Programi i ri i asamblesë qarkore

Çfarë dobish praktike po nxjerrim sot duke ecur me Jehovain? Si mund t’i bëjmë ballë tundimit për të lejuar aktivitetet joteokratike që të na pengojnë të mbajmë interesat e Mbretërisë në vend të parë në jetën tonë? (Mat. 6:33) A e kemi të vështirë të dallojmë të drejtën nga e gabuara, duke qenë se jetojmë në një botë që e paraqet shtrembër atë që është e drejtë? (Hebr. 5:14) Këto çështje do të trajtohen në Asamblenë Qarkore «Nxirrni dobi tani, duke ecur në udhët e Perëndisë», që do të fillojë në shtator të këtij viti.​—Psal. 128:1.

E veçanta e ditës së shtunë në këtë asamble do të jetë prezantimi i një Mbledhjeje Shërbimi model. Mbikëqyrësi i qarkut tonë do të informojë kongregacionet mbi atë që është planifikuar të trajtohet, në mënyrë që të gjithë të mund të vijnë të përgatitur për të gëzuar në një masë të plotë programin.

Pjesa me titull «Pionierë: Vazhdoni të jini shumë vigjilentë mbi mënyrën se si ecni!», do të na tregojë se si të ushtrojmë mençuri dhe arsyetushmëri me qëllim që të blejmë kohën e përshtatshme për shërbimin si pionier. (Efes. 5:15-17, BR) Tema «Kujdes nga udhët që vetëm sa duken të drejta», do të na mësojë se si të sigurohemi për atë që është e pranueshme për Perëndinë në çdo aspekt të jetës. Fjalimi «Si ndikojnë te ne profecitë e përmbushura» do të na ndihmojë që ta mbushim mendjen dhe zemrën me dashuri për Fjalën e Perëndisë. Fjalimi publik «Udhët hyjnore: Sa të dobishme janë!» do të theksojë dobitë praktike që nxjerrim tani duke qëndruar në harmoni me kërkesat e drejta të Jehovait.

A kemi dëshirë të tregojmë publikisht me anë të pagëzimit në ujë se duam të ecim në udhët e Perëndisë si shërbëtorë të dedikuar të tij? Atëherë, le të flasim me mbikëqyrësin drejtues që të mund të bëhen rregullimet e nevojshme.

Le të vëmë si synim që të mos e humbasim këtë asamble qarkore që bëhet në kohën e duhur. Të jemi të pranishëm gjatë gjithë programit dyditor, sepse ‘i lumtur është ai që ka frikë nga Zoti dhe që ecën në rrugët e tij’.​—Psal. 128:1.