Programi i ri i asamblesë qarkore
1 Programi i ri i asamblesë qarkore që fillon nga shtatori, do të zhvillojë temën «Përjetoni lumturinë më të madhe në të dhënë». (Vep. 20:35) Lumturia është përshkruar si «gjendje mirëqenieje dhe kënaqësie». Pjesa më e madhe e njerëzve sot, përpiqet të rrokë çdo lloj kënaqësie që mundet nga jeta dhe kur e arrin, ajo shpesh është e përkohshme. Nuk është kjo lumturia e vërtetë. Megjithatë, Jehovai na mëson se si të nxjerrim dobi përgjithmonë për veten. (Isa. 48:17; 1. Gjon. 2:17) Programi i ri i asamblesë qarkore do të theksojë se si mund të fitojmë lumturi më të madhe, duke dhënë në një mënyrë frymore.
2 Do të mësojmë mënyra praktike, me të cilat mund të japim veten në shërbim. Disa nga fjalimet që do të mbahen nga mbikëqyrësit udhëtues titullohen: «Të bëjmë miq me pasuri të padrejta.» «Të respektojmë sigurimin hyjnor të ‘dhuratave në njerëz’.» «Të përjetojmë aspektet e shumta të lumturisë së vërtetë.» Ata që dëshirojnë të pagëzohen në asamble, duhet t’ia shprehin dëshirën e tyre mbikëqyrësit drejtues, kështu që ai të mund të rregullojë që pleqtë të rishikojnë pyetjet e pagëzimit me ta. Duke i shërbyer Jehovait në një marrëdhënie të pastër, të sapopagëzuarit do të kenë lumturi të madhe.
3 Edhe pranimi i autoritetit të Jehovait siç duhet, sjell lumturi dhe siguri të vërtetë. Të gjithë njerëzit duhet ta dinë këtë. Prandaj, fjalimi publik në asamblenë qarkore do të zhvillojë temën «Bashkohuni me popullin e lumtur të Perëndisë». Sigurohu të ftosh të gjithë ata që kanë treguar interes për të vërtetën që të vijnë në këtë fjalim. Ata nuk kanë gjetur siguri të vërtetë dhe lumturi të qëndrueshme nën sundimin e kësaj bote, e cila dergjet nën pushtetin e Satanait. (Ekl. 8:9) Por ç’gëzim do të gjejnë, duke u shoqëruar me popullin e lumtur të Jehovait!—Psal. 144:15b.
4 Pavarësisht nga kushtet që vijnë duke u keqësuar gjithnjë e më shumë në këtë sistem gjërash, ata që përjetojnë lumturinë më të madhe, duke dhënë në kuptim frymor, kurrë nuk do të zhgënjehen nga Perëndia i lumtur. (1. Tim. 1:11) Programi i ri i asamblesë qarkore do të tregojë se kjo gjë është e vërtetë. Nuk duhet të mungosh atje!