Një asamble qarkore që na ndihmon të ruajmë karakterin frymor
1. Cila është një nga masat e Jehovait që na ndihmon të përmbushim caktimin tonë për të përhapur lajmin e mirë?
1 Jehovai na jep me bujari informacionin, stërvitjen dhe inkurajimin që na nevojitet në caktimin që ai na ka dhënë për të përhapur lajmin e mirë. (Mat. 24:14; 2 Tim. 4:17) Asambleja qarkore e përvitshme është një nga masat që na plotëson këto nevoja. Në programin e ri për vitin e shërbimit 2010, do të zhvillohet tema «Të ruajmë karakterin frymor», bazuar te Romakëve 8:5 dhe Juda 17-19. Ai është programuar të nisë javën që fillon më 31 gusht 2009.
2. (a) Në ç’mënyra do të nxjerrim dobi nga asambleja qarkore? (b) Si ju kanë ndihmuar asambletë e mëparshme qarkore për shërbimin?
2 Dobitë që do të nxjerrim: Programi do të na vërë në dijeni të rreziqeve, si shpërqendrimet që mund të na marrin kohë dhe të na e largojnë vëmendjen nga ajo që është vërtet e rëndësishme. Do të mësojmë si ta luftojmë qëndrimin liberal dhe do të shqyrtojmë se çfarë e karakterizon një njeri frymor. Simpoziumi i së dielës do të tregojë se si individë dhe si familje mund të ndërmarrim hapa për të forcuar karakterin frymor përballë presioneve gjithnjë në rritje dhe përballë sprovave serioze të besimit. Programi do të na ndihmojë të ruajmë zemrën e shëndetin frymor dhe të mbajmë qartë në mendje bekimet e mëdha që i presin ata që ruajnë karakterin frymor.
3. Kur është asambleja juaj e ardhshme qarkore dhe për çfarë duhet të jeni të vendosur?
3 Sapo të mësoni se kur dhe ku do të mbahet asambleja juaj e ardhshme qarkore, planifikoni që të jeni të pranishëm dhe të vëmendshëm në sesionet e të dyja ditëve. Të jeni të sigurt se Jehovai i bekon duart e atij që ngulmon.—Prov. 21:5.
4. Çfarë jemi të sigurt se do të marrim në asamblenë e ardhshme qarkore?
4 Vërtet, Jehovai është Siguruesi i kësaj dhurate të mirë. Programi i përgatitur nga klasa e skllavit të besueshëm do të jetë pikërisht ajo që na nevojitet për të vazhduar si shërbëtorë të krishterë. I jemi mirënjohës Jehovait për gjithë masat e tij të dashura që na ndihmojnë «ta mbajmë fort mundësinë për të shpallur publikisht shpresën tonë pa u lëkundur».—Hebr. 10:23-25; Jak. 1:17.