Programi i asamblesë së re qarkore

«Të mbajmë mirë në mend ditën e Jehovait», është tema e programit të asamblesë qarkore dyditore, që fillon në shtator. (2. Pjet. 3:12, BR) Ajo ka si qëllim të ngjallë ndjenjën tonë të urgjencës. Së shpejti banorët e tokës do të përjetojnë gjykimet e Jehovait. Kush do ta mbijetojë ‘ditën e madhe të Perëndisë së Plotfuqishëm’? Vetëm ata që qëndrojnë frymësisht zgjuar dhe që kanë të vendosur fort një model jete ‘veprash të shenjta sjelljeje dhe veprimesh të devotshmërisë hyjnore’.​—Zbul. 16:14; 2. Pjet. 3:11, BR.

Për një person, që ta mbijetojë ditën e Jehovait, pagëzimi është thelbësor. (1. Pjet. 3:21) Ata lajmëtarë që në këtë asamble dëshirojnë të pagëzohen, duhet të flasin me mbikëqyrësin drejtues, i cili do të bëjë rregullimet e nevojshme.

Simpoziumi me katër pjesë, «Lloji i personave që duhet të jemi», do të tregojë qartë se cilat veprime përfshihen në mbajtjen mirë ndër mend të pranisë së ditës së Jehovait. Fjalimi publik, «Veproni me mençuri, ndërsa afrohet dita e Jehovait», do të shpjegojë se çfarë do të thotë të ‘kërkosh Jehovain, drejtësinë dhe butësinë’, në mënyrë që të jesh një i mbijetuar.​—Sof. 2:3, BR.

Asambleja qarkore do të mbyllet me dy fjalime nxitëse nga mbikëqyrësit udhëtues, me titull: «A përqendrohet jeta juaj tek e vërteta?» dhe «Të planifikojmë, duke pasur në mend ditën e Jehovait». Këto fjalime do të na nxitin të shqyrtojmë jetën tonë dhe të bëjmë rregullimet e nevojshme. Profecitë biblike dhe ngjarjet botërore, tregojnë qartë se dita e Jehovait është afër. Programi i kësaj asambleje do të na inkurajojë të ‘jemi të përmbajtur dhe të rrimë zgjuar’. (1. Pjet. 5:8) Bëni plane të përcaktuara qartë, për të marrë pjesë në të dyja ditët.