Dipesaleme

Ho motsamaisi. E binwe ka mokgwa wa Jeduthune.* Pina ya Davida.

62 Ke letela Modimo ke kgutsitse.

Ke yena ya mpholosang.+

 2 Ke lefika la ka le mopholosi wa ka, setshabelo sa ka se sireletsehileng.*+

Nke ke ka sisinngwa haholo le ka mohla.+

 3 Le tla otla motho ho fihlela neng e le hore le mo bolaye?+

Kaofela ha lona le kotsi jwalo ka lerako la majwe le sekameng, le seng le le haufi le ho wa.*

 4 Ba a rerisana hore ba mo theole boemong ba hae bo phahameng.*

Ba thabela ho bua leshano.

Ba hlohonolofatsa ka melomo ya bona empa ka dipelong tsa bona ba a rohakana.+ (Selah)

 6 Ke lefika la ka le mopholosi wa ka, setshabelo sa ka se sireletsehileng.

Nke ke ka sisinngwa le ka mohla.+

 7 Poloko ya ka le kganya ya ka di itshetlehile ka Modimo.

Modimo ke lefika la ka le matla le setshabelo sa ka.+

 8 Le mo tshepe ka dinako tsohle, lona setjhaba.

Le mo bolelle dintho tsohle tse ka dipelong tsa lona.+

Modimo ke setshabelo sa rona.+ (Selah)

Ba bofefo ho feta moya ha ba bapiswa le ona sekaleng.+

Haeba maruo a lona a eketseha, le se ke la beha dipelo tsa lona ho ona.+

11 Ke utlwile habedi hore Modimo o itse:

Matla ke a Modimo.+

12 Lerato* le lona ke la hao, Jehova.+

O putsa motho e mong le e mong ho ya ka diketso tsa hae.+