojës, 1 gusht 1984 (angl.).
15 min.: Nevoja lokale ose fjalim nga një plak mbi artikullin «Ngushëllimi dhe inkurajimi: Xhevahire me shumë faqe», nga Kulla e Rojës, 15 janar 1996, faqet 21-23.
Kënga 7 (51) dhe lutja përmbyllëse.