Program i ri i asamblesë qarkore
1 Duke iu bindur fjalëve të Jezuit në Mateun 6:33, të krishterët e vërtetë e kanë vënë Mbretërinë gjithnjë në vend të parë në jetën e tyre. Prandaj, tema «Vazhdo të kërkosh më parë Mbretërinë» është e përshtatshme për serinë e asambleve qarkore që kanë filluar në shtator të vitit 1993.
2 Që në fillim programi do të vërë në dukje realitetin e Mbretërisë, duke nënvizuar se është një qeveri vepruese, me një mbretëri, me qeveritarë, nënshtetas dhe ligje. Bile, shumë prej ligjeve të nxjerra nga qeveritë njerëzore në dobi të shoqërisë moderne bazohen mbi ligjet biblike.
3 Do të merren në shqyrtim mbrojtja dhe bekimet që gëzojmë duke vënë në vend të parë Mbretërinë në çdo aspekt të jetës sonë. Do të jepen këshilla praktike mbi mënyrën se si të shmangim shqetësimet e padobishme. Me anë të fjalimeve, demonstrimeve dhe bisedave do të shpjegohet përse është kaq e rëndësishme të mbajmë një sy të thjeshtë.
4 Të shtunën e asamblesë ata që janë të aftë për pagëzim do të mund të bëjnë deklaratë publike të dedikimit të tyre ndaj Jehovait. Dhe të dielën të gjithë duhet të jemi të pranishëm në fjalimin publik të titulluar: «Çfarë do të bëjë Mbretëria e Perëndisë për njerëzimin.»
5 Bëni planet që të jeni të pranishëm në asamblenë qarkore në të dyja ditët. Programi i asamblesë, bashkë me shoqërinë e këndshme të vëllezërve, do të sigurojë inkurajim, ndërtim dhe shlodhje. Asnjë prej nesh nuk duhet ta humbasë!