Programi i ri i Asamblesë Qarkore

«Mbaj urdhërimet e Perëndisë dhe jeto» është tema e programit të Asamblesë Qarkore dyditore që fillon në shtator. (Prov. 4:4, BR) Në të do të theksohet se përse t’i bindesh urdhërave të Perëndisë nuk është një barrë. Për më tepër, në të do të tregohet se si bërja e vullnetit të Perëndisë të sjell freskim, lumturi të vërtetë si edhe shpresën për të ardhmen.​—Mat. 11:28-30; Gjoni 13:17.

Ata që në bindje të urdhërit të Krishtit duan të pagëzohen në këtë asamble, duhet të flasin me mbikëqyrësin drejtues dhe ai do të bëjë rregullimet e nevojshme.​—Mat. 28:19, 20.

Një simpozium do të shpjegojë mënyrat praktike me anë të të cilave mund të tregojmë dashuri për Jehovain dhe vëllezërit tanë. (Gjoni 13:34, 35; 1. Gjon. 5:3) Në program do të përfshihet këshilla prekëse marrë nga Psalmet 19 dhe 119. Megjithëse këshilla e frymëzuar në këto psalme u shkrua mijëra vite më parë, do të shohim se sa e dobishme është për ne personalisht sot.

Fjalimi publik që do të mbahet nga mbikëqyrësi krahinor titullohet «Druaju Perëndisë dhe mbaj urdhërimet e tij». (Ekl. 12:13, BR) Fjalimi i fundit i mbikëqyrësit qarkor do të tregojë se si të rinjtë mund të nxjerrin tani më të mirën prej jetës së tyre dhe përse ata mund të kenë besim në një të ardhme të përjetshme. Mbikëqyrësi krahinor e mbyll programin duke renditur dobitë e shumta që vijnë kur jetojmë sipas «ligjit mbretëror» të dashurisë. (Jak. 2:8, BR) Vërtet, kjo asamble ka një program që askush nuk do të donte ta humbte!